يراودك الشعور المرتمي بين الرجا و الخوف
يا قلبٍ حط شرهات الغلا بـ وجيه غيّابي
غريب إنك وصلت لمرحله تستغرب المألوف
و غريب إني أحنّ لـ غربتي و أشتاق لـ غيابي
يا ربّ عونك لا ثقل حمل الرجال
وضاقت عليّ وصار همّي صاحبي
أسعى على رزقي ولو صعب المنال
والذلّ ما هو في حياتي ومذهبي
لأجل الوجيه اللي تشوف إنّي ظلال
بركض لها وأسعى ولو كان أحبي
اعلن مراسيم الوداع ان كنت للفرقى شغوف
شد الرّحال و مالك الا الي يلقيك القفى
الي يجي حسب الظروف اودّعه حسب ظروف
قلبي مع الي بايع العشره مثل صم الصفى
حتى «احبك » بعتبرها كلمة من اربع حروف
وانت اعتبرها مثل ماودّك وصل ولا جفى "
سافري وانسي معاك الموادع والسلام
وافرحي وانتي من الحزن في عينك شدو
ماهو وقت المعاتب ولا وقت الملام
حتى لو حالي بعد غيبتك حالة عدو
والله اني ليلة موادعك عييت انام
والعرب حسو بحزني وضاقو وانشدوا
ليتك معودني انك تسافر كل عام
كان ربعي يوم سولفت معهم مانقدوا