محمد أبن ناهضه

اللهم صلي وسلم على نبينا محمد

على كفّ السهر مريت أفتش عن هبوب الصبح ماعندي غير دخاني يولع بي واولع به خيول الفكر في راسي لها مدّه صهيل وضبح تحدّ المسلم العاقل يصير بيدّها لعبه عوى سرحان يالين أختفى صوتك ياراع النبح ولا بيدك ياكود إنك تركّد وتسمّع به تقديني سلوم وملّه ولاني قريّب شبح أخذت من الوفا شعبه وأخذت من الحيا شعبه لكّن أطمنّك منته محصّل من ورايه ربح تبي ترجع وكاسيك الخزا واللي تطمّع به تعرف إني حصيفٍ لا غشا وجه الزمان القبح وتدري طيحتي صعبه مثل ماقومتك صعبه

عزاي إنك قصيده كل ما لدّو وقالو قلّ أشوفك وسطها ليلى لو إني ماني بـقيسي

بين القصيم وبين ضلعان أبانات حجم القدر يطغى على كبر حجمي من بيننا سلم وقبايل وعادات أحتاج لجل أجي لك إسقاط نجمي

علينا الليالي تشهر السيف والبلجيك ولا لنت ياعزمي ولا هنت يا راسي تهاجمني بـ فوضى وأنا العب على تكتيك ولا يدحم القاسي سوى متني القاسي -قوارديولا

من الظروف القاسيه متعذّب لاعاد تنشد وش جديد الخانه ظنّي معك مثل الفشق لا كذّب في كف من زيزومٍ لقا عدوانه

وأنا أنتظر ..

كل ماجته المصايب كنّها كنّة سبيله لو همومه فوق صدره تطرب لكل معزوفه

على الشملي الليله بروق ورعد وأمطار من أيام ماوقف رعدها ولا برقه مطرها يقدي صاحب الخاطر المحتار لو أنه مايعرف وينه الغرب من شرقه ومع ان المطر يمطر ماطفى بوسطي نار عيوني من الشوق ومن الحب محترقه تذكرت صوتك والمطر صبته مدرار وصوتك وصوت الديم يالحب وش فرقه أنا من غلاك أبوج دربً وراه أخطار ولو طالت الروحه ولو طالت الطرقه ولا أكتب لك الجزل من شرّد الافكار من أبياتي اللي مابها ختله وسرقه - محمد بشير

ليه التجاهل ليه يالظبي الجفول ؟ طالبك لامني دعيتك لبّني خليتني هرجه على لسان العذول اللي ليا مني طريت يسبّني عيونك اللي تسلب اللباب العقول كنْها على درب الهلاك تذبّني ! إن كان ماحصلت لـ اوضاعي حلول خذني وسط عينك وفيها خبّني باقي سؤاليٍ كل ماشفتك يجول تْحبّني ولا ماعاد تْحبّني ؟؟ - محمد بشير

كم لي وأنا أردد لْيا الليل بي ليّل من بادي الوقت هذا الوقت يابادي ميّت ضما وأتحرّى جيّت غزيّل ولا جتني غزيّل ولا صار ميرادي -محمد بشير