🇵🇸🇱🇧 Ahmed Faisal 🐧

كنت في المترو النهاردة وفي بنت جمبي بيني وبينها شبر كدة فراغ مينفعش حد يقعد فيه المهم جه راجل بيقولها وسعي شوية بطريقة مستفزة جدا والمترو حرفيا في اماكن كتير فاضية ( ومش بعيدة يعني خطوة او اثنين عشان محدش يقولي ده تعبان ) البنت لا حول لها ولا قوة قامت بدون كلام واول ما قامت قعد هو وقالها احسن مش عندكم عربية حريم متروحي تقعدي فيها المهم البنت اتحرجت جدا ونزلت من العربية ومشيت شوية قولتلو براحة ليه كدة يا عم اقوم لك أنا مش البنت ثم في اماكن كتير قام مزعق في وشى وقالي انت هتعلمني كمان اقول ايه وقعد يزعق وتعالى خدوني قلمين ورغي كتيير وانا ساكت هو مستني الناس تيجي في صفه المهم الناس بتهدية ومتعرفش ايه الموضوع وشغال يزعق معاية بصوت عالي المهم أنا انفجرت فيه و فرجت عليه العربية كلها واول ما حس الناس عرفت اللي عمله وشاف نظراتهم ليه اتكتم ومفتحش بوقه بكلمة طول الوقت تخيل بقى أنا مليش علاقة بالموضوع وكان هيجيلي جلطة من الغيظ فما بالك بالبنت نفسها اللي نزلت احسسها بالعجز كان عامل ازاي ! الموقف ده اكدلي ان معظم البنات لما بيحصل معاها اي موقف بتتحرج وتختفي من المكان مش بيصورو زي ما انتو فاكرين اللي صورو دول يدوب كم واحدة حاولت تاخد حقها من المجتمع المريض ده اخيرا استوصو بالنساء خيرا واتقو الله فيهم