من توفق في حقوق امه لا ينشد وش بعدها
كان ما يدري رضاها من رضى ذات الجلالة
كيف ينقال اوف للي ما تقول اوف لولدها
( غـيـر لامنه طلب منها تبـرّد لـه بـيـالة )
مساء الجمعة :
مايجيبك طيب حظ ولا تجيبك طيب سمعة
انت نعمة ماتجيبك غير دعوه مستجابة
اذكر اني قبل اعرفك داعي الله عصر جمعة
ومن عرفتك الله اعلم وافقت وقت استجابة
مساكم الله بالخير .
احياناً يكون أكبر أنجازات الإنسان
إنه صبور مهما كانت صعوبة الامر والتراكمات
وعوائق الحياه و تعكس عليه القوة والاستمرار .
وعلى صياغ ذالك قال الشاعر :
كني على أيدين الصبر مولود
مهما حصل لي ما علي خلاف
صباح الخير ، اما بعد :
مع بداية كل يوم جديد كل ما ارتخت عزومك وتثاقلت حملك وتراكمت عليك الظغوطات من كل اتجاه
تذكر قول الله عز وجل { ولا نكلف نفساً إلا وسعها }
وعلى صياغ ذالك يقول الشاعر :
لو منت بكفو ماجتك الكلايف .
الكفو دايم صواديفه قويه
جمعنا القدر في حي حطين من قبله
على الوجه الأبيض والنقاء والنوايا فلح
تسولف عن ابوها ومجلسه وابله
واعزز لو كان مالي في ابوها صلح
هنوفً عطاها الله من الملح والقبله
لو يشوفها الدكتور غسان روّح ملح.