روقي .

يسولف معي على انه صديق مايدري اني بالخفى قد عشقته

ياعظيمة واجمل ايامي معك عايش رغدها قصةٍ ماعاشها مجنون ليلى العامرية قصةٍ لاهل الهوى مضرب مثالٍ تعتمدها كنها حبكة رواية بس هذي وَاقعية البطل فيها شجاعٍ قام واخذها بيدها حسب دستور الكتاب وتابعٍ سنة نبيه والله انك في ذراي من الغرابيل ونكدها افخريبي دام راسي حي والاشواق حيه فتنتك عن جيل كامل لا قبل ولاّ بعدها عن جميع الغيد ربي ميّزك بالجاذبية طلتك طلت قمر خمسة عشر حزة وعدها في تمامه كل نجمة خافتة من قو ضيّه وسيرة اجدادك تنومس كل راويةٍ سردها متعبين الخيل يوم ان الجزيرة جاهلية سيرةٍ تفخر بها الاحفاد ماشخص جحدها المكارم زينتها والخصال الحاتمية - نايف بن حربي

انا اشهد ان الفقر حطم رياجيل كم واحدٍ مطنوخ سبب له ازعاج ياخذ عشا الضيفان سلفة وتاجيل اهم حاجه مايجي وجهه احراج وفي مجلسه يازين سوق الفناجيل والعود الازرق ما بخل به فالادراج - نايف بن حربي

اقرب وميل ب قوام يرضي النفس بـ سهولهِ ليه لا ؟ وانت الوحيد إللي ورا الضلع القصيّر لا تطيّر ( والغلا ) حتى الزلل ما دار .. حوله العقيده .. تمنع المسلم لا يدخل فـ التطيّر دام لك عشق محد غيرك من العالم ينوله ليه أشوفك مره تسيّر .. ومره ما تسيّر ؟ إن قدرت أرد نفسي عن غوى العين الخجوله ما قدرت آخذ نسم لا جيت في طب وتخيّر كل ما قائلت وجهك كيف يكسرني قبوله ؟ وأنت ريمَ لو يشوف ظلاله أرتاب .. وتذيّر عندك العاشق يعيش بـ راحه ويرضى ميوله من كثر ما تجذبه في رق صوت .. ووجه نيّر مستحيل أعارضك بـ إللي تبي .. وإللي تقوله ياكبر قدرك و منزلتك لو إن عادك ( صغير ) من يقول إن المحبه في دقايقها .. عجوله ! ما درا عن لهفة إللي : لا لمح وجهك تحير ؟ ودي أشوف الغرام يعيش في "دور البطوله " وخايف أشوف الوصل مثل الرفيق إللي تغيّر - تركي بن جويعد

أنا لي قلب يكبر كل ما شاف الزمن كابر مايغشاه الملام ومنزله نجم السما العالي يلوم المجتهد من لا يعرف يقوم .. ويثابر يجادل في محيط الأوله لو يجلس التالي تعيش العزة اللي تفهق العثرات وتكابر لامات العز في ناسٍ من الله مالها والي تولتنا الظروف المرهقة مقطوعة الدابر مرارتها تجي وتكدر اللي .. مشربه حالي عموماً ما بقى عندي ملام لـ وقتي الغابر عطتني قسوة الدنيا مايبدي قسوة اهمالي يامرفوع الجديل إليا متى والمنتحي صابر لك الله كيف سيرنا الزمان لوضعنا الحالي لا تبدي شرهة الخفاق ليـن .. تعبر العابر قضيتنا نزيهة وانت حلمي " وآخر آمالي عليك يحن خبري واعترف لو مانته بخابر لكن لازال قدرك في محل الغالي الغالي - مقرن بن حربي

ياشناح الطول يا الظبي الجفول يامليح الزول ياصاف الجمال حار فكري فيك مدري ويش أقول ياجمال أهل الجنوب مع الشمال فيك من زود البهاء شي يهلول لو يشوفه عاقل صابه هبال لو تبي تلبس من أسلابك سمول تقمر اللي يلبس أجمل دلال - عبد الله بن عون

صباح الخير — أمّا بعد :- جيت بين الضلوع الخاليه وأعتليت ضلعٍ يرحبّ فيك .. وضلعٍ يهَلي بك ❣️

بنت الشيوخ الي كساها الزين واطغاها الجمال من دونها حصنن تصافل والرياجيل... ثعوه لعيونها دكت مرابط خيل مروين السلال كم من حريباً ماخذين ابله في مركاض ضحوه انتي غزيزة مهترين اللبل شغاميم الرجال الي عليك تسوقهم غيره وطنخه وحموه متعلقن في وجهك الكامل والله الكمال مزيونتن ربي مصخرها بسجده ودعوه ابيع عمري دون عمرك يا بعد عمري تعال في شوفتك تكفي معك جلسه وفنجال قهره - كساّاب العتيبي.

استامني دامك سكنتي فالخفوق تراك في وجهي من ظروف الليال بينك وبين البيض ياكبر الفروق محدٍ يهدد موقعك هذا محال فيك الكلام العذب بانواعه يلوق شيٍ يقال وشي صعب انه يقال - نايف بن حربي

الوقت اشوفه مختلف فالموازين قامت ظروفه فالنشاما تسلط غابوا عن المشهد رجالٍ مسمّين وتصدر المشهد عليهم جحلط حتى الخبول مسحّبين الجوالين صارت على صدور المجالس تقلط - نايف بن حربي

هو يدري ان مفارقه عندي حرام لاكن يبعد بالرجال حمولها وان زادت الغيبات ما حولي ملام فـ حلولها دون الوطن فـ حلولها - مشيهِيبٌ .

مقاديم بدوٍ في رجا قلبك الحسّاس يسوقون شرهتهم ! وأنا أسوق لك نوقي ترى ما معي شعر المعري، وأبو نوّاس أعرف أكتبك، لكنّي أجهَل مدى شوقي 🌿

روفي علي شوي يا فتنة الجيل والله ما عيشَك غير المسره على الزعل سنيت شرب الفناجيل موقفٍ بينك وبين المضره لا مر عودك قامو الناس تبجيل لله در العود . . " لله دره " كل البنات اليا وصلتي ( رياجيل ) مافيه غيرك بنت مافيه مررره ! - ناصر بن شايع

وقفت مذهول من كلمة ومن شوف عين مستغرب اللي سلم من كثرت اللي هلك ياصاحب الوجه الابيض والكلام الرزين ماكل حاجه لغيرك .. لا زم تصير لك يدور من حول .. نفسه مره ومرتين اللي ورى الناس .. داير مثل دور الفلك " إذا استقليت في رايك عن الآخرين صدقني انك تعيش العمر عيشت ملك - ناصر بن مفلح

مساء الخير _ اما بعد: ارتق بمستوى حديثك لا بمستوى صوتك فالمطر الذي ينميّ الأزهار وليس الرعد - جلال الدين الرومي .

ياحبيبي لانعكاسك ضي .. فـ وجيه المـرايا من ملامح وجهك الي تفهق السبع العجايب نظرة عيونك عظيمه .. وابتساماتك هدايا واعذب من النود لاهبت نسانيس الهبايب فيك وصفٍ من خيال وفيك ياكثر المزايا وفيك من ريح المطر لاهلت قنوف السحابب من رهافة خصرك المحروم صفيت النوايا جيت اتوبك واكتشفت انك طهارة كل تايب صار لظنوني سجيه فيك ، ياعذب السجايا وظني ان دروبك تعود على راسي نصايب وش بقى غير الشعور الي تفاصيله بقايا مابقى غير الظروف الي ترد الراس شايب عاد انا موتي معك مضمون من كل الزوايا دام وصلك ياحبيبي يترك الخفاق هايب - مقرن بن حربي

حنا ندل الحق .. و نعارض العيب و نفوسنا ما تقبل الزور و النصب الحاجه إللي عيّت تصير بـ الطيب نحلّها بـ عناد و تصير بـ الغصب ! - تركي بن جويعد

انا كنت عايش في متاهه قبلَ لا أجيك مُبعثر شعوري والمشاعر تبي لمّة    خذيني انا ودي أعيش العمر في ايديك لو  أنك  تضحين  بحياتي  بلا   رحمة - رجف

جابك الله ولا انا , ما عاد اميز ويني ضعت في دوامت الفرقا تقول مسيّب جعلني ما ابكي عليك وجعل ما تبكيني انت حاجه ودي انها , لا بغيت قريب لاجل منسوب الغلا من بينك ومن بيني لا تخليني اقفي عنك , مره طيب ؟ شاب راسي وانحرق قلبي وفاضت عيني ما بقى الا رموش عيني فـ الوداع تشيّب !! - سعد بن لويبه

يجي عندك الصيّاد و يروح منك صيد اباعرف و شلون الغزاله تصيد فهود ؟ - سعد السبوق

ناد للجنه وكبّر يابلال ابن رباح ودي اجنب ضجيج الكون واسعى للقدا وسط صدري ضيقتً(ن) ماهيب تطلع بالصياح فالسجود علاجها واللي يصلي ماغدا كن همي يوم طاح الدمع فالمحراب طاح دمعتً(ن) من دونها ماقلت ياعيني بدا كل ماسقت الخطا للمسجد اشوف النجاح قصة(ن) يجهل بها اللي ما يلبون الندا مانفعني فالحياه الفانيه كثر الكفاح كثر ماشفت الصلاه اصل السعاده والهدا لذةً(ن) يفرح بها اللي ذاق من حلو الصلاح ومامضا من عمري الفاني لها جعله فدا من ترك مرضات ربه ما عرف معنا القراح لو شرب يشرب هماج ولو سعا يسعى سدا ومن يصد من الفلاح اليا دعي به للفلاح عزتي له ماخذا من دنيته غير الردا - مشيهِيبّ.