Frequence

احب خشمك غلا يابنت ذا الفاطر. وذا من غلا ساسك الي ورث شيباني. ليتك تعرفين كثر الحب فالخاطر. حبك تعدا على القاصي مع الداني. عسى ديارك بسحبٍ وبلها ماطر. واماتك الي غزايز كسب جداني. ((( فريكونس )))🐪✋

جيتك بعد بذ الخفا يابس الريق. الجيه الي ظيع الله جهدها. من مسّة الحاجه وقل التوافيق وظروف ماتنقال و امر و ادها. وحديتني الله يحدك على الضيق. بالضيقه الي ماتنفس بعدها. ( محمد عياد البغيلي )

ترجمت لطرمان واميت للعور. و ازريت عن عوجا الزمان ودبوره. و اقفيت و اضني لو اقفيت معذور. لحق الرشا دلواً وراه محدوره. ( منقول )

دايم استنكر من العاقل الهرج السفيه مثل مايستنكرون الرديه من شلي الاجنبي لااخطا برد الخطيه ماعليه البلا من خيرة ربوعي وخيرة هلي اشهد ان الحلم وقت الغضب ماله شبيه واشهد ان العرف وقت الجهل ماله حلي لو بعود مثل ماقال فيني قلت فيه لبسوني ثوب مخطي وانا المخطى علي. (خالد بن طفلان)

البعد عن بعض المخاليق نوماس. والقرب منهم ضيق خاطر و عاقه. و ماني بمجبورٍ على ساير الناس. بيني و بين الوحده اكبر علاقه. ماهو مرض نفسي ولاهوب وسواس. لكن في بعض التجنب رواقه. ( منقول )

لعنبوكم يا المجنن غدا كلٍ مديح. ماخبرنا ان الثعاله تذيب عيالها. لعنبوكم جنبو الكذب روحو لصحيح. الله يقطع شركة ابل مع جوالها. ( ابو مهل )

مري شمال انكان ودك تمرين مري على قبري وشوفي محله بأرض الشمال وقبلة القبر رجمين الرجم الايسر يلحق القبر ظله وانكان ودك فوق قبري تصلين اليا سجدتي فلي الراس كله اشم ريح مثل ورد البساتين وجسم كلاه الدود وصلك يبله وعند الوداع خطي على القبر حرفين مرحوم يلي صاحبه ماحصل له منصورالرمالي

ماحدنا نرسل عليك المراسيل. الا زمانٍ مالنا فيه قدره. من ضاق صدره من لزوم الرجاجيل. لا عاد يضرب لرجاجيل صدره. ( جابر النشيرا )

تدري من الي فيه كل العذاريب ومن الردى راضع وراوي وشابع اللي يلين جانبه للاجانيب و ربعه يصافحهم بروس الاصابع. ( منقول )

ياالي بنيتو لتفاخر صوواين وتصورون ظيوفكم والذبايح. وتعزّمون اهل الثرا والملايين وتقلطون اهل الشعر والمدايح تلفتو من حولكم ياالكريمين تلقون رملاً عندها طفل صايح. وتلقون محتاج ضعيف ومسكين مامد كفه خايف من الفضايح. وتلقون منهو يشكي الهم والدين ولامريض تالي الليل نايح. (منقول)