حميد بن سليم المقبلي

2️⃣ وفيه موضوع ثاني يستهلك وقتًا كبيرًا في عيادات طب الأسرة، وهو طلب التحويل للمستشفى. يجيك المريض ويقول: «دكتورة، أبي أتحول». تسأله: تتحول وين؟ يقول: «للمستشفى»، ويختار لك واحدًا من أكبر المستشفيات التخصصية! طيب تتحول لأي تخصص؟ وش المشكلة اللي تحتاج تحويل؟ يقول: «مو مهم، أهم شيء أتحول المستشفى والبعض من البداية عنده تصورات أن كل مشكلة صحية فيه تحتاج لطبيب متخصص !». وتبدأ تشرح له إن حالته ممكن تتعالج في الرعاية الصحية الأولية، وإن التحويل للمستشفى له دواعي طبية ومسارات وشروط، وإن المستشفى الأكبر مو بالضرورة هو المكان الأنسب لعلاج كل حالة. وتجلس أحيانًا وقت اضافي تشرح وتقنع، مو لأن الحالة معقدة طبيًا، لكن لأن المريض مقتنع من البداية إن العلاج في المستشفى أفضل من المركز الصحي. أو تضطر تحوله لتكف الشر والشكاوى وتضييع الوقت في التوثيق ان المريض طلب تحويل و مايحتاج تحسبا للإفادات القادمة والافتراءات المتوقعة خصوصا لو كانت بتحريض والتحويل ايضا ياخذ وقت وزيادة زحمة على المستشفيات بدون داعي 💡 وهنا أتمنى من المسؤولين عن #تجربة_المريض إنهم يلتفتون لهالنقطة. وكذلك المسؤولين عن #التوعية ورفع توقعات العميل بغض النظر عن توفر #الموارد تجربة المريض مو بس قياس رضاه عن الخدمة، بل أيضًا تثقيفه وفهمه لطريقة عمل النظام الصحي. لازم المجتمع يعرف وش دور طبيب الأسرة، ووش الخدمات اللي تقدمها الرعاية الأولية، ومتى يحتاج المريض تحويلًا للمستشفى، وإن التحويل قرار طبي مبني على الحاجة، مو مجرد طلب لازم ينفذه الطبيب. وإذا كنا بنترك للمريض اختيار المستشفى والتخصص حسب رغبته، بغض النظر عن الحاجة الطبية، فخلونا نشتغل بنظام مشابه للقطاع الخاص، يحجز المريض بنفسه عند الطبيب والتخصص اللي يبيه، بدل ما يتحول طبيب الأسرة إلى موظف حجوزات وتحويلات! لأن الوضع الحالي فيه استنزاف كبير لوقت الطبيب وجهده. طبيب عنده عشرات المرضى، وقد يصل عدد المنتظرين والمجدولين خلال يومه إلى خمسين مريضًا واكثر ، وبعضهم جالس في قاعة انتظار صغيرة ومزدحمة، ومتضايق من طول الانتظار. وفي الداخل الطبيب يحاول يشرح لمريض ليش ما يحتاج أشعة، وللثاني ليش ما يحتاج تحاليل، وللثالث ليش ما يحتاج تحويلًا لمستشفى تخصصي! كل هذا على حساب الوقت المخصص لمرضى آخرين، بعضهم فعلًا يحتاج تقييمًا أطول وكشفية واهتمامًا أكبر. أنا مع حق المريض في الفهم والمشاركة في القرار، لكن هذا ما يعني إن كل طلب لازم يتحول إلى إجراء طبي. الرعاية الجيدة مو إننا نعطي المريض كل اللي يطلبه، بل إننا نقدم له ما يحتاجه طبيًا، ونشرح له السبب. وإذا كنا نبغى نحسّن تجربة المريض، لازم نهتم أيضًا بتجربة الطبيب، ونرفع وعي المجتمع بدور الرعاية الصحية الأولية. لأن الوقت اللي يضيع في شرح مفاهيم كان ممكن توضيحها للمجتمع مسبقًا، هو وقت يُقتطع من رعاية مريض آخر ينتظر دوره.

1️⃣ بعض المرضى يتوقع إن الكشف الطبي يعني الطبيب يخليه ينسدح على سرير الفحص، ويفحصه من رأسه إلى أخمص قدميه، ويحط عليه السماعة، وإلا يحس إن الطبيب ما كشف عليه! وهذا ذكرني بجملة قالها لنا أحد أساتذتنا وأنا أدرس سنة خامسة طب، قال: «أحيانًا نحط السماعة على المريض بس عشان نريّحه نفسيًا». وفعلًا، بعض المرضى عندهم قناعة إن مجرد استخدام السماعة يعني إن الطبيب فحصهم زين، وبعضهم ما يرتاح إلا إذا طلبت له أشعة أو تحاليل، حتى لو ما كان يحتاجها. أحد الزملاء حكى لي عن مريض كان مصرّ يسوي أشعة، ولما سواها ارتاح! مع إن النتيجة ما طلعت أصلًا. يعني اللي ريّحه مو نتيجة الأشعة، مجرد إنه سواها! لكن اللي كثير ما يعرفونه إن الطبيب الحاذق ممكن من أول ما يسمع شكواك ويسألك كم سؤال، تتكوّن عنده صورة واضحة عن التشخيص، ويكون الفحص أو التحليل للتأكد أو استبعاد احتمالات ثانية. مو كل مريض يدخل العيادة لازم ينسدح على السرير، ومو كل شكوى تحتاج سماعة أو أشعة أو تحاليل. طبعًا فيه حالات الفحص فيها ضروري، وفيه فئات مثل الأطفال الصغار وكبار السن تحتاج انتباهًا أكبر. لكن الفكرة إن الفحص له هدف طبي، مو مجرد إجراء نسويه عشان المريض يحس إننا اشتغلنا! ونفس الكلام ينطبق على التحاليل. أحيانًا يجيك مريض ومعه قائمة طويلة من الفحوصات اللي يبي يسويها، ولما تسأله عن السبب يقول: «أبي أتطمن». طيب نتطمن على إيش بالضبط؟ الفحوصات تُطلب بناءً على الأعراض وعوامل الخطورة والحاجة للفحص الوقائي، مو لمجرد إننا نبي نسوي كل شيء. وللحكاية بقية

من يتولى مسؤولية #القيادة يجب أن يخضع لمتطلباتها. ومن يملك صلاحية التكليف يجب أن يكون قادرًا على بيان أسس اختياره.