َ

ما غبطت اللي الى الحين ما ذاق الفراق " انا داري انه على كل حالً ذايقه " الحظيظ اللي تشافى من الفرقا وفاق ما ارمش بعينً من الدمع قدهي ضايقه

ادري ان عيوني تشل اثقل من متوني والدموع اثقل من عيوني ومن ساكنها خابت ظنوني من الغالين حي ظنوني ولحظة الخذلان والله مادري وش كنها والبلا من عالمً كبّرتهم ف عيوني لين ضاقت فيهم عيوني وطاحوا منها اذكروني لا بغيتوا وقفتي وانسوني لا دريتوا ان وقفتي كلن بيكفي عنها

انت اعز من الكرامه على نفس الشجاع وانت اهم من القناعه على نفس الفقير فيك اشوف لحزة الضيق فرجة واتساع ومنك اشوف ان عاد الايام والدنيا بخير ما هقيت ان الموادع بليلة الاجتماع لين شفت الدمع فعيونك الخدره يحير 2

يا اول الاحلام واخر سنوات الضياع توني دليت يا لذة العمر القصير علمتني فيك كثر الصدف معنى الوداع واكتشفت انك البدايه والاول والاخير لا تحملني من الذنب فوق المستطاع وانت وجهة خاطري عقب تحديد المصير احسبن الشعر قبلك من الدنيا متاع اثرك انت الشعر وانت المضارع والضمير 1