مرحلة الوعي بالنسبة لي، من أكتر المراحل مللًا على الإطلاق.
بتبقى مدرك لكل شيء، فبتحمي نفسك من كل شيء.. ومن لا شيء.
بتراقب أكتر ما بتشارك وبتفضل واقف على مسافة من كل حاجة، كأنك متفرج مش جزء من المشهد
بتبقى شايف البدايات ومتوقع النهايات، والغريب إنك في الوقت اللي بتفتكر فيه إنك فاهم كل شيء بتكتشف إنك جاهل بكل شيء.
مرحلة بتخليك واعي بزيادة وحاضر بجسدك، لكن بعيد عن كل حاجة بشعورك
يبقى أجمل ما في الحياة أنها لا تُحكى بصوت واحد، ولا تُرى بعين واحدة..ففي عالم يضم مليارات البشر، توجد مليارات الفلسفات، وكل واحدة منها تحمل قصة، وذكرى، وحلمًا، وتجربة لا تشبه غيرها
بأشفق على البني آدم اللي رابط نفسه وحياته وسعادته بالناس وباللي حواليه
أكتر حاجة ممكن تستنزف الإنسان هي انتظاره لشيء من الآخرين ..
إنك تفضل مستني حاجة من اللي حواليك عشان تحس بالسعادة، دي واحدة من أكتر الحاجات اللي ممكن تُهلك بيها روحك
لو مش عارف تؤنس بنفسك، ولا تعرف تسعدها من غير وجود حد، فإنت محتاج تراجع علاقتك بنفسك شوية.. وتُشفق عليها
لأنك أولى الناس بالونس، وأحقهم بالسعادة، ومينفعش تفضل طول عمرك مستني حد يديك إحساس تقدر تتعلم تديه لنفسك