Tektek (@iam_tektek) header
Tektek (@iam_tektek) profile picture

Tendances tech, innovation & futur numérique. John Boisguéné — TekTek

Haiti
Joined April 2011
Photo by Tektek (@iam_tektek)Photo by Tektek (@iam_tektek)Photo by Tektek (@iam_tektek)Photo by Tektek (@iam_tektek)Photo by Tektek (@iam_tektek)Photo by Tektek (@iam_tektek)Photo by Tektek (@iam_tektek)Photo by Tektek (@iam_tektek)Photo by Tektek (@iam_tektek)Photo by Tektek (@iam_tektek)
Nan yon atik ki parèt 17 novanm 2026 la nan Le Nouvelliste, gouvènman ayisyen an ap prepare yon pwojè 200 milyon dola ameriken sou 6 lane pou ranfòse enfrastrikti dijital peyi a, sitou atravè yon nouvo koneksyon kab soumaren TAM-1 nan vil Okap, ak yon kapasite inisyal 400 Gbps. Sepandan, fich ofisyèl Bank Entèamerikèn Devlopman (BID) la montre yon operasyon 70 milyon dola ki toujou nan faz preparasyon. Se yon inisyativ enpòtan ki merite ankourajman, men annou klè : enstale yon kab soumaren pa vle di otomatikman popilasyon an ap jwenn pi bon Entènèt. San yon rezo fib optik solid pou distribye kapasite a, koneksyon altènatif pou evite gwo pann, elektrisite ki estab, bon antretyen ak yon politik ki favorize pri abòdab, 400 Gbps sa yo ka rete yon gwo kapasite teknik san gwo benefis pou majorite popilasyon an. Vrè siksè pwojè sa a pa dwe mezire nan kantite milyon dola yo anonse, men nan vitès, estabilite, pri ak aksè reyèl sèvis Entènèt la ap ofri Ayisyen yo. Se yon gwo opòtinite pou peyi a, men li mande transparans, bon planifikasyon ak rezilta konkrè. #TEKTEK
4
24
1,190
Inyon Ewopeyèn anonse 297 milyon ero pou soutni 12 pwojè rechèch ak inovasyon nan teknoloji. Lajan sa a pral ede devlope entèlijans atifisyèl (IA), robo pou endistri, sant done ki konsome mwens elektrisite ak nouvo teknoloji ki sèvi ak limyè pou transmèt enfòmasyon. Objektif la se diminye depandans Ewòp sou teknoloji lòt peyi. Gen finansman tou pou adapte solisyon IA ewopeyen yo ak bezwen peyi ki gen revni fèb oswa mwayen. Òganizasyon ki kalifye yo gen jiska 18 mas 2027 pou soumèt pwojè yo. #tektek
1
389
Google Wallet disponib kounye a sou iPhone! Depi 17 novanm 2026, Google lanse aplikasyon sa a ki pèmèt itilizatè iPhone yo konsève kat fidelite magazen, tikè avyon, tikè konsè, resi acha epi suiv livrezon pakè yo nan yon sèl kote. Li kapab pran enfòmasyon sa yo otomatikman nan Gmail. Ou ka anrejistre kat bankè w tou pou fasilite peman sou entènèt ak Google Pay. Men, gen 2 gwo limit: aplikasyon an disponib sèlman Ozetazini pou kounye a, epi li pa pèmèt ou pwoche iPhone ou bò yon tèminal pou peye nan magazen, jan Apple Pay fè sa. Google poko anonse kilè sèvis la ap disponib nan lòt peyi. #TEKTEK
1
3
559
Yon jou, tout sa w posede ap pase. Y ap pran yo, y ap vann yo, y ap bay yo oswa jete yo. Men, sa k ap rete apre w fin ale, se tras lanmou ou te kite nan kè moun, byen ou te fè, ak lavi ou te rive chanje. #TEKTEK
2
12
432
Yon pwoblèm teknik te deranje sèvis dijital Marriott Bonvoy jodi a madi 17 novanm 2026 la. Marriott Bonvoy se pwogram fidelite gwoup otèl Marriott International, ki pèmèt kliyan rezève chanm, jere sejou yo, jwenn avantaj epi sèvi ak telefòn yo kòm kle dijital nan kèk otèl. Pandan plizyè èdtan, kèk kliyan pa t kapab konekte sou sit entènèt ak aplikasyon Marriott yo, sa ki te konplike anrejistreman, jesyon rezèvasyon ak itilizasyon kle dijital yo. Marriott konfime sèvis yo retabli epi li pa jwenn okenn siy sibèatak. Ensidan sa a montre jan yon senp pwoblèm enfòmatik kapab deranje sèvis esansyèl nan otèl ki depann anpil sou teknoloji. #TEKTEK
1
328
TIKTOK | 17 NOVANM 2026 - Apre pwoblèm teknik ki afekte plizyè sèvis dijital Ozetazini, kèk itilizatè TikTok rapòte difikilte pou itilize aplikasyon an. Pami pwoblèm yo, gen videyo ki pa chaje, difikilte pou konekte sou kont ak sèvè ki pa reponn nòmalman. Sepandan, done Downdetector ak lòt platfòm siveyans yo poko montre yon gwo pann jeneral. TikTok poko konfime okenn ensidan teknik ki afekte tout itilizatè li yo. Pou kounye a, se signalman izole ki disponib, e kòz pwoblèm yo poko etabli. #TEKTEK
1
1
294
ETAZINI | 17 NOVANM 2026 - Apre plizyè pwoblèm teknik ki frape sèvis dijital Ozetazini, se kounye a kèk sit entènèt National Weather Service (NWS), sèvis meteyo ameriken an, ki ta gen difikilte pou fonksyone. Dapre TMZ, meteyològ Tim Buckley rapòte pwoblèm aksè sou kèk paj weather.gov, pandan plizyè santèn itilizatè fè signalman sou Downdetector. Sit sa yo enpòtan paske yo pèmèt popilasyon an jwenn previzyon tan ak alèt sou gwo lapli, inondasyon, tònad ak lòt danje natirèl. Sepandan, otorite yo poko konfime okenn pann jeneral nan sistèm meteyo peyi a. Kòz pwoblèm yo poko konnen. #TEKTEK
2
417
APPLE AN PAN | 17 NOVANM 2026 - Apple konfime yon gwo pwoblèm teknik ki afekte plizyè nan sèvis li yo, tankou iCloud, App Store, Apple Music ak AppleCare. Plizyè itilizatè rankontre difikilte pou konekte sou kont Apple yo, telechaje aplikasyon, koute mizik oswa aktive nouvo iPhone. Pwoblèm nan touche sèvis Apple ki fonksyone sou sèvè entènèt li yo; sa pa vle di iPhone yo menm kraze. Dapre deklarasyon Apple bay Bloomberg, se yon mizajou entèn ki lakòz deranjman an, se pa yon sibèatak. Konpayi an fè konnen majorite sèvis yo retabli, men li kontinye travay sou sa ki poko fonksyone nòmalman. #TEKTEK
1
3
510
Yon ankèt Reuters revele plizyè òganizasyon nan peyi Lachin ap itilize repons gwo modèl entèlijans atifisyèl ameriken pou antrene pwòp IA pa yo. Teknik sa a rele « distillation » : yo sèvi ak yon modèl ki deja gen anpil kapasite pou ede antrene yon lòt modèl, souvan pi piti e mwens chè pou itilize. Reuters analize plis pase 300 dokiman pou montre kijan pratik sa a ap devlope. Teknik la pa ilegal an li menm, men li vin yon gwo sijè tansyon ant Lachin ak Etazini nan konpetisyon mondyal pou teknoloji IA. #TEKTEK
7
993
FBI avèti pirat enfòmatik ap itilize zouti entèlijans atifisyèl tankou Artex pou chèche feblès nan sistèm òdinatè epi lanse atak otomatik. Selon ajans ameriken an, nan kèk ka, atakan yo rive antre nan rezo òganizasyon yo nan mwens pase 3 èdtan. Teknoloji sa yo ka fè plizyè etap nan yon atak san yon moun pa bezwen kontwole chak aksyon. FBI mande antrepriz yo pran menas sa a yo oserye, paske IA kapab fè pirat jwenn ak eksplwate feblès sekirite yo pi vit. #TEKTEK
3
1,132
MIZAJOU SOU PANN NSA A : Nouvo enfòmasyon montre se yon mizajou lojisyèl ki ta lakòz pwoblèm nan. Dapre CBS News, pann nan ta kòmanse pandan teknisyen yo t ap fè koreksyon nan sistèm nan. Sa vle di yon operasyon ki te fèt pou amelyore sekirite rezo a kapab lakòz li mal fonksyone. Dapre The Record, rezo NSA Net la pa fèmen nèt : li fonksyone tanzantan. Ajans lan oblije òganize lè pou anplwaye yo konekte pou evite twòp moun itilize rezo a ansanm. Gen lòt sistèm sekou ki pèmèt kominikasyon enpòtan yo kontinye. Pou kounye a, pa gen prèv ki montre se yon atak pirat enfòmatik. NSA poko konfime ofisyèlman kòz pann nan. #TEKTEK
8
603
Jou sa yo sanble pa finn kòdium. Yon gwo pann frape NSA, ajans ameriken ki responsab entèlijans elektwonik ak sekirite enfòmatik peyi Etazini. Selon CNN ak Reuters, rezo entèn NSA a, ki rele « NSA Net », tonbe an pann, sa ki deranje kominikasyon ak echanj enfòmasyon sekrè ant anplwaye ajans lan. NSA se youn nan ajans ki gen sistèm enfòmatik ki pi pwoteje Ozetazini. Pou kounye a, yo poko konnen kisa ki lakòz pann nan, ni konbyen tan l ap dire. Pa gen okenn prèv ki montre se pirat enfòmatik ki atake sistèm nan. Ensidan sa a montre menm enstitisyon ki gen gwo mwayen pou pwoteje rezo yo kapab rankontre pwoblèm teknik. #TEKTEK
1
1
7
1,156
Apple anonse nouvo mezi sekirite pou òdinatè Mac yo ak macOS 27.3. Rezon an? Gen ajan entèlijans atifisyèl ki kapab ouvri aplikasyon, li dokiman epi manipile fichye sou òdinatè yon moun. Avèk nouvo sistèm nan, itilizatè yo ap gen plis kontwòl sou pèmisyon yo bay aplikasyon sa yo, epi yo kapab mande pou yon aplikasyon jwenn otorizasyon chak fwa li bezwen aksè. Anpeche yon ajan IA jwenn aksè san limit ak enfòmasyon prive itilizatè yo vin n tounen youn nan bagay ki trè enpòtan nan karakteristik yon òdinatè. #TekTek #Apple #AI
4
425
Ou pa bezwen fò chak jou, Ou gen dwa fatige tou. Kouraj se pa pa kriye… Se mache menm lè je w plen dlo. #TEKTEK
2
17
588
Microsoft finalman esplike sa ki te lakòz gwo pann mondyal Outlook, Teams ak Copilot la, 12 ak 13 novanm 2026 la. Dapre konpayi an, se yon erè nan yon mizajou li te enstale depi mwa jiyè ki te lakòz pwoblèm nan. Pandan plis pase 3 mwa, erè a te rete san pèsonn pa remake l. Lè trafik Teams te vin ogmante sou menm sèvè ak Outlook yo, pandan prèske 14% kapasite sèvè sa yo te deja indisponib, sistèm nan te vin twò chaje. Nan mwens pase 2 èdtan, plis pase 80% sèvè ki te konsène yo te sispann reponn, sa ki te lakòz yon pann ki dire prèske 24 èdtan. Pi grav toujou, tès Microsoft te fè anvan yo pa t detekte erè a paske yo te itilize òdinatè ki mwens pwisan pase sa konpayi an itilize toutbon. Microsoft konfime se pa yon sibèatak. Kidonk yon ti erè nan yon lojisyèl ka paralize sèvis dijital plizyè milyon moun ak antrepriz. #Tektek
1
4
12
1,312
Lachin fè yon gwo pa nan aviyasyon elektrik! 14 novanm 2026, konpayi COMAC reyisi premye vòl avyon CE-25A li a ak moun abò li. Avyon sa a fèt pou transpòte 19 pasaje, li peze jiska 10 tòn epi li itilize 10 motè elektrik olye motè ki boule gaz. Pandan tès la, 2 pilòt ak yon enjenyè te fè 60,4 km nan 16 minit 38 segonn. Dapre COMAC, avyon an kapab vole jiska 400 km ak yon sèl chaj batri, ak yon vitès 300 km/h. Men distans sa a poko verifye nan vòl la. Avyon an poko jwenn otorizasyon pou transpòte pasaje komèsyalman. Se yon avansman enpòtan nan devlopman avyon ki kapab redui itilizasyon gaz ak polisyon nan transpò ayeryen. #Tektek
1
6
847
Entèlijans atifisyèl ap chanje metye pwogramè yo! Boris Cherny, kreyatè Claude Code nan konpayi Anthropic, estime IA kapab transfòme travay moun k ap devlope lojisyèl yo. Avèk Claude Code, ou ka esplike sa ou vle yon aplikasyon fè, epi IA a kapab ekri kòd la, egzekite kòmand, analize fichye ak ede korije erè. Sa ki te konn mande plizyè èdtan travay kapab fèt pi vit. Dapre Cherny, pwogramè demen yo ka pase mwens tan ap ekri kòd, epi plis tan ap konsevwa solisyon, bay IA enstriksyon ak verifye travay li. Men sa pa vle di pwogramè yo deja disparèt: IA toujou bezwen sipèvizyon moun. #Tektek
5
13
1,098