غديت ادورني بزحمة افكاري
كني سؤالٍ عجزت ألقى له إجابه
يا غربة الروح طال الدرب بمساري
والعمر يجري ولا أدري وش غدابه؟
متى على الله تضوي لي أنواري
وألقى الطريق اللي انكتب لي بابه
وأشوفني بحلم الهنا وأجمل اقداري
أقطف زهور الحظ عقب الخوف وانيابه ..
دعيت ان العوض يآتي كبير وما ذخرت آمين
بطفي أوهام الشموع بلحظة احراقي
يمر العمر والحزن يتلاشى والطريق يزين
واغني كل ما يلمس شعوري لهفة اوراقي
أعرف ان العوض دايم يجي لكن يجي بعدين
أكيدا إن العوض اكبر من أتعابي وإرهاقي