سعود ابدع 🇸🇦

اسهل طريقة اسوي فيها اعلانات وبدون جي بي تي اني اسويها يدويا!! 👀 احيانا مشكلتي ماحب اعتمد على نماذج اللغات الكبيرة مثل جي بي تي او كلود او جمناي واحب اكتب البرومبت يدويا .. هالشي ياخذ مني وقت لكني استمتع كثير في عمل كل تفصيل بدقة واحس اني اوصل الفكرة لنماذج الصور و الفيديو بدقة عالية الفكرة ان النماذج سواء الصور او الفيديو صار في خلفيتها موجود نماذج لغات كبيرة وتستوعب الوصف المباشر و اللغة البشرية وكل ماكان التوضيح اكثر لها بمصطلحات واضحة ومفهومة والمهم بشرية تكون النتيجة ادق وهالشي مرة يونسني (بس مو عملي) تعال اقول لك ايش اهم شي اهم شي هو صناعة سير عمل مختص على نماذج اللغات من خلاله تختصر سير عملك وايش الخطوات اللي تسويها بشكل يدوي بحيث تأتمت المهام وتحفظ طريقتك داخل نماذج اللغات بحيث ماتخسر سير عملك وتعتمد بشكل كلي على نماذج اللغات بحيث توصف لك كل الفكرة انك تعلم النماذج شلون تشتغل انت وايش القوانين اللي تعتمد عليها في كتابة البرومبتات بحيث تدربها تعمل شغلك لكن بشكل احترافي خلال الفترة الجاية راح اسوي دورة مع كويل @Quill_Edu واعطيكم فيها كيف تبنون الاعلانات وكيف تفكرون قبلها وتبنون الفكرة وتخلون الشي اللي في بالكم يطلع بافضل صورة (لو مهتم اكتب لي بالتعليقات) راح ابسط فيها سير العمل اللي انتوا معتقدينه صعب باسهل طريقة ممكنة مع امثلة وتطبيقات 🚀 بتكون دورة مبسطة وباذن الله توصلكم لمرحلة جديدة في ابداعكم، ماراح اعطيكم كم برومبت واقول لكم خلاص انتهينا، لا (مو من عادتي اسلك لانها امانة) الفكرة اني راح اعلمكم تبنون النظام الاعلاني الخاص فيكم وتصنعون اعلانات قوية وافصل لكم الطريقة بحيث كل واحد يستفيد منها حسب احتياجه وسير عمله 👌 والوعد قريب .. لكن ابي اعرف منكم تفضلون الدورة تكون يوم اعلمكم فيها الطريقة واعطيكم امثلة واطبق معاكم واشوف تجاربكم المباشرة من خلال قروب الدورة، ولا تبونها يومين تكون مكثفة وتفصيلية اكثر وتركيز عالجانب النظري وفهم الاعلانات بشكل اكبر ومبادئها والتفكير بعقلية تسويقية؟ للمعلومية الدورة بتكون مسجلة يعني لو مامداك تحضر البث المباشر تقدر تشوف التسجيل، ولو عندك استفسارات في قروب للدورة ومساعدين يجاوبون استفساراتك، غير المراجع اللي بوفرها لكم باذن الله علشان كل شي يكون بسيط ورايق 😎 شاركوني لاني احتاج اعرف اللي يناسبكم لاني جاهز في كلا الحالتين ومهم اعرف يناسبكم بعد اسبوعين ولا نهاية الشهر 👌 وهدية لكم بشارككم البرومبتات تحت اللي استخدمتهم في بناء الاعلان للصور والفيديو بالتعليقات ⬇️😍