أما و الذي لا يعلمُ الغيبَ غيرُهُ
ومن هو بالسرِّ المكتَّم أعلمُ
لئن كان كتمان المصائبِ مؤلما
لإبلاغها عندي أشدُّ وآلمُ
وبي كل ما يُبكي العيون أقله
وإن كنتُ منه دائما أتبسّمُ
فداك اللي مضى واللي بقى يفداك
ترى لولا غلاك وضحكتك ما بعت خلّاني
ولا جيت أتدارك ما بقى من فرحتي وألقاك
وأبيع العمر كله لا أبتسّم ثغرك على شاني
وانا اللي لأجل عينك بعت ذاك وذاك
وتناسيت السنين المجدبه واحرقت عنواني
ما دام إن العمر فاني.. وكل الليالي قصار
تعال أقطف زهر عمري ترى ما حول قلبي سور
تشوف إن الطريق أطول وأشوف إن الأماني كثار
ولا تكفيني الدنيا لو أشرب من هواك بحور
وأشوف إن ضحكتك غيثٍ حيَت عقبه صحاري قفار
مثل ما الأرض ممطورة ثرى صدري غدا ممطور
يطول الدرب أو يقصر معك لين آخر المشوار
عيونك قبلة أحلامي ووجهك فالطريق النور
هذا مكانك فـ أيسر الصدر محفوظ
أول ربيعك فيه وآخر مبيتك
وهذا الشعور اللي على الوجه ملحوظ
أحس لامني نسيته عصيتك
وعذب الكلام اللي من شفاك ملفوظ
لامن طرى عفت المنام وسريتك
وعلى الأراضي السبع ما فيه محظوظ
الا أهل بيتك وزوار بيتك
لك منزل بين الرجى والتمني
ولك دعوةٍ ما فارقت قلبّ ولسان
أدعي عساك تكون فيني ومني
علّ وعسى ما يملكك غيري إنسان
لا ياخذك وجه الجفا غصب عني
ولا يبردك عن دفى صدري أزمان
أنت الأماني والمنى والتمنّي
وأنت الكمال وما يخالطك أي نقصان
أبي العمر يمضي وياك وأبي سنيني معك
أبي كل يومٍ من حياتي يكون له معنى بقربك
أبي أشوف العمر يكبر وأكبر وأنا أحبك
وأبي لو مرّت سنيني ما أتمنى غيرك
أبيك معي في كل مرحلة في فرحتي وتعب الأيام
وأبي العمر كله يمرّ وأنا أقول "ما أبي غيرك"
حبيبي والقصيد اللي حروفه تشتعل بغناك
نذرته للطيوف اللي تقطّع صوت داعيها
تعال وما على قلب الحزين الا دبيب خطاك
تغطرس بالضلوع العوج وارتع في مرابيها
ابقدع من عذوقك شوق وانحر دلتي بشفاك
وابحيي البسمة اللي في غيابك كنت مرثيها
لك منزل بين الرجى والتمني
ولك دعوةٍ ما فارقت قلبّ ولسان
أدعي عساك تكون فيني ومني
علّ وعسى ما يملكك غيري إنسان
لا ياخذك وجه الجفا غصب عني
ولا يبردك عن دفى صدري أزمان
أنت الأماني والمنى والتمنّي
وأنت الكمال وما يخالطك أي نقصان