01

عادي والله انا افهمها تنبط جبدي من طاري الزواج ولكن عندي فعاليات ابي أسويها بالملكه والزواج ومابعد الزواج اهم شيء ما اتزوج ثلاثيني عشان مايخرب علي فعالية الاحتفال بميلاده الثلاثين

تخصصات نفسي ادرسها: هندسة كهرب او حاسبات -جدًا ابي ادرسها- مالية محاسبة وبس ما اتوقع فيه غيرها

ياخي والله اتعجب من تعلقيات بعض البنات اللي تتمحور حول اتركيه عزة نفسك اهم والخ.. موضوع مثل الزواج والانفصال مافيه عزة نفس، ولو بتجلس البنت تدخل عزة نفسها بكل موضوع ماراح تتزوج هذا زواج ماهو حاجه بسيطة، وإذا في موضوع تافه مثل هذا ماتحملتي ولا ناقشتيه بشكل جدي بحيث تبين لك ردة فعله الجدية مو اللي اي كلام، وش بتسوين بباقي الأمور؟ لو كان واحد متعرفه عليه بقول طز فيه واسحبي عليه وفرقاه عيد والخ.. ولكن هذا مختلف ويكون مختلف أكثر لو كنتوا مملكين، ترى صعب إنك تنفصلين على طول فيه عواقب مافيه وحدة تبي يكتب عندها مطلقة ولا هو بيطلع بدون ضرر وكأنه ماتزوج لذلك عشان نفسك كلميه وقولي له انا بناقشك بالموضوع هذا وانا مزعلني كذا وكذا وكذا وافضل لو تطلعين معاه عشان تشوفين وجهه وردة فعله ككل بحيث ماتعتمدين على صوته فقط، ناقشيه بشكل جدي قولي اللي مزعلك لاتهتمين لفكرة انا نكديه على العكس تمامًا عطيه بوجهه وقولي له أنت بتصرفاتك تحسسني إني نكدية واني كذا وكذا.. عبري عن شعورك ووضحيه له بدون ماتتركين شيء بخاطرك وقتها إذا استمر بهذي التصرفات المزعجة تقدرين تنفصلين عنه وانتي مرتاحه

وحدة من صديقاتي صارحتني بخوفها من ان زوجها يطلقها او يتزوج عليها يوم سألتها ليش طيب تخافين هل قال شيء او لمح لشيء؟ قالت لأ لكني احبه واخاف يجي يوم ويتزوج علي او يطلقني وهو معصب المهم مرت فترة وطلعت معاها قالت لي إنه مره صاحت عنده بسبب خوفها من الانفصال ووقتها هو من باب التطمين قال لها الله يأخذني قبل انطق بالطلاق انا اتوقع -مجرد توقع وقدعنه- ان الطلاق ماهو حاجه يجي ببال الرجال وقت الغضب، بحيث يقول نطقتها بدون وعي لأني كنت معصب.. وهذا من رحمة ربي لطرفين