أولاً، تقليل عدد بطولات الميجر إلى بطولة وحدة ممكن يكون خطوة تنظيمية، لكن واقعياً أثره على اللاعبين السعوديين والأندية بيكون سلبي جدًا. الموسم بيصير طويل بدون منافسات حقيقية، واللاعب يقعد فترات طويلة بدون بطولات، وهذا طبيعي يوقف التطور ويقلل فرص ظهور مواهب جديدة. اكتشاف المواهب ما يجي من بطولة وحدة يجي من كثرة المنافسات وتكرار الاحتكاك. ثانيًا، إذا كان سبب التقليل هو ضيق الوقت أو تعارض بعض الألعاب مع بطولات الناشر، فهذا ما ينطبق على لعبة EAFC. بطولات الناشر تنتهي تقريبًا في شهر 2، وبعدها اللاعب السعودي ما عنده إلا الدوري وميجر واحد. يعني من شهر 4 إلى شهر 8 تقريبًا اللاعب جالس بدون أي بطولة حقيقية. أربع شهور فراغ كامل، لا بطولات ناشر ولا بطولات محلية، وش المفروض يسوي اللاعب بهالفترة؟ ثالثًا: لعبة EAFC تم سحب مقعد التأهل المباشر إلى كأس العالم من دوري المحترفين، وصار التنافس على مقعدين بلاي انز وفي حال عدم تأهل اللاعب، م راح يبقى له الا بطولة خلال الموسم وهي الميجر السعودي 6 شهور فقط بطوله وحده😅، بدل ما نطوّر اللاعب السعودي، كذا ننهي موسمه بدري. وبعدها لازم نفكر في الأندية؛ النادي ما يقدر يستثمر في لاعب موسمه فاضي، ولا يقدر يبرم عقود ورواتب بدون مشاركات رسمية مستمرة. الفراغ الطويل يخلي اللعبة غير جذابة للأندية والداعمين، وهذا يضر المشهد كامل، مو لاعب واحد فقط، كل اللي نتمناه اهتمام اكثر للعبه ولاعبينها. رابعًا، بطولة كأس العالم للمنتخبات (ENC) بتكون في 2026، وهذا يتطلب إبراز أكبر عدد ممكن من المواهب من الآن. والطريقة الوحيدة لاكتشاف اللاعبين والمواهب هي كثرة البطولات واستمرارها طول السنة، مو تقليلها. اللي حاصل حاليًا للأسف عكس المطلوب تمامًا، في وقت المفترض نوسع القاعدة لا نضيّقها. بالنهاية، اللي نحتاجه اليوم مو قرارات سريعة تطوير المشهد يبدأ من فهم واقع اللاعب واحتياجاته الفعلية داخل الموسم🙏🏻 @SaudieLeague @Saudi_Esports