يوم أجتمعت الكرامه والحب — والخيبه والهقوه
في قلب أبن جدلان قال //
ما دام ان جانبي شام لـ جنابك وانت عني شمت
كثر خيرك وانا ماني بـ لاجايع ولا ضامي
أشوف انه علي واجب ليا مرّيتكم سلّمت
مرور أكرام تربطه الكرامه عند الأكرامي
ختام السالفه ياطيب العشره كرمت ودمت
هذا حقك علي وحقّ هقواتي على أوهامي
وتذكرني لامنها خابت أوهامك بـ من أوهمت
وعرفت الفرق بين حبّ الخشوم و حبّ الأقدامي
واقلبي اللي كنّ يبراه مبراه
وملاطفه تسعه وتسعين علّه
له مدّةٍ مستدخل داه ودواه
الداء حصل له والدواء ماحصل له
لو البكاء يجيب غايب بكيناه
مير البكاء لـ صبي عيني مذلّه
لا واحليلك يالصغير حليلاه
عليك من خلّي وصوفٍ مدلّه
عليك من خلّي خشيمه وماطاه
وفي باقي الأوصاف منته حلي له
ياعذول المحبه حطّ نفسك مكاني
قبل لاتحكم وتظلم بليّا دليل
ياحبيبٍ تخلّا عن غلاه ونساني
أشرح اسباب صدّك قبل تبدا تشيل
ولاتلوم الزمان اللي بكفك رماني
لوم قلبٍ طوى حبّه ويبغى الرحيل
شاعرك لي متى من عقب صدّك يعاني
لاجل عينك ولاجلك يصنع المستحيل
مابقى في يدينه غير نظم المعاني
فكّ له باب قلبك ماخبرتك بخيل
كان ظرفك خذا من وقتك وماعطاني
اقنع القلب بـ اسبابك وصبرٍ جميل
كان قصدك تبيع الحب في حب ثاني
حسبي الله على قلبك ونعم الوكيل
كيف تنسى المحبه كيف قلبك اناني
كيف طاوعك قلبك كيف م لك خليل
ما لي الا اتذكر مامضى من زماني
يوم كان الوفا والوصل ما له مثيل
يوم كنّا نعدّ اوقاتنا بالثواني
كل مابان صبح وكلّ ماحل ليل
لكن النفس عندي ماتطيق الهواني
ومن تعود على الجزله يعيف القليل
الله يسهل دروبه ليا ما بغاني
و من تركني تركته والمفارق طويل




























