عن تجربة ويمكن تفيد أحد منكم
تدرون كل ما حسيت أن أستصعب عليّ أمر سواء في حصوله أو تجاوزه،التزم بالصلاة الإبراهيمية طول يومي وأرددها بشكل متكرر بنية هالشيء اللي ببالي، ودايم أتذكر أن سبحانه ماوضع هالأمر بطريقي إلا إنيّ بمقدوري أعديّه ولا رزقني يقين الدعاء إلا عشان ينولني إجابته
أحب الحياة بعد أتخاذ المواقف،عقب ما تتلاشى الحيرة ويستقر كل شيء في نصابه،أكره ذبذبات المتنصف،لجّة الأفكار،زحمة المخ وعشوائيته تشبه تمامًا -حوسة البيت بعد العزايم الكبيرة-،أحب الخفة بعد الفوضى،والوضوح بعد الحيرة والترتيب بعد العشوائية، أحب أستعيد نفسي بعد ما اتوه في احتمالات كثيرة
معرف متى صار الصمت خياري الأوّل، حتى في أكثر اللحظات اللي كانت تستدعي مني الكلام، وحتى لمّا سمحت لي الفرصة أعبّر عن كل اللي بداخلي بأعلى صوت،اخترت أسكت؛مو لأن ما عندي ماعندي شي ينقال لا! لإنيّ أعرف حجم الفوضى اللي بتتبعثر بعد ما أطلق لشعوري عنانه،ومين راح يلمّ كل هذا الشتات بعدي؟





