خالد العوفي

يا وزين الروح ماني على الصده شفوق مير قلبي زود ثقلك ملقيه الخلي التثيقل في سلوم المحبه مايلوق في زمان العولمة والزمان الجاهلي لاتقول اغليك وتحط لي فالدرب عوق الغلا فالقلب قدرٍ مكانه معتلي المشاعر كان ماهيب من قلبٍ صدوق أعتبرها مزن صيفٍ يمر وينجلي وبلها فالارض لو ينعش ايباس العروق يكتسحها حر قيضٍ سمومه تصطلي عادتي ماعطي على ساقة المقفي لحوق تبعت المقفي حرامٍ علي ماهيب الي لو عصت نفسي تلازمت معها بالحلوق لين تستسلم وتنزل بعال المنزلي #مرزوق_البام

يا مشتكي من سو حظك وضده فالحب كم حظٍ تقطع عراويه من لا ببي قربك لوانك توده لاتجبره بالقرب وان قلت لي ليه قلت الك باب الهرج لو ضقت سده ولا يحس بضيقتك كان تغليه حتى ايش لو يجرحك فالوقت صده خله على كيفه يحدد نحاويه يمكن رداد البشاير يرده وان مارجع لك ياعسى الله يهنيه لو تضرب فجوج الخلا المجرهده اهون من انك يابيض الوجه تتليه #مرزوق_البام

ياخشيف الريم قلبٍ يودك ماستراح اشهد انك عقب كلمتك بذيت جهدي انت تغليني وانا اغليك ياضبي البراح والقدر ماهوب في يدك ولا في يدي دام فاتت فرصة العمر واللي راح راح ليه نمشي في طريق الموده ونعدي مابقى في خاطري غير ياسيد الملاح جعل ربي مايغيب سعدكم وسعدي #مرزوق_البام

انت ياللي عايشٍ دور البطولة البطوله عنك تكرم يالهلامه تحسبٍ ضرب المره طيب ورجوله ضربها لتفه سبب ذل ورخامه شيمة الرجال ماترضى نزوله كان اله شيمة تعلى فالعدامه ولا راع الهون بين من فعوله ياخذ طبوعٍ من طبوع النعامه مايجنب لين يجني في حثوله لطمةٍ تبديه في رجم الندامه هب ياوجه الردي كلٍ يقوله دايمٍ وجهه تغشاه الملامه #مرزوق_البام

ياخشيف الريم انا منك متحير حيرةٍ تخلف موازين الهقاوي يومٍ اتقرب ويومين متذير انت ناوي مير مدري ويش ناوي لاتراوي عطني العلم القصير في حدا الامرين بالله لاتراوي مرحبابك كان ود انك تسير وكان ماودك نجوز من الدعاوي للمحبه شيك صعب انه يجير مايثمن قيمته غير الهواوي #مرزوق_البام