لماذا لا نملك حتى الآن منصة توظيف وطنية شاملة وقوية تنافس المنصات العالمية
حيث #جدارات مامنها فائده وكثير نسمع تقدموا ناس بدون اي نتيجة
الموضوع يتجاوز مجرد "البحث عن وظيفة".. نحن نتحدث عن أمن معلومات وسيادة رقمية غفل عنها الكثير! 🧵👇
اعتمادنا شبه الكلي على منصات التوظيف الأجنبية يعني أننا نقدم بيانات كوادرنا الوطنية، تخصصاتهم، خبراتهم، وحتى أماكن عملهم الحساسة على طبق من ذهب لدول وجهات خارجية.
هذه المنصات تبني قواعد بيانات ضخمة ومُحدّثة لحظياً عن بنية المجتمع ومهاراته.
خطورة هذه البيانات ليست في جمعها فقط، بل في تحليلها!
من يملك بيانات سوق العمل، يعرف نقاط القوة والضعف، ومستوى الرضا الوظيفي، واهتمامات الشباب.. وهذه كلها أدوات تُمكّن جهات خارجية من التدخل في صناعة الرأي العام وتوجيهه بدقة عالية.
الحل ليس في المنع، بل في صناعة البديل الأقوى:
منصة توظيف وطنية ذكية، تجمع مرونة وتفاعل الشبكات المهنية، وتغطي القطاعين العام والخاص، وتُدار بسيرفرات وخبرات وطنية 100%.
حماية بيانات كفاءاتنا الوطنية لا تقل أهمية عن حماية حدودنا🇸🇦
118
الشركات الخاصه ترا فاهمين خطا بخصوص زيادة الـ 5000 وبعد سنه 6000
ترا هذا مخصوص للشركات والمؤوسسات ف القطاع الخاص اللي تملك سجل تجاري وعماله مدونه لها وتحصلها بمنصة قوى اللي يظهر فيها فئات النطاقات
اماا اللي يشتغلون بجهات حكومية سوا عقد ولا مكافاه بند اجور .. مايشملهم الزياده فقط يشملهم الـ 500 فقط
2
560
تواجدك بـ#بالبر وسكون الليل
يعطيك شعور زمن لا وقت في ذي اللحظة، الساعة توقف عن العد ما فيه ضغط "لازم أنجز كذا" ولا تفكير بكرة وش بيصير الزمن كأنه تمدد وصار واسع لدرجة إن الدقيقة تحسها أخذت راحتها كلها،،
جسمك يحس برخاوة لطيفة ،كأن التوتر اللي تراكم طول اليوم متجمّع بأطراف أكتافك وفجأة فكّ عنه الحبل وطاح. الأنفاس تصير أعمق وأبطأ، تحس بصدرك ينشرح بدون سبب ظاهر غير إنك مستسلم للسكينة،،
تحس أن الأفق قدامك مفتوح، كأن الأفكار اللي كانت مزحمة راسك انفرطت زي السبحة وصارت متباعدة ومرتبة، وكل فكرة تاخذ مساحتها الحقيقية بدون إزعاج.
1
119
المملكة العربية السعودية 🇸🇦
تقف وحيدة في وجه مشاريع الفتن والمليشيات التي تهدد أمن المنطقة وامن جيرانها ( مصر ، الامارات ، قطر ، الكويت ، العراق ، لبنان ، السودان ، وباقي الدول المسلمة ) ، بينما يقف البعض موقفا متفرجا! التاريخ والواقع يشهدان أن بقاء واستقرار الكثيرين مرتبط بصلابة هذا الوطن ..
حتى بريطانيا (الدولة الغربية) هبت لإرسال طائرات عسكرية للحماية، بينما يكتفي القريب بالصمت وكذلك اوكرانيا اللي ارسلت خبراء لصناعة المسيرات بالسعودية ..
إلى متى يستمر هذا الصمت العربي المخزي بينما تقود السعودية معركة الدفاع عن الأمة بأسرها؟ 🇸🇦
1
165
بلا #كيو بلا #الاقتصادية
في كل منطقه في مستودعات ( الجملة ) وتلقاهم سعوديين شيبان معاصرين اسواق الاغذيه من زمان
اشيل مؤونة البيت اقل من 500 ريال
لان اذا رحت بنده والعثيم مشترياتي 900 ريال
واذا ماتعرف انشد صاحب اقرب بقالة عندك وكل من وين تجيب اغراض البقاله يعلمك لان هو يشيل من عنده ويحط السعر اللي يبي اذا وصل للرف عنده
1
905
لا يا وطن لا تحسب إنّا مدابير
لو الدهر في بعض الأحيان مالي
طالبك لا تجفل من الوقت وتذير
وكلّ أبنـاك وبالله الاتكـالـي
وإن كان ما شفت السعد والتباشير
عيبٍ علينا لبسنا للبدالي
نذرٍ علي لحرسك وأفديك واغير
ديني… وعرضي فيك… وأغلى حلالي
واللي يأثر فيك بأيّات تأثير
أبرى منه لو كان عمي وخالي
وإن مت واخذتني صروف المقادير
والله لوصي فيك حتى عيالي
187
ياخي فيه شي انكسر في المجتمع من بعد سنة 2020، ومحد راضي يفتح فمه ويتكلم عنه.
وماني قاعد أكلمك لا عن كمامات، ولا إغلاقات، ولا كورونا.. أنا أقصد "طعم" الحياة نفسها.
صح إن كل شيء فتح، ورجعنا للدوامات، والمطاعم زحمة، والفعاليات اشتغلت، بس تحس إن الحياة صارت... غير شكل، وبطريقة غريبة.
السنين صايرة تركض ركض، والناس تباعدت قلوبها عن بعض. كل شيء صار غالي، ومكهرب، وكله عجلة في عجلة
وفوق هذا كله، كلنا حاسين بإرهاق وتعب دايم ما ندري وش سببه. ماني قادر أعبر زين عن الشي اللي فقدناه، بس اللي أعرفه وواثق منه إن أيامنا قبل 2020 كان لها روح وطعم ثاني ...
1
103

