دلْبح الليل وألاّ باقيٍ له بواقي
وقفت ساعتي والفجر ما لاح زوله
أذرف الدمع واستبشر واحرر خْناقي
البلا في شعوري قبل لحظة نزوله
احسب أن قلبي المشتاق ماهوب شاقي
لين بانت ورى عوج الحنايا خلوله
- سعود مبارك
" اللهم لا تجعلنا من المشهورين في الارض ومجهولين في السماء "
سبحان الله
لا اله الا الله
الحمدلله
الله اكبر
استغفرالله
لاحول ولا قوة الا بالله
اللهم صل وسلم على نبينا محمد
على ساحل الذكرى وليل الهجر والبوح
طواري غرام وماضي تلطم امواجه
لو ان الليالي راسها بالسمن ممسوح
ماورتني انواع التلداد والحاجه
اجامل وانا موجوع واضحك وانا مجروح
على شان قلب يرفض يعد ماواجه
عسى وجه حلم العمر قبل العمار تروح
اشوفه بعد طول البطى يضحك حجاجه )؛
- محسن بن مترك
يفز قلبي كل ما تابعني حساب جديد
و أدخل عليه أربه المطلوب و أرجع في كمد
أما طلع من بيشه و شهراني و راعي قصيد
و إلا طلع مري و من دولة قطر أسمه حمد :)
- خالد مبارك
ياحي الكريم اللي مع الطيبين يجود
تشوف البشاشه في محياه مرتسمه
يحب المراجل مثل جده وابوه العود
تربى على الفعل المشرف واخذ قسمه
لادقيت رقمه .. مالقيته على موجود
على طاري الفزعه يوقف شعر جسمه
هذا اللي لاجاء طاريه جت ماعليكم زود
تحس انها مربوطةً مع حروف اسمه 💘❤️
ما حسدت المطر على مكان النزول
لين بلّل جدايلها وهي ضاحكه
كانت كفوفنا ملامح من الذهول
مدري كفوف والا ارواح متشابكه
جعل غيمٍ يفرّح خاطرك ما يزول
وجعل كل الليالي فيك متباركه❤️
- ناصر مناحي
حبيبة الوسم صب الما على ظنك
هذا أوّله و آخره ربلة و رقروقة
كني من أقصى الديار ألمح طرف سنك
يرتاع من راعده و يفز لبروقه
وأنا أتذكرك لا طق المطر كنك
من بكر ريق المزون الغر مخلوقة
مع إن شرايين قلبي ذابلة منك
مثل ما كبدي على لاماك محروقة
مافيه قطرة مطر ما نشّدت عنك
هو تحته الأرض ولّا الأرض من فوقه؟
صباح الخيير ، تحت تأثير الأجواء الجميلة استذكر أبيات ناصر الحمادين يوم هو يقول /
"أحمد الله وأشكره والآدمي وش ودَّه
غير سيلٍ تحت رجلينه ووبلٍ فوقه
السحابة تنطح الأخرى وهي مسودَّه
والسما ماكنها إلا قربةٍ مشقوقة"