MBBCH | GP Doctor
مرسي علم الحبيبه
Joined September 2018
- Tweets2.1K
- Following683
- Followers3.9K
- Likes41.4K
Pinned Tweet
✅ Successfully passed MRCS part A
اللهم كمّا أنعمت فتمم وكمّا تممت فزِّد وكما زِدت فبارك، واجعل علمنا هذا حجة لنا لا علينا واستعملنا ولا تستبدلنا، وبارك لنا فيما هو آت يارب.
بزايه ولتر بيبسي يولد
الحكومة تقر حافز أداء لأعضاء المهن الطبية بفئة مالية مقطوعة 750 جنيها شهرياً، شرط أن يتخطى حافز الأداء 90%، ولا يستحق صرفها لمن يقل أدائه عن 50%
#مزيد
كنت بشتكي من الoverthinking بقالي فتره لحد ما عمي عبدالهادي الله يكرمه ممرض معايا قالي: يبني انت قد ابني ولو فضلت تفكر في كل خطوه جايه كده هتضيع حياتك، عيش اليوم بيومه واتبسط ومتقعدش تنسغل في اللي فات لانه خلص ولا المستقبل لانه لسه مجاش لما يجي ابقي فكر فيه.
معني كلامه مش إنك تنسى الماضي أو متخططش للمستقبل، لكن معناه إنك تعرف تحط كل حاجة في مكانها الصح، الماضي نتعلم منه، والمستقبل نستعد له، والحاضر نستغله ونعيشه بدون قلق وتفكير.
مش هتقدر تغيّر اللي فات!
ومش هتقدر تضمن اللي جاي!
بس تقدر تختار تعمل إيه دلوقتي.
Eslam Ramadan retweeted
نصيحة للشباب
خد بنت طموحة وذكية وشجاعة
السند والدعم والمثابرة مش هييجوا من حد ميعرفش المعاني دى
البنت اللي تعبت عشان تبقى حاجة، وعندها شغف إنها تبقى حاجة أكبر، مش بس عندها أحلام لنفسها؛ عندها القدرة إنها تفهم أحلامك كمان. اختار حد يعرف قيمة الحلم قبل ما تطلب منه يؤمن بيه.
نفسي افهم انا كدكتور هوصل امتي لطريق اكون عارف بدايته ونهايته! اكون فاهم انا في انهي مرحله من كاريري!
طول الكليه امتحان في ضهر امتحان
الامتياز سنتين حضور شيفتات
في نهايه كل راوند ٩٠٠ انسيشن و٤٠٠ حاله لوج بوك
تخلص امتياز تخش دوامه التكليف
بعد التكليف تخش دوامه النيابه
نيابه وهمي ولا تعليمي، طب ماستر ولا زماله
طب يارتني مدخلت طب
انا دوباميني خلص
معتش شغف
يدوب بشتغل وبنام وبرجع أكرر اليوم
مهنة الطب من أجمل المهن اللي ممكن حد يختارها، لكن المشكلة إن الطبيب بيبدأ يحب المهنة، وبعد فترة يكرهها بسبب الفقر، وضغط الشغل، وطول سنين الدراسة، والتضحيات اللي بيقدمها من غير مقابل كافي
بحب أشبهه كلية طب شبه اتنين بيحبوا بعض، لكن مع الوقت الحب ممكن يتحول لكره بسبب؛ خيانة أو ضغوط مادية أو تراكم المشاكل. مش لأن الحب كان كدبة، لكن لأن الظروف أحيانًا بتغير المشاعر.
عشان كده بنصح أي حد بيفكر يدخل طب لازم يكون عنده mentor يتعلم منه ويوجهه ودعم مادي يقدر يسنده لحد سن الـ٣٠ على الأقل.
الطب محتاج شغف
لكن الشغف لوحده مش كفايه
محتاج وقت، وصبر، وسند مادي ونفسي
عشان تقدر تفضل تحب المهنة اللي اخترتها
{فأما الإنسان إِذَا ما ابتلاه ربه فأكرمه ونعمه فيقول ربي أَكْرَمَنِ (15) وأما إِذَا ما ابتلاه فَقَدَرَ عليه رزقه فيقول ربي أَهَانَنِ}
من جهل الإنسان إن لما ربنا يبسط له في الرزق ويوسع عليه في حياته، إن ربنا كده أكرمه ولما يضيّق عليه يقول إن كده ربنا هانه ومبيحبهوش..
في حاجه إسمها استدراج من الله
{فلمَّا نسوا ما ذُكروا به فتحنا عليهم أبواب كل شيء حتى إِذَا فرحوا بما أُوتُوا أخذناهم بَغتةً فإذا هم مُبلسون}
ربنا بيتكلم عن ناس لما تركت العمل بأوامره وأعرضوا عنها فتح عليهم في الرزق والعيشة والصحة لحد ما أخذهم بالعذاب فجأة وهما منقطعين عن الخير
نسي أفهم ليه حد مريض زي ده يتحبس وميتعدمش! كده يعني الخلل اللي فدماغه هيتصلح؟ المفروض اي حد يرتكب جريمه زي دي او مماثله ياخد اعدام
واقعة مؤسفة حصلت في محافظة الشرقية في قرية اسمها جزيرة سعود .. البلد كلها كانت بتدور علي الطفل محمد اللي عنده ٤ سنين .. لغاية ما قدرت أجهزة الشرطة والمباحث انهم يلاقوه مقت.ول في زريبة بتاعت بهايم .. ولما تم تفريغ الكاميرات لقوا إن فيه واحدة ست منقبة داخلة الزريبة .. وقدرت أجهزة الشرطة انها تجيب الست دي، اللي طلعت ام المجرم اللي في الصورة دي ..
القصة ان الست دي شافت ابنها الجحش الكبير ده ماسك الطفل الصغير وبيعتدي عليه جنسيا .. فالست هيا وابنها خافوا من الفضيحة فخدت الطفل للزريبة، وابنها جه بعدهم..وخنقوا الطفل وموتوه.
المجرم ده عنده ١٧ سنة، يعني مش هيتعدم ..؟!
ولو قال في التحقيقات إن امه بريئة ومشتركتش..هيا كمان مش هتتعدم ..
ربنا يعدينا منها علي خير، ويحفظ وطننا مصر من كل مكروه وسوء ..
العته ده هيعمل عندنا جائحة من الأمراض اللي انتهت من سنين (السعال الديكي، الدفتريا، شلل الاطفال، الحصبه) في الكام سنة اللي جايين دول عشان قعدات المصاطب والناس الجهله اللي شايفين إن إبنهم اللي لسة مقلعش البامبرز هو محور الكون والدكاتره عاملين مؤامرة وبيدوهم تطعيمات تمرضهم
بقالي فتره بتعامل مع الصنايعيه بمحتلف مهنهم من كهربائي لسباك لمبيض محاره لبلاط لنجار، ٩٩٪ منهم معندوش ضمير وان مكنتش تطلع عين امه وتقف ع ايده وتقيس وراه بالسنتي هيضحك عليك ويكلفتك
