بين رمشٍ شطير وبين طرفٍ خدير
كم من عقل خَفْ وكم من قلب سال
يستريح الفرزدق .. كثر راحة جرير
عينك : أفصح حديث العرب شعر ومقال
انتي الدهشة اللي مالها حَد أخير
وامتزاج الحقيقة في محال الخيال
يبتدون العذارى حولك الحكي ، مير
ينتهي لا لفحتي بالجديل .. الجدال
في خطاويها شموخ وفي مواقفها عظيمه
يا بعد رزنامة الايام .. وفتن الصبايا.
قربت بين الجناب الدمث والنفس الكريمه
وقلطت في خاطر ملهوف وضلوع الحنايا
تزهى بها كل القصايد والمشاعر مستقيمه
لين صارت في عيون الشعر عنوان الحكايا
تهلَي في خطاويك النسايم و السحاب يهلّ
واغني لك بصوتي .. بين برّاقه و رّعاده
قلايد من عقود الياسمين ومن عقود الفلُ
لعنقك وانت عنقك يستحق اكثر من قلاده
شعورك بالزهر فايح و شعرك بالمطر مبتل
و وجهك عادته يفتن وانا مفتون كـ العاده
« مرحبا يا الوسم يا النبت يا الماء يا السحب
يا تبهّاج الصدور — وتبسّام الوجيه
أنت تدري ما على الأرض منك أغلى وأحب
وأنا داري ما على الأرض غيري — تهتويه »
حفيدة من يعانق سما المجد و الامداح
من حقوقها تمشي مع الناس منغرّه
سليلة كبار ومجدهم ما يبا الايضاح
« نجيبة حرار » و حرةٍ من بطن حرّه
هي الغاده اللي طهرها فالدجا وضاح
وهي الدره اللي صدق تستاهل الدرّه
تومي بقلبي مثل طير على الملواح
وانا ما بعد سلّمت قلبي لحد مرّه
عادي تحب الأرض وتحب الأوادم والحياة
كلّه لـ عين اللي تحط أهل الهوى في عبّها
الآدمي لا حب له واحد . . يحب اللي وراه
أنا ما كنت أحب لي ديره . . وصرت احبّها