Maged 

كنت في انترفيو قريب واحد الاسئلة كان ازاي ممكن نهندل ال apis dependencies بمعني ان عندك كذا api كل واحدة مربوطة باللي بعدها والطريقة المباشرة انك تستخدم ال concurrency في اللوجيك ويمكن دي ابسط طريقة ولكنها بتسبب كذا مشكلة زي صعوبة التعديل وانك مضطر تغير اللوجيك ودا بسبب اننا كسرنا ال open-close principle وعشان كده مهم نحمي ال core logic من التعديلات المستمرة وكمان ال testing بقا صعب او مستحيل في بعض السيناريوهات وال error handling بقا معقد. اومال ايه الحل؟ نعمل wrapping للكلام دا كله؟ مش اي wrapping صح، ممكن تشيل التعقيدات من اللوجيك وتنقلها في كلاس تاني وكده انت نقلت المشاكل من فايل لفايل مش اكتر، لذلك في المقالة دي هنبدا من اول الحل التقليدي ومشاكله لغاية الحل الجديد اللي بيخلي ال design بتاعنا سهل جدا الاضافة والتعديل فيه من غير اي مشاكل وفي الاخر هنعمل tests كاملة للوجيك بتاعنا في السيناريوهات المختلفة. هتلقي ان في الحل دا استخدمنا ال modern concurrency مع باترن ال chain of responsibility ودا ساعدنا نبني dependency بين ال different handlers ودا يجيبنا لسؤال حلو، هل ممكن نستخدم نفس الباترن بس بشكل مختلف او مرن شوية علي حسب طبيعة المشكلة اللي عندي، يعني ممكن يبقا عندي مشكلة بسبب ال different cases اللي في اللوجيك بتاعي ودي common جدا وسهل تقابلها ولذلك هل نقدر نعمل selective chain علي ال handlers؟ هتشوفوا دا ان شاء الله في المقالة الجديدة اللي Kareem Abd Elsattar هينزلها بكرة وان شاء الله المقالتين يكونوا مفيدين لانهم بجد واقعيين جدا وهيساعدوك في سيناريوهات كتيرة غير اللي احنا اتكلمنا عنهم واللي هما كانوا بالصدفة ومشاكل حقيقية قابلتنا في الشغل او الانترفيوهات واخيرا شكرا جدا لكريم و Mohamed Goda علي مراجعة المقالة دي وان شاء الله تعجبكم.