Mohamed El Ghandour🇦🇹🇦🇹❤️

حسين لبيب رئيس نادي الزمالك عبر قناة أون سبورت 🎙️ • إحنا عملنا تقييم مع أحد الشركات الدولية.. اللي هي لها في الاختصاص ده • متخصصة في مجال الرياضة في هذا المجال؛ اللي هي شركات زي شركة أجنبية • شركة.. يعني.. مصرية أجنبية.. خلينا نقول.. بس مكتب دولي، مكتب.. شركة ملتي ناشيونال يعني، ولها فرع في مصر ومقر في مصر • نمرة اتنين: هنجمع لسه عرضين تانيين، ولابد يبقوا التلات عروض دول كلهم.. زي ما بنسمي إيه؟ تابعين لهيئة الرقابة المالية • فيبقى التقييم.. طب، ناس برضه.. يعني أنا بحاول أقول حتى الفيدباك اللي بيجيلنا: ناس بيقول لك: «بس ده مش أحسن وقت يا جماعة تبيعوا فيه نادي الزمالك، ده نادي الزمالك..» • يا جماعة أنا ما ببيعش.. أنا ما ببيعش! • أنا النهارده بقييم بعض الأصول، وعندنا أرقام في ذهننا، وعندنا ما يسمى الـ Goodwill بتاعت نادي الزمالك • طب، هل أنا النهارده اللي هي اسم الشهرة، أو شهرة نادي الزمالك؟ ده لا يُقيّم بمال، إنما النهارده لابد إنه يدخل في التقييم، لابد يدخل في التقييم • يبقى أنا النهارده بعمل إيه؟ بجيب ثلاث مُقيّمين، المُقيّمين دول تبع هيئة الرقابة المالية • في الأول برضه عشان إحنا إيه.. ما ابتدناش.. البداية من أول حاجة؛ فخليني أقول إيه: هو أصلاً أنا عشان أخد قرار في شركة الكورة دي بأي نسبة.. أنا القانون بيسمح ليا إيه؟ طول ما نسبة نادي الزمالك 51%، والمستثمرين 49%.. ده قرار مجلس إدارة، طبيعي جداً! • يعني أنا النهارده لو عايز أمشي الشركة 51 لـ49.. هاي.. مش محتاج ولا جمعية عمومية ولا أي شيء، ولا محتاج موافقة من حد • لا، إحنا بنحاول نقول إيه: أنا عايز أوصل يا جماعة لأعلى مردود لنادي الزمالك؛ لأن إحنا مشكلتنا مالية • قطاع الكورة، مشكلتنا مالية، فأعلى مردود ده يحتم عليت إيه؟ يحتم عليا إن أنا أبص على كل الناس.. • واحد هيجي يقول ليا: «أنا عايز 65%»، أنا والأفراد دول، واحد تاني هيجي يقول ليا: «أنا ممكن أقبل بـ40%»، واحد ثالث ممكن ييجي يقول ليا: «أنا ممكن أقبل بـ20%».. أنا عايز كل الـ كل المرونة تبقى عند مين؟ • هو أنا هعمل إيه بعد ما أتفاوض؟ • لقينا مثلاً إن العرض X ده.. أحسن عرض Y • طب.. أنا عندي أكتر من خيار.. أوبشن تاني إيه؟ • أرجع لجمعية عمومية تاني، يوافقوا لي على العرض ده، وده من.. من.. (يعني) أسهل حاجة عندي.. هو ده الصح • ثم.. الجمعية العمومية بعدها موافقة مين؟ وزارة الشباب والرياضة.. والجهاز الإداري.. الجهة الإدارية بتاعتنا ممثلة في.. مديرية الجيزة للشباب والرياضة، ثم مديرية الجيزة للشباب والرياضة بترفع لوزارة الشباب والرياضة.. والجهات المعنية؛ فعندي أكثر من موافقه لازم أخده؛ بس بداية الخط.. إيه؟ هي الموافقة اللي أنا بطلبها دي، هي دي بداية الخط.. • طيب.. الحلم بتاعنا إيه؟ الحلم بتاعنا.. أطلع نادي الزمالك من عثراته.. والمالية.. طيب، هفترض إحنا مشينا في دي، ونرجع بالتفصيل في كل واحدة.. أنا ما عنديش مشكلة خالص. إبراهيم عبدالجواد 🎙️ - الإدارة.. بتاعت شركة الكورة.. اللي بنتناسب.. هل هتبقى مع نادي الزمالك.. ولا مع مجموعة المستثمرين؟ حسين لبيب 🎙️ • حسب الديل.. حسب اللي هنوصل له في التفاوض.. بكام قدام كام؟ بكام قدام كام؟ • (يعني.. حسب النسب هيبقى عدد الكراسي على الترابيزة بتاعت مجلس الإدارة؟) إبراهيم عبدالجواد 🎙️ - ده غير مجلس إدارة؟ حسين لبيب 🎙️ • لا.. لا، مش مجلس إدارة النادي، ده مجلس إدارة شركة الكورة برضه؛ ما أنا عندي حاجتين: الإدارة بتاعة الشركة، ثم مجلس إدارة الشركة • «من سيدير شركة كرة القدم؟»؛ لأن مجلس الإدارة ده بيبقى ممثل في إيه؟ في قرارات اللي هي الاستراتيجية، إنما مين اللي هيدور النادي؟ الفكر بتاعه إيه؟ مين ده؟ • الأشخاص دي كلها.. لسه يا جماعة.. الموضوع إلى الآن بنذاكر في ذلك الموضوع إبراهيم عبدالجواد 🎙️ - التقييم اتعمل ولا لسه يا كابتن حسين؟ حسين لبيب 🎙️ • في تقييم اتعمل بس أنا في حِلّ إن أنا أقول أرقام.. إبراهيم عبدالجواد 🎙️ - من شركة واحدة؟ حسين لبيب 🎙️ • حالياً من شركة واحدة.. • منتظر شركتين تانيين.. • يبقى.. اللي.. وعندنا ثلاث أفكار لما يسمى الشركاء، من كده لكده.. من كده لكده • فبالتالي يا جماعة.. إيه؟ معلش.. بس استسمحكم عذراً.. خلونا نذاكر وندرس صح!

عودة الونش 🤩 استقبال خاص لمحمود حمدي الونش من لاعبي المنتخب بعد عودته لمعسكر منتخب مصر 🇪🇬🎤