محمد ابن هرشان

يا شين الشعور اللي ما يشرحه وزن و قاف ما تشرحه غير الدمعه اللي من اعماقي انا اعاني من الوحده و قِلّة الإنصاف واعاني من اشياء فاتت تضيّق اخلاقي و زهرة شبابي ذابلة .. والعمر طوّاف لا ماتت ماهيب تبيح من حضرة الساقي! يمرّ الكلام اللي من الشامت الجحّاف مرور الخريف اللي معه تسقط اوراقي يبي يكسر المجداف؟ من قال لي مجداف! انا لي سنه يا دوبه يْشيلني ساقي بديت ازهد بدنياي واللي يضاف يضاف ولا ظنّتي بـ اشقى كثر مانيب شاقي تعدّيت مرحلة التحسّف على اللي طاف انا هالسنه صرت آتحسّف على الباقي ما غير ارجع لطاري و ذكرىٍ تركت خلاف ولو خوّة الذكرى مهي خوّة شلاقي هنا اخر لقاء .. و اوّل محطّات الاستنزاف مكانٍ كراسيّه تسولف عن اشواقي عطيته (سنين و قلب و ابيات ما تنعاف) و (رجّع لي ابياتي )ولا (رجّع الباقي) انا بآخر ايامه سمعت الكلام الجاف و كذّبت سمعي لوّ تشهد له احداقي و بعد ما نطق في تالي الليلة إسمي .. حاف عرفت انّه العربون في ليلة فراقي

لي ساعتين افر و عندي شعور بداخلي انه ضايع مني شي ، فالنهاية اكتشفت ان الضايع مني انا ! : يا قلب هوّنها بقدر المستطاع طاع الزمن من لا زمانه طايعه غريب و ظنونك مثل سقط المتاع ودّع بها اللي ما تضيع ودايعه وحشة ديارك ، بعد ناسك ، والوداع ثلاثةٍ كبدك عليهااااا مايعه تدور تقل مضيعٍ لك شيّ ضاع ؟ ما تدري ان نفسك هي اللي ضايعه):

يا ربّي أجعل في طريقي شمعه فيها استدلّ مْع الزمان الجارح يا كبر ظنّي لا ذرفت الدمعه ما كنّي اللي عن فروضك سارح! اطلبك تيسيرك بيوم الجمعه و المغفره .. واللي دعيت البارح (: -محمد ابن هرشان #يوم_الجمعة

هشّ الحنايا نسمة النود تطعنك ما كنّك البارح عليها تشفّق اليا غزاك الضيق منهو يزبنك ؟ لا شان وقتك من عليك يترفّق ؟ تطيح :ما تلقى يدينٍ تعاونك تقوم :ما تلقى يدينٍ تصفّق لا ترتجي لك واحدٍ ما درى عنك ستّل جناحك عن دياره وخفّق عزاك لو ما تملك جنيه و فرنك انك على بذل الجمايل موفّق

لا زال قلبي رهين الشوق و الانتظار ما كن قلبي قبل حبّك فطين و حذر عودي ولو ما معك عقب الغياب اعتذار ؟ قولي "احبّك" ترى "احبك هي اسمن عذر"

تغارين من كثر الفتن و الجميع اشباه ؟ يا صغري معك ولا مع الناس يا كبررري

رغم الضغوط القشر و ظروف الايام غصن الامل راوي مهوب متواكل يعيش باللذات من كان مقدام و يموت ذله من يهاب المشاكل و الرجل لو ماله طموحات و احلام ؟ قطعة لحم ما غير تشرب و تاكل