معيض الحربي .🇸🇦

تعال يالفنجال لا معيض ناداك لا بد مابينك وبينه تناجي ابا اتقهوابك عساي اتهناك من دلة الرسلان فلة حجاجي تبين لي الخافي دواليب الأفلاك واللي على الخدعه يهف السراجي اللي يتعيل ويتلوا فالأسلاك يلقا له المرضان حبة علاجي

وينه هذاك الوقت وين المطاليق راحت بهم شهب السنين القديمه عصرٍ عذي مافيه بلشه ولاضيق مافيه غير أهل الصدور السليمه ولافيه تعكيره على فكة الريق من نادمه ينقاد مثل البهيمه كيف المطفق في علو الشواهيق والجاهل نشوفه يقود الوسيمه

اقلط لها من باب سدد وقارب إليا ضون ضُمر هزيلات وورود سدد مناسمها وصك المشارب قدام لا تلقا لها درب مجرود أمن السنام أن ميلت للغوارب ماتفرق الجمال باقي مع الذود لو سوت الأرياح حزم و مضارب لابدها من يوم بتقر وتهود

صح لسانك يا ابوممدوح ساعد على جرحه وسائل متاحه كلٍ على قوله يسوي قصيدات 😂 الحرف يُلوى لين تسمع صياحه وتبنْدَح بغير أوزان عادي سهالات مير العشم فأهل الأدب والفصاحه شرواكم اللي لهم صوله وجولات ومن لايعرف الحر يكسر جناحه وألا اشتواه وتبله بالبهارات

ياليتها تاقف على ماهي الآن ياليتها ماتختلط بالهجيني وتشوف فالمجلس من الورد بستان واللي قسى قلبه يعود يليني 😂

القصيد اللي يسلي خاطري واطرب له استوي له زين واحكم ماقفه ولحونه ان مدحت امدح سنافي والمثل يضربله وان هجيت ابدا خيالي مفرده مدفونه

الحر يكفخ بالجناحين ما مال لو عاف وكره طار يم الغمامه ما للغراب فوكر الأحرار مقيال وهو يدري انه ماتهابه حمامه صوب الوطا بيعود له فيه منزال لا قر حال الطقس عاد لنظامه

حسنها الفتان والعين الذبوله مستواها فوق من يقدر يجيها نور بدرٍٍ لا انفهق تال الليوله يوصل التايه لديرة والديها

ليت شعري مثل معروف الرصافي يوم دون من كتابه في كتابه استعي حوله وأعوّد للمطافي كن للأشعار كعبه عند بابه

البال رايق مادام الأرض ممطوره ويدندن الهاجس ولا دن ما امله اوازن الحرف واحطه على الصوره ولو ابهمه يصعب على من يحله