أنا سيّد أفكاري ما أحب أتبع التنوير
قناعاتي اللي داخلي موجز أحزاني
ما أعيش الحياه اللي تجي وفق فكر الغير
شعوري عميق ومنطقي منطق إنساني
ولاني بحاجه حب واهم ولا تقدير
أنا نصفي الأول . . وأنا نصفي الثاني
حفرت بذكرياتك بصمةٍ ما جاء لها .. تقليد
مداّها شعرّي الفارق ، و تاريخي ، و عنواني
أنا ماني بـ عابر، في سفر عمرك بـ جرد البيّد
أنا مزنٍ يهلً الغيث له .. لو شحَّت به أزماني
أنا ما أقبل النسيان ! ، لاني — سيد التخليد
و لو تحاول تناساني ؟ ما راح تقدر تناساني
الانسان لو قسّم حروب الحياة اقسام
درى ان اكبر الاقسام حربه مع ذاته
وش الوقت من دون العقارب ولا الارقام
وش العمر من دون الطموح ومتاهاته
ما فيه أصعب من الصبر وأثقل من الايام
على اللي ما حقق غايته والعمر فاته
يبي البارح اللي ما يبي شي من قدّام
ويبي بكرة اللي حاجته ما بعد جاته
واللي جعل عصريّة الجمعة جواب السَائلين
إني فقدتك فقد ما يُوصف و لا يلحق مداه
عسى قبرك أوسع من حدود القسى واللين
وعسى الله يسقي ترابه بوابل - غيمةٍ ترعاه
إن كان ودك تقضي العمر مرتاح
لا تشغل أفكارك على كل حاجه
خل الثقه بالله والصبر مفتاح
مافيه ضيق إلا وراه انفراجه
الأدمي في رحلت العمر سباح
يضرب بحر ويواجه اللي يواجه
واللي يحسب للخساير والأرباح
يعيش عمره وسط عنق الزجاجه
لاتباطيتك .. علي الوله ينشاف
يبين على العاشق وينشاف فـ عيونه
أحبك جعل حب يجي من بعدك يعاف
وأنا حالفٍ حبك مع الوقت ما أخونه
ليا شفت وجهك والله ماعلي خلاف
فلا تنشد اللي شاف غايته .. وش لونه
عيونك مثل مجدٍ قصر دونه اللي خاف
وأنا اللي يحب المجد .. ويموت من دونه
ذكّرتك وغيّر الله شكلي ولوني
يا طيّب الذكريات وطيّب السّمعه
أشتقت للعُمر معك وفاضت عيوني
ومن رجّع الذاكرة ما رجّع الدمعه
ومن يوم ما أخذك القدر وأنا على هوني
ما أعرف الأسبوع غير بـ ليلة الجمعه