#Natheer | UI/UX

نزلت دروسي الـ4 من معسكر ترميز للتصميم، مجانًا لأي أحد يبي يبدأ في تصميم الواجهات 🎁 من أول Wireframe لين كتابة دراسة الحالة... لكل درس مقطع وشرائح تقديمية: natheerdesign.com/tarmiz-ui-…

لما تجدول دواء يومي في تطبيق الصحة في الآيفون، يكتب لك تحت "كل يوم": تناول الجرعة في نفس الوقت. نفس الساعة؟ إيه. نفس اللحظة من يومك؟ لا. #تحدي_100_معلومة_UX أوقات الصلاة تتغير على مدار السنة، فلو ضبطت تذكيرك عشان يجيك بعد المغرب، بعد كم شهر بتلقاه يجيك قبل الصلاة أو بعدها بوقت طويل، مع إن التذكير نفسه ما تغير. والعادة ما تثبت بالساعة، تثبت لما ترتبط بشي تسويه كل يوم أصلًا. وإحنا عندنا مواعيد نرتب حولها يومنا كله: "أمرك بعد الظهر"، "نتقابل بعد المغرب". جدولة الدواء في التطبيق واضحة وسهلة، والفرصة إن يكون فيه خيار "بعد صلاة المغرب" جنب الساعة، يتحرك مع وقت الصلاة ويبقى مربوط بنفس اللحظة. وأشوفه شي جميل في أي تطبيق أدوية 👌🏻

لما نكتب في «البيرسونا» إن المستخدم «ما عنده صبر» أو «علاقته بالتقنية ضعيفة»، غالبًا نوقف عند طريق مسدود؛ لأننا كمصممين ما نقدر نغيّر طبع الناس، فنطلع في النهاية بنصائح عامة مثل «بسط الواجهة وقلل الخطوات» #تحدي_100_معلومة_UX من ناحية علمية، هذا هو «خطأ الإسناد الأساسي»: ميلنا لتفسير سلوك الناس بشخصياتهم وتجاهل الموقف اللي هم فيه.. الصفات الشخصية تحكم على المستخدم، بينما «ظروف الاستخدام» (وقته، مكانه، والقيود اللي حوله) هي اللي تعطيك قرار تصميم حقيقي يتحول لمزايا واضحة في الواجهة

عندي خبرين لكم للي يهمه الأمر: الأول: خلصت تقييم المجتازين في معسكر ترميز، وكان عددهم تقريبًا 53🤩👏🏻 الثاني: وصل عدد متابعيني في لينكدإن إلى 2393🎉… اللهم اجعلهم شاهدي لي لا عليّ، وانفع بي وبما أقدمه والقادم اجمل!☺️🤍

ليش أتعلم اختصار جديد وطريقتي الحالية تؤدي الغرض؟ 😅 وليش أكمل أدور على «الأفضل» إذا لقيت اللي يناسبني؟ #تحدي_100_معلومة_UX مو كل قرار يحتاج مقارنة طويلة، ولا كل اختصار يستاهل نغيّر عادتنا عشانه. أحيانًا الواضح والمألوف يفوز على الأسرع والأفضل.

أحيانًا معرفة وش يسوون الناس اللي حولنا ممكن تأثر في قراراتنا أكثر من النصيحة نفسها 👀 #تحدي_100_معلومة_UX وهذي فكرة الأعراف الاجتماعية (Social Norms): بدل ما نقول للمستخدم وش يسوي، نقدر نوريه كيف تصرف غيره في موقف مشابه... جربت أطبقها في جاهز، باستبدال رسالة تقليل النفايات بنسبة الأشخاص اللي يطلبون بدون أدوات في نفس الحي (النسبة في التصميم افتراضية) الفكرة مو دفع المستخدم يتبع الأغلبية، بل إعطاؤه معلومة إضافية تساعده يقرر 🌿

و إلا حاب يعرف كيف يسعر في مجال UX/UI فيه دليل مخصص للمصممين يمكن يساعدك تبدأ وتجرب تسعر! وحط ببالك عادي تسعر غلط بالبدايات إلا وده اشاركه الرابط يجيني خاص وما بقصر👋🏻✨️

الـ50 نقطة ممكن تخليني أكمل نموذج، بس ما بتخلي تعبئته ممتعة 😅 أحيانًا نستخدم النقاط والشارات في مواقف كثيرة، حتى في أنشطة نحبها أصلًا مثل التعلم. وهنا ممكن يتحول تركيزنا من متعة النشاط إلى جمع المكافآت 🤡 #تحدي_100_معلومة_UX أما جانب المهام الثقيلة، فالنقاط ممكن تساعد على إنجازها، لكنها ما تخليها ممتعة. أحيانًا الوضوح والتحكم في طريقة الإنجاز يكونون أهم! الفكرة مو إلغاء المكافآت، بل نعرف متى نستخدمها ✨

عشوائيات الرياض✨ فترة راحة كنت محتاجها🎈

فيه جزء مهم من التصميم ما عرضته في التغريدة 👀 الملخص اليومي مو شيء ينفرض على المستخدم، هو اللي يختار إذا يبي العروض توصله أول بأول أو تتجمع له في وقت يناسبه. لأن الهدف مو بس نقلل الإشعارات، الأهم نعطي المستخدم تحكم أكبر في وقت وصولها👍🏻

انتهى معسكر ترميز للتصميم 🎓🥳! 8 أيام مع @TarmizTech، شاركتني فيها @uxui_za، وأكثر من 60 متدرب ومتدربة اشتغلوا على مشروع واحد يكبر كل يوم. 🔍 أيام زهراء (UX): استبيان منشور، ومقابلات حقيقية حللوها في Affinity Map، ثم Persona ورحلة مستخدم، وبعدها User Flow. 🎨 أيامي (UI): Wireframe، ثم نظام بصري تطلع منه شاشات Hi-fi، ثم حالات الواجهة ونموذج تفاعلي. وفي آخر يوم اختبرنا نماذجهم مع متطوعين بشكل مباشر. أكثر شي فرحني: وحدة من المجموعات اشتغل فيها خمسة، كل واحد على شاشة، وطلع كأنه تطبيق واحد متناسق و رهيب 😍 شكرًا للجمعية، ولـ @onlyMeteoor على التنسيق والمتابعة، ولزهراء على الأيام الـ8 كلها وشكرًا لكل من حضر وتعب، وسامحونا على أي قصور 🤍

قد جاك إشعار عرض، فتحته وما ناسبك، وبعد شوي جاك غيره وقلت: يمكن هذا أحسن؟ 😅 #تحدي_100_معلومة_UX ما نعرف متى بيجينا العرض، ولا إذا بيناسبنا، وفضولنا يخلينا نفتح الإشعار ونتأكد 🤔 ومع التكرار، ممكن نصير نقطع اللي بيدنا كل شوي على أمل إن العرض الجاي يستاهل.... بدل ما نستغل هالترقب عشان المستخدم يفتح التطبيق أكثر، ليش ما نعطيه تحكم أكبر؟ صممت تصورًا لملخص يومي يجمع العروض في وقت يختاره المستخدم. 📱 الفكرة مو تقليل العروض، بل إعطاء المستخدم حرية اختيار وقت وصولها💯

خلّصنا اليوم 7 في معسكر ترميز، وكان عن حالات الواجهات والتصميم التفاعلي: • كل ضغطة لها رد • وين تظهر رسالة الخطأ • نصوص تقول وش صار ووش الجاي • الشاشة لما تعطينا رد وش افضل شي: نافذة ولا لوحة ولا صفحة؟ • وربطنا النموذج (Prototype) ومو مصدق إن المعسكر بيخلص 🥲 بكرة آخر يوم، مع اختبار التجربة وعرض المشاريع 👋🏻 #ترميز_UiUx

أمس في معسكر ترميز رسمنا الهيكل المبدئي (Mid-fi) لشاشاتنا ✏️ واليوم خلصنا اليوم 6، وكان مليان مفاهيم: • نستلهم المبدأ، مو الشكل • نظام التصميم: قيم وأنماط ومكونات • Variables للألوان والمسافات • والـAI يكمل من قواعدنا باقي يومين ونشوف نتائج المتدربين خلال 8 أيام شلون!!👀 #ترميز_UiUx

الحمدلله انتهينا من اول يوم في جانب الـUi و تجربة جميييلة بالشرح ما توقعت تكون الجلسة بهذا التفاعل و ماحسيت بالوقت ساعه ونص مشت على السرييع😂🔥 شكرا لجميع الحضور ماقصرتو جميع🥰🙏🏻 #ترميز_UiUx

السؤال الأهم: ليش كل القروشة ذي؟ بكل بساطة: (الحرية)😇 أبي موقع أسويه بكيفي، وأي فكرة تجيني غالبًا أقدر أنفذها... فسويت محرر خاص فيني وعلى احتياجي: أضيف مشاريعي ومبادئي، أرتّب النصوص والصور، وأعاين النتيجة قبل النشر🔥 وإذا تغيرت طريقة شغلي؟ أقدر أغير الأداة معها.

كانت 4 ابام رهيبة ...إن شاء الله ببدأ معكم يوم السبت بإذن الله😍👌🏻 وجالس افكر اهديكم شي نهاية المعسكر🎁✨️...

تحسبون وقفت؟ لا باقي صامل مو مصدق وصلت 50😍🔥! #تحدي_100_معلومة_UX في بطاقات أختام المقاهي، كل ما قربنا من القهوة المجانية زاد حماسنا ☕️ بس وش يصير بعد ما نستبدل المكافأة وترجع البطاقة 0؟ غالبًا يقل الحماس لأننا بنبدأ من الصفر... جربت فكرة على تطبيق "نقطة": لو العميل اشترى مشروب مع قهوته المجانية، ليش ما ينحسب كأول ختم في البطاقة الجديدة؟ كذا يشوف تقدمه 1/7 بدل 0/7، ويتحمس يكمل للمكافأة الجاية. الفكرة مو إعطاء أختام مجانية، بل إظهار تقدم حققه العميل فعلًا👀