سـدف🪐

عندي مليون دليل إن المجتمع مصمم لقمع المرأة وتطويعها للرجل وتحويلها إلى كائن تابع له، مو مجتمع قائم على تعاليم الدين الإسلامي مثل ما تحاولون تصورونه. وبقول لكم اليوم مثال واحد بس. بعيدًا عن إن وجه المرأة عندكم عار وفتنة وعهر إذا انكشف، وإنها لازم تتنقب وتخفي نفسها عن عيون الرجال، حتى المدارس ما سلمت من وصايتكم! ليش ممنوع البنت تحط مناكير؟ ليش ممنوع تتزين وتفك شعرها؟ وش المشكلة بالضبط؟ المدرسة مكان نسائي، بنات مع بعض، لا فيه رجال ولا فيه اختلاط! حتى المساحة الوحيدة اللي ممكن البنت تعبر فيها عن نفسها وذوقها وشخصيتها تبون تصادرونها منها! إذا برا ممنوع بحجة الرجال والفتنة، طيب بالمدارس وش حجتكم؟ حتى بلشر بسيط ممنوع! ومن متى صار من اختصاص مديرة المدرسة تتحكم بذوق البنات ومظهرهم وتقرر وش يحطون على وجيههم وش يسوون بشعورهم؟ هذي مو أنظمة وزارة التعليم، هذي تسلطات واجتهادات شخصية من بعض المديرات، والأدهى إنه ما فيه رقابة توقف هالتجاوزات! إلى متى هالهوس بالسيطرة على المرأة؟ ليش تزرعون في البنت من عمر صغير إن الزينة مو من حقها، وإنها ما تتزين إلا لزوجها؟ ليش تربونها على إن جسدها ومظهرها ملك للرجل، وإن أبسط مظاهر الأنوثة لازم تكون مرتبطة برضاه؟ إذا برا ممنوع وبالمدرسة ممنوع، وين تتزين البنت؟ تنتظر عزيمة ولا مناسبة عشان تحط بلشر ومناكير؟ متى تعيش عمرها؟ متى تجرب وتختار وتكتشف ذوقها بدون ما تلقى ألف وصي فوق راسها؟ واللي يرفع الضغط أكثر إن الآباء ساكتين والأمهات ساكتات! ولا أب قال ليش تمنعون بنتي من أبسط حقوقها، ولا أم اعترضت على هالتسلط! تبون البنت من عمرها صغيرة تتعلم إن كل شيء فيها خاضع للمراقبة، حتى شعرها ووجهها وألوان مناكيرها! وبعدها تستغربون لما نقول إن المشكلة مو في قطعة قماش ولا في بلشر ولا في مناكير، المشكلة في عقلية تشوف المرأة مشروع وصاية من المهد إلى اللحد. مجتمع ذكوري يختنق حتى من فكرة إن البنت يكون لها ذوق وشخصية ومساحة خاصة فيها بعيدًا عن الرجل! #٢٠٣٠_بلا_نقاب39 #معتقلات_المنازل39