فلآح

يحزن إني بهذا العُمر لكن فيني مشاعر وهموم أكبر منّي .

من يحس في صدره حرارة مياسم كي قضى نصف وقته بين طاره و تكايه أساير طموحاتي مساير رفيقٍ عي وأقول الصعاب تهون لاكبرت الغايه لو أني سمعت ان اليالي تقول شوي يبو ذاكره ماهي عن الطيب نسايه يفر الونس من جوف راعي الضمير الحي مثل ماتفر الجن من بسمله و آيه .

من دافع الود .. مدري دافع الأشتياق أقبلت و الشوق ماحوله شكوك : وزلل أبني عليك إختلاف ( الراي ) والأتفاق رغم إختلاف المبادي و إختلاف الملل التضحيه معك .. لو تبلغ محيط الآفاق ماهيب واجد على إللي يسهجون الحلل الحب فيه الوصل والبعد نفس السياق يحط ف القلب ثقب !.. وف الخلايا شلل ياغاية الروح حسنك واصل أوسع نطاق يعني جميله .. ماتحتاجين لا أبها الحلل لو قالو الناس فيك إللي لا يمكن يطاق ابشرك كل ماقالو ؟.. ما يسوى ( هلل) مافيه مثلك مشى من تحت سبع الطباق من ساكنين الخيام ؟.. وساكنين الفلل الــساعه إللي مــعك " بداية الأنطلاق " و الساعه إللي بـدونك ؟ كــلبوها ملل أخــاف و أضـيق و الأنـسان لا خاف ضاق ب الذات لا جاني الطاري ب الأمر الجلل حـنا رياجيل ؟.. لــكنّا نخاف " الــفراق " إللي ما خــاف الفراق : أكيد عنده خلل

يا حمد ماعادني برفيق اللي تبون اتجايّد كني اشلى لكن ما من شلاه العقول النيرة شارفت حد الجنون من زمانٍ زاد شره وقل اللّٰه حلاه أدري ان قضيّت لزومي بدقة تيلفون غير خايف من جميل علي يصعب جزاه يا ابن آدم لا يهمك كلام المرجفون من عرف معنى الحياء بيعرف معنى الحياة كل نفسٍ تقبل الهون لو مره تهون الهوان يقود كل الهوان اللي وراه لو تعيش العمر كله تحت سقف الديون لا عطاك اللّٰه غنى النفس عينت الغناه .

أنا ودّي أجعل للمشاعر بـ قلبي حدّ ويقول الوفاء من هو عطا شيء ما منّه لكني ليا برّقتتت في . . كل بدّ و بدّ أشوف المشاعر ما تورّد على الجنّه أجي مندفع ويقول عقلي دخيلك هدّ أخاف إن قلبك يخلف الوقت من ظنّه ترى ما يخاف العاشق إلا نهار الصدّ مثل ما يخاف المؤمن يضيّع السنّه !

لازال وجه الحياه .. يتك صدر الحزين يعري الضحك مْنه ويعطي الحزن روح ماذاق طعم الفرح من ذاق طعم الحنين حتى لو انه من اللي يهدمون الصروح لو دمعة الشوق تقدر تجلب الراحلين سقيت خد الثرا دمع و مشاعر ونوح وش حيلة الحاضرين ؟ اللي من الغايبين ماعاد يلقون فرصه يسترون الجروح من رد نبرة حزن .. ما رد له دمع عين العين تنقل ما يخفيه الكلام بـ وضوح استقبل الليل وحدي " عقب كنا ثنين " واسامره بـ العنا من عقب زود الطموح وجدي على الضحكه اللي غايبه من سنين علمي بها يوم علمي به .. قبل لا يروح !!

كفاية ! ما والله حبّنا من فراغ وطيش علشان تجرحني و لا كنّي أعني لك ! تقول العوض بكرة وأنا أجاوبك حتّيش؟ عوض ربّي ما يعني رداك و غرابيلك ولا أقول من عُقب المفارق ماراح أعيش لكّني بعيش وطول عُمري بنادي لك ):

حبيبتي لايق عليها الافتخار اللي الحلا فعيونها وبفمها كنها تخيّر فالصغار وفالكبار واللي تود اتمّها بتمّها اليا وقفت من حولها العالم اقصار واليا جلسة لد الوضيحي يمّها الوجه نوره يقلب الغدرا نهار ومجدولها ضم القوام وضمّها من زينها محتكره الزين احتكار ومدخله زين البني في كمّها يهمّا سمعة متيهة البكار واللي ماهم جدودها ماهمها وانا الوحيد اللي تهنا بختصار قالت لي انت ابو الامور وسمّها تلعب بإحاسيس المحبين القمار وتفل شرطان الغلا وتلمّها بنت امّها عند المهمات الصغار ووقت الشدايد ما هي ببنت امّها اليا اعتلوا خيالة الصفراء المهار على اسمها الشيخان ينثر دمّها

تعابير الوجيه الصامته تستنطق اللمّاح عيونك صارحتني في كلامٍ قد تحقّقته ما تحملْه المشاعر في الخفا تشعر به الارواح وانا احساسي ماهوب يخونني لا قال صدّقته تغانمني ترى ما عاد باقي لي كثر ما راح ذبل غصنٍ رطيب وجف ماه وحتّت اورقته على كيفك تبي تشقى معي والا تبي ترتاح انا حلمٍ لغيرك ما تحقق في ملاحَقته ترى وجيه الليالي وانت داري شاحبه وشحاح كم اغتالت لها ضحكه ويا كم شمل فرّقته هقيتك تعتذر وتجي تراضيني وانا دمّاح يا زين العذر لا من جاء من الغالين في وقته ولا أكبر من ضياع الهقوه وقدر الكبير ان طاح سوى اللي ما هقيت آفارقه يا لين فارقته من يقفّي لا يرجي من وراي استعطفه بـ إلحاح من يقفّي يقفّي والسلامه في مرافقته على ذكرىً تزايفها الهبوب وسافية الارياح سلام السامح اللي معتق جروحه ومعتقته ما عاد يشوقني ضوح المزون وبرقها اللوّاح لو انه باقيٍ في خاطري حلمٍ ما حققته

الهجوس الي مخاويني عليه الله وأمانه ماينسيني من الهاجوس ويغير أسلوبي كون حب الي مكانتها ماهيب اية مكانه لو يقال ان حبها عيب أتشرف في عيوبي دانةٍ وحده وفي عيني تساوي كل دانه كل ماهب الهوى من صوبها هبت هبوبي والهواوي مايمل من الهوى ومن طردانه وان غديت من الهوى لبى عيون الي غدوبي ياحبيبي وانت نفس المذهب ونفس الديانه أتق الله لا يجازونك بذنبٍ من ذنوبـي كنت اظن وكنت أحسب وكنت أقول اني تكانه لين مريتي علي مره وشبيتي شبوبي لعنبوك الجسم هاذا جسم ولا خيزرانه يتمايل كل ماهب الهوى من كل صوبي غير أنا في خاطري كلمه ياسيدة اليانه ان قدرتي توبي من الصد والهجران توبي وأن تعاملتي معي بالغدر ولا بـ ( الخيانه ) يعّلم الله ماتقبلها علي وأنا ( جنوبي )

من قضى عمره يراكض من خلافك يا مليحه طاح من عقب أرتفاعه مثل طيحة سد مأرب انصحوني عن ملذاتك ولا طعت النصيحه والنصيحه تكفي العقال عن بعض التجارب ليت همي من ضلوعي ينتزع نزع الشريحه واستلذ بنومتي واسري مع احلامي ب قارب لي متى وانا العقيد اللي تبي الاعدا مطيحه ضاع عمره ف الحروب و لا لقى راحة محارب ):

المترفه.. كل ما زادت غياها.. تزود عواذل ..العشق فال الله ..ولا فالها بنت الشيوخ الكبار و بنت طاله وجود العزوه .اللي يدك القوم .. خيالها فيها من الزين ما يعمي عيون الحسود ما نافس اوصافها الا رسمة ظلالها اللعب لعب الفرس والمشي مشي العنود والضحكه تغازل الغيمه ..و همالها (:

مرحبا وانتي العوض فـ الغايه اللي ما تهيّت لايق الترحيب يا شبه القمر ولا نزيده ؟؟ تكرمين من الهروب بـ صمت و العذر المبيّت العذر ماهوب متوافق مع سلم الوليده عاضني ربي وانا اللي شجّع العبره و عيّت و جادت الفرحه على روحي بـ عودتها الحميده والله ان قد لي ثلاث سنين وانا ( شبهْ ميّت ) لين شفت الطله اللي كنها ( بيت القصيده ) - مسعود بن شعفول

الله على الربطه يعين الصقاقير اللي تعد الريش وتعد ألايام يقطعون أوقاتهم بالتسايير وشوف المقانيص القديمه بألافلام تشوف راع الطير عاف المظاهير ومن شوفة القمرا وعدً لها صام يبغي مقيظه مايجي فيه تقصير من خوف لوم اللي إلى شاوره لام ويجيب لطيوره حليب العصافير إلى تباطى حذفها لريشه العام يويقّ صبح وظهر والعصر وعصير ويظهر عشاها عقب ماجا من الزام يقسم علفها بالتساوي بتقدير وقدامها كني به يكسر عظام وبعض الرجال الي يلوم الصقاقير ماهو يعد الريش ويعد ألايام تراه مربوطً مثل ربطة الطير ويِقصر جريره حده البيت والزام .

ما عاد تشتاق مره يا الغزال اللعوب وانا احسبنك تحنّ ولا بقى بك صبر ارفق بحالي تراني معك يا دوب دوب احاول اجبر وقوفي في غيابك جبر ! والله لو ان المحبه تحسب من الذنوب انا اكبر المذنبين ، وذنبي المعتبر اني هويت اطرقن زينه عذاب القلوب سلهام عينه يحذف المهتوي فالقبر ان كان صامل يعرضني مهب الهبوب مانيب معطيه وجهي لا عطاني دبر والله لو اشوف قلبي قدم عيني يذوب اني ما اطق الخبر للي ما طقت خبر

جادلٍ لو تدعي الشمس في وقت الغروب عودت تطلع على الناس من شرقيّها بس فيها عيب واحد من آصناف العيوب كل عاده عند آبوها تسوي زيّها لاشعم ضوه وشرّع محله من جنوب شرعت صدري وقامت تشب ضويّها

ياحزينـه جعل الأحـزان عن قلبـك تـزاح ودي أسرق لك من البهجه بـ خاطر طفل كل بسمه منكّ تنفث على الصدر إنشراح و كل ضحكه منك تستاهل نسوي حفـل ولا بكيتي صدت الشمس عن وجه الصباح وأنبهـت لـون المجـره وكـل كـوكـب أفـل دمع كل الناس مالح لكن دمعك قراح كل مـا تبكيـن ينبـت على خدك نفـل - 3:53 ص

يا لباب الروح ماعاب الغلا غير التغلّي لا تظنين بجفا والآدمي موكل بظنه الغلا عقيدةٍ فالقلب ما عنها تخلّي والقلوب اللي ما فيها أيمان ما فيها محنّه يكفي اني جيت في بالك عشان أجيك كلي شايلٍ روحي على راحة يدي من غير منّه وان تكرمتي واخذتيني صدر هذا محلّي مثل صدر المجلس اللي فايحٍ هيله وبنّه من كثر ما ارحب ليا مرني طيفك واهلي عذري ان اهل الهوى العذري نصيفتهم مجنّه بين حبي لك وحبي للشموخ وللتعلّي ما ورا عيني كلام اخفيه عن عينك واكنّه حاضنك فيها مثل ماهو يحضن الليل ظلي جنةٍ تستر خبايا الحب يوم الليل جُنّه لو تركتك ما تركتك غير بالصبر متحلّي والصبر محمود ، والتسليم للمقسوم سنّه

يا غزيّل نبض قلبي كل ما شفتك يكيّم مذنبٍ والعبد لامن تاب من ذنبه ينقّى لعنبوك استح على وجهك من البعد وتشيم لق وجهك لـ الموده كان لك وجه ٍ يلقّى عن وصال ، مترّفات الغيد .. خفّاقي مجيّم يتوقّا من زعلك ! .. ومن زعلهم ما توقّى ما تبقّى مـن لذيذ الشوق في قـلب المتيّم اجمل مْن اللي مضى والعاقبه فاللي تبقّى

" يا ملاذ " الداله إللي .. تستثيره طلّه طلتك منها يفز العشب ! .. و يّحييها وش نبي في " دلتك " و أنتي قوامك دلّه في وصوفك خوية العمسان ماهو فيها الله أكبر يا الخصر و الوجه يا ماشاء الله لا مشيتي صارت قلوب البشر في يديها الطواري : و المشاعر : و الدوا : و العلّه الزمن يضحك عليها ؟.. و الفرح يبكيها الخليله !.. لو تجيني " ما تجيني " خلّه كل موته في هوى مرضاتها ؟.. راضيها

يمكنّي أسجّ عن درب الغوايه و أتوب و أنسى ليالٍ علي يا صعب نسيانها أمّا اني أنساك يا ظبي البراح اللعوب هذي ما والله طرا فالبال حسبانها !