لا جيت اجاهد دمعة النوح واجفاك
ثوب الوداع ازرت يديني تزره
ما فيه حلو الا حلاوة محياك
ولا الحياة اللي بلياك مُرّه
تبخل على قلبٍ بمرّك تمناك
وتصد ودموع ألوله مستمره
لي قلبٍ معيي ولي نفس تبغاك
متشَتتٍ بينك وبين المضره
اعوذبك يارب من ضيق الانفاس
ومن عبرةٍ لا جاني الليل جتني
لي حاجةٍ لا جيت اعلم بها الناس
تمنعني الشيمه وهي مرهقتني
اقول كلش زين والوضع لا باس
وارتاح لا شفت العرب صدقتني
ليه أعاتب وأتضايق و أنقهر
وانت قلبك في غيابي مستريح
كنت أشوفك في ملذات العمر
شخص تفداه القصايد و المديح
و إنك واحد بس تكفي عن عشر
وأن غيرك لي خطا وانت الصحيح
جيت لك صادق بدربك مستمر
مندفع لك مهتوي واضح و صريح
ليت قلبي عن هوى قلبك نفر
مارجعت من الهوى ضايقٍ جريح
تراودني الضيقه لها حروة أسبوعين
وتأثيرها واضح علي و على اخلاقي
أحس بـ تعب وإرهاق نفسي وخاطر شين
وسجّه ونوم أمحق ومدري وش الباقي
ولا يجبر خاطري سوى كسرة الروتين
حسب خبرتي في معرفه حالة إرهاقي
يامحتاج من الشعر العتب والحزن بيتين
انا والله المحتاج ضحكه من اعماقي .
لما تصير تقول :
- الشرهه مو عليه الشرهه علي -
هنا تدرك أنك سويت إلي عليك وزود
ضحيت وأندفعت بكامل قواك
باللي وراك وقدامك
ولكنّ تدرك إنك ما ورثت إلا الحساااااييييف!
خلك على طبعك عسى الله يهنيك
وابشر بطبع جديد يعلمك قدري
امد لك حبل الوصل وانت ترخيه
الفرق واضح بين هاوي وعايف
تظن فيني ردى واظن فيك خير
والظاهر ان الظنون تمثل اهلها
كنت احسبك نادر ومالك شبيه
واثري انا النادر وانا الواجد عليك :)