A retweeted
غلاء الأسعار أمر حتمي اقتضته متطلبات المصلحة العامة والظروف الاقتصادية العالمية على الجميع الالتزام والتعايش مع الأسعار الجديدة دون مهاترات، فالاستقرار الاقتصادي فرض وليس خيارا
A retweeted
ما كرهتش يربح شي حزب من اليسار باش تاهوما مايديروا والو و نعرفوا راه المشكل ماشي من الأحزاب
من بعد دراسة مطولة للأحزاب و برامجهم. قررت غادي نعطي الصوت ديالي لتحالف اليسار, لأنه كنضن جا الوقت باش يكون عندنا نقاش حول تجديد الدستور. خاصنا ممثلين الشعب و برلمان اللي عندو صلاحيات أقوى باش من جهة نشجعو الناس المعقولين يدخلو للسياسة, و من جهة أخرى أن كل قرارخداه السياسي يعرف أنه كاين اللي حاضيه. مثلا بزاف ديال القرارات وقعو قبل اللي ما قدرناش نحاسبو فيهم الحكومة:
- مسيرة ولد زروال
- عدم محاسبة الإتفاق على ثمن المحروقات
- الحبس لحراك الريف
- الصحفيين و أصحاب الرئي اللي دخلو للحبس
- علاقة المغرب مع إسرائيل
- البلوكاج السياسي
- اللجنة الخاصة بالنموذج التنموي (نسيتيوها )
- الساعة اللي تزادت و نقصات .....
من جهة أخرى وصل أنه المغاربة ولاو كيبتاكرو طرق جديدة لإيصال الرسالة:
- أغنية الرجاء البيضاوي: في بلادي ضلموني اللي دارت ضجة على المستوى الدولي
- مقاطعة أفريقيا دانون و سيدي علي
- هاشتاكات
- جيل Z ......
و في الأخير فاش ما بقاش الأمل ,المغاربة توجهو لمغادرة الوطن وداكشي اللي للأسف وقع في سبتة. كيف ما كيقول المثل المغربي: حتى مش مكيهرب من دار العرس.
كنضن وصل الوقت لتجديد الدستور. هادي ماشي عملية سهلة ومرة أخرى كيف ما كيقول المثل المغربي: قطرة بقطرة كيحمل الواد, القطرة الأولى هي نعطي الصوت ديالي لتحالف اليسار.
A retweeted
فإحصاء 2014 كنت من الناس اللي تقيدو وخدمو فيه باش ندبر على مصيريف ونوجد للموسم الدراسي. أنا ولد درب السلطان، وعطاوني درب الفقراء، من أكثر الأحياء كثافة سكانية فالدار البيضاء، وربما فالمغرب كامل.
فالتكوين اللي دارو لينا قبل انطلاق عملية الإحصاء، كانو ديما كيضربو الأمثلة بمنطقة سكنية فيها عدد من الزناقي. ملي خرج التقسيم ديالي، لقيت راسي مكلف غير بزنقة وحدة. كانت أول صدمة بالنسبة ليا. او كيفاش!!
من بعد حوالي 10 أيام، فهمت علاش. شفت عائلات كاملة عايشة فبيت بلا شرجم، والطواليط المشروكة، الزوافرية اللي كيكريو غير سداري، و كيتسناو العيد الكبير باش يشوفو الوالدين و البلاد، وحدين ساكنين فبراكات فوق السطح، الشمش والشتا عليهم، بنادم ساكن بشكل غير قانوني مع الكروسة فالكراج..
تما اكتشفت أن المغرب فيه واقع آخر غير اللي كيبان ليا فحياتنا اليومية ولا فالتلفزة. ناس بزاف كتعيش فظروف صعيبة، وصعيب على اللي ما عاشهاش يتصورها أو يفهمها.
من تما ولات عندي قناعة أن الإنسان يقدر يتعلق بأي فرصة كيشوف فيها أمل باش يحسن من وضعيتو و من وضع واليديه. ولهذا كنحاول ما نحكمش على حتى واحد، حيث ديما كترجع ليا هاد الصور فبالي، وكنفتكر أن كاين مغرب عميق حتى وسط المدن الكبيرة، ماشي غير فالقرى والضواحي
































