مشكلة | نصيحة

🚺 فيه شيء مستغربه منه يا ناس ليش شباب هذا الجيل صار يرفض الارتباط في الموظفه ؟ ويشترط إذا جاء يتزوج او يخطب إنها ما تكون موظفه ولا تطلب تتوظف بعد الزواج ويكون هذا شرط غير قابل للتفاوض او التعديل من قِبَل الخاطب عندي اثنين أخوان الحين موظفين ومثقفين وكل شيء فيهم زين وعلى سن زواج ولما جينا نخطب لهم رفضوا كل البنات الموظفات حتى اللي في وظائف نسائية مستقلة أو غير مختلطة وتبريرهم الوحيد إنه يي ربة منزل وتنشغل في بيتها وزوجها وعيالها وبس ما يبيها تنشغل بوظيفة او دوام أو اي حاجة غيرهم ومستعد يوفر لها كل شيء واكتشفت إن كثير من قرايبنا الشباب وبعض أخوان صديقاتي عندهم نفس الشيء صار التركيز أكبر على غير الموظفات ممكن احد يفهمني ايش السبب ؟

🚺 السلام عليكم انا واختي جينا ورا بعض و اسمائنا قريبه و متشابه من بعض ومعروف بالعايله انه وحده فينا متينه و الثانيه ضعيفه الي هي انا اختي وزنها صاك 140 كيلو علشان عشان جذي منتشر خبر انه في وحده فينا متينه بس إنا اسماءنا قريبه و متشابه من بعض فلما بنتشر الكلام ما يعرفون اي وحده فينا المتينه بالضبط المهم بالعايله واقاربنا الي من بعيد لما يجيبون هالطاري اختي تقول لهم انها الضعيفه وانا المتينه يعني امتن منها هم ما يشوفوني لاني ما اروح لاحد فيصدقون كلامها واختي عدى عن ذالك دايما تنشر كلام عني اني مو زينه و غبيه و اسوي حركات وصخة بس عشاني اضعف منها و مشوها سمعتي بكل مكان شنو اسوي ب هالحاله امي و ابوي يدرون بس هم كبار بالسن ف مو فارقه معاهم وما يبون مشاكل تكفون ساعدوني و وربي نفسيتي حيل تعبت

🚺 عندي بنت عمرها سنتين اللّٰه يحفظها ويبارك لي فيها وعليها حركات حلوة وتصرفات جداً جميلة وفكرت افتح لها حساب في التيك توك واصورها ويصير عندنا محتوى ونشتهر فيه مع الوقت ونكسب من وراهفلوس بس لما شاورت بعض القريبات والاهل أكثرهم حذرني وقالوا انتبهي ممكن يعطونها عين او يحسدونها او او او وكثروا علي السلبيات وخوفوني فهل تشوفون كلامهم تهويل ولا عادي وطبيعي ؟ لأني بصراحة احسها فرصة استغل هذا الشيء فيها وأربح منه ونعيش بوضع مالي افضل

🚺 معي مبلغ ١٧٠ ألف ، دخلي الشهري قرابة ١٥ ألف عمل منزلي وعزباء ، ودي آخذ شقة في الخبر وأخليها إيجار، هل فيه جهة تدعم وأنا بدون عمل رسمي؟ وهل الفوائد كثيرة، وهل تنصحوني أنتظر وأزيد المبلغ ثم أشتري أو أشتري إذا كان فيه فرصة دعم لي، ودي أوفر فرص مالية مساعدة لي قبل الزواج والانشغال بمسؤولياته؛ لأن طبيعة عملي الأساسي تحتاج مباشرة مني وتفويضها للغير مسؤولية وأمانة ثقيلة لذلك إلى الآن ماتيسرت

🚺 مرحبا انا عندي مرض عقلي دائم واعيش مع اهل جدا بدون رحمه واخاف يوم من الايام اضر واحد منهم عشان اتجنب اذاهم ايش الحل والله اعاني من سنين حتى وانا مريضه م رحموني ألقاها من مرضي ولا منهم وعمري مرضي م كان مجرد يحتاج علاج مرضي هلاوس مؤذيه

🚹 في شخص بمر بظروف صعبة مادياً ونفسياً، عليه قرض بنك وقرض سيارة، وكان يعتمد على السيارة بالشغل مع تطبيقات النقل، لكن بسبب قرار وقف تجديد التصاريح للتطبيقات، صار دخله مش ثابت، وكل فترة بتتراكم عليه أقساط والتزامات. وبعيداً عن الوضع المادي، في بنت بحياته من سنين، وقفت معه بالحلوة والمرة، وساعدته بأمور كثيرة، وحتى مادياً ما قصرت معه، وكانت مستعدة تساعده بتكاليف الزواج وتجهيزاته عشان يقدروا يبدؤوا حياتهم مع بعض. لكن المشكلة إنه أهله رافضين هالعلاقة لأسباب بتتعلق بعائلة البنت، مع إنه البنت نفسها ما إلها ذنب بأي شيء. حاول أكثر من مرة يقنعهم ويغير رأيهم، لكن لحد الآن موقفهم رافض وما في أي نتيجة واضحة. والبنت بعد كل هالفترة وصلت لمرحلة تعبت فيها من الانتظار، خصوصاً إنه ما في خطوة رسمية ولا قرار واضح، وصارت تحكيله إنه يشوف مستقبله وما يضل معلقها معه بدون أمل واضح. شو المفروض يعمل بهيك موقف؟ هل يحاول مرة أخيرة مع أهله، ويحاول يفهمهم إنه البنت ما إلها ذنب بأخطاء أو سمعة أي شخص من عيلتها؟ ولا ياخذ قرار بحياته ويتحمل مسؤوليته، خصوصاً إنه الموضوع متعلق بمستقبله واختياره لشريكة حياته؟ ومن الناحية المادية، كيف ممكن يرتب وضعه ويسدد ديونه والتزاماته، خصوصاً إنه تقريباً كل دخله بروح للأقساط، ومصدر رزقه من السيارة صار مش مضمون؟ وهل ممكن فعلياً يقدر يتزوج خلال سنة إذا بلش يرتب أموره من هسه؟

🚺 السلام عليكم عمري ٣٠ ملكت على شخص من خطابه لكنه من نفس قبيلتي الشخص ذا الكل مدحه لكن بعد جلس بعد الملكه اسبوع ما اخذ رقمي ولما اخذه ارسل السلام عليكم مساء الخير كيف الحال فقط وبعدها ب اسبوع ارسل نفس الشي السلام بعدها قلت له احتاج التواصل اكثثر عشان نتعرف على بعض وارسل لي يوم يسولف عن السكن والزواج وماعمره طلع برا المواضيع ذي( السكن والزواج ) ماعمره سولف عن اي شي او وش سوا بيومه شخص غااامض لا ابعد حد واذا حس اني عصبت منه يقول انا احبك وبعدها يختفي عشر ايام مافيه تواصل. هذا غير احساسي بعد الراحه له هل هو طبيعي ؟ خصوصا اني واجهته مرتين ان ليه ماتتواصل ويرجع يعيد نفس المواضيع( السكن والزواج)

🚺 السلام عليكم ، انا دخلت برنامج ووقتها كان تجريبي لهدف التعليم لتصوير اسمه سكول انا مااشتركت اساسا وسحبو من رصيدي اليوم الصباح ٩٩ دولار كيف استرجعها برغم اني ماسجلت ابد ولا حتى شفت مقاطع الدورات حقت التصوير ابي استرجع المبلغ ضروري علي التزامات وديون وكثير والله 99 دولار 🥺

🚺 السلام عليكم عندي مشكله اختي جميله ماشاء الله ولكن قصيره ١٥٥ تنخطب كثير واول مايجي الخاطب يشوفها يكنسلون ثاني يوم هالشي صار لها ٦ مرات ولما نسأل عن السبب يقولوا قصيره او مافي نصيب البنت تدمرت نفسيتها ماصارت تقوم ولا تاكل ٢٤ ساعه نايمه ولا تكلم احد بس بغرفتها ماتطلع منها وواضح التعب عليها المشكله مو بالزواج بنفسيتها اللي مو راضيه ترجع زي قبل تدمرت شوي و تموت من اللي مسويته بنفسها وكل مااحد تدخل يطلعها من حالتها تزيد وضعها تعدا مرحله انه يكون سيئ وش نسوي معها عجزنا لانه الوضع تعدا مرحله مجرد مرحله وتطلع منها لا لها شهور ع هالحاله قرابه السنه

🚹 السلام عليكم انا ع 28 سنة واكبر واحد من اخواني وخواتي ( تمنيت اني اكون وحيد اهلي او مقطوع من شجرة) مشكلتي اني رغم طيبتي الزايدة (وبشهادة الزملاء والاصدقاء اللي اعتبرهم اخوان ) الا انهم ما يقدروني ولا يحترموني مثل باقي العالم من الطفولة وهم طولة لسان وقلة ادب وتعامل رْفت عشان كذا حاقد عليهم مع انهم انقلعوا عني من سنوات الا اني لازلت اتابع أخبارهم وكلي امل بموئهم او تعبهم ، الله يعلم انهم هم الغلطانين بحقي وابي انساهم اتمنى تنصحوني

🚺 السلام عليكم ورحمة الله وبركاته أنا مستأجر شقة عشر سنوات و أكثر شقة بعمارة قديمة من أيام افياش 110 المهم سكنت فيها وصلحتها وضبطها وسعر الايجار كان تقريبا حدود 13 ألف وكنت اي شيء اصلحه صاحب البيت يقول لاتخصم وأنا ماكنت اخصم ابدا وملتزم بالسداد قبل حتى يحل الموعد. واعطيه الايجار كامل قبل تقريبا سنة ارسل لي ورفع الايجار الى 30 الف أو اطلع قلت البيت قديمة مرة ولولا العشرة مع اهل الحي ماكان جلست فيها قال لو تبي ارممها لك اعطيك ياها ب 35 الف أو خذها ب 30 الف بدون ترميم المهم وافقت على 30 الف ووقت يحل الايجار ادفع كامل الان عندي استفسار اولا فواتير المويه تتراكم وصاحب البيت مايرضى يسددها ولا سكان العمارة يتعاونون معي نقسم المبلغ ولا يردون فهل اقدر اسدد الفواتير واخصم من الايجار وثانيا المويه كون العمارة قديمممممة ضعيف جدا. ركبت مضخة وكلفتني. حدود ال 1000 هل اخصم قيمتها من الايجار كونها شيء مهم و لصالح العمارة لان انا كنت وقت كان الايجار رخيص كنت اصلح واضبط والسباكة وكل شيء ولاعمري خصم حتى ريال واحد طفحا مجاري العمارة ولا احد منهم اهتم وصاحب البيت قال ماعلي وجبت شركة تسليك وضبطها على حسابي مااخصمت هلله الان المبلغ جدا كبير والبيت قديمة مرة. ولولا ان الوالدة متعلقه بأهل الحي والعشرة كان طلعت من زمان ودي رايكم ياااهل الخير وابخبرة بدون تجريح يشهد الله إني صادق وودي مشورتكم جزاكم الله خير

🚺 أنا بنت مؤخرا صرت عاطلة مو قادرة اتاقلم أبدا على جو البيت مو عارفة وش اسوي سجلت بنادي سجلت بمعهد لغة نفس الشي ما حسيت تغيير شي حاليا بيجيني مصروف من اهلي مكفيني لكن المشكلة مش بالمادة المشكلة بالملل والفراااغ ايش ممكن اسوي برأيكم اعطوني افكار اي حاجة تملي وقتي واحس جدولي كله مليان

🚺 السلام عليكم مقبله على زواج مطلقه وخايفه من اطلع من بيت اهلي إلى بيتي متعوده على بيت اهلي ومستقره فيه احس مو متعوده على بيته اخاف ماحس بالاستقرار واني ماتعود عليه وارتاح تجاربكم

🚺 انا حساب المواطن سجلت فيه وقالو بيجون يشوفون البيت وانا مو ساكنه لحالي هذا بيت اهلي وش اسوي هل فعلا يجون ولا فقط يكلمون مكالمه ويقولو صوري فديو علموني وش اعمل

🚺 كلامي بوجهه للبنات اللي رافعين سقف استحقاقهم بشكل مبالغ فيه والعمر جالس يمشي حتى إنها ما وضعت حد لهذا السقف لا زال مرتفع إلى مالا نهاية لما اتكلم من ناحية الخاطب والزوج لما يتقدم لها تضع مواصفات مبالغ فيها كأنها تعجيزية وهدفها ما تتزوج أو تشترط زوج بوضع مالي عالي وهذولا غالباً يتزوجون من نفس بيئتهم ومجتمعهم ولا زوج بالشهادة الفلانية والوظيفة الفلانية والراتب الشهري يكون كذا كأن هدفها الحقيقي مو زواج واستقرار وبناء عائلة بل هدفها تحقيق رغبات واشياء انحرمت منها وتبي حققها عن طريق الزوج المشكلة هذه طرحتها بسبب ارتفاع نسبة الي تأخروا بالزواج والحين صرت أشوف اباءهم واهاليهم في كل مكان يتكلمون عن هذا الموضوع وإن الشباب عازف عن الزواج وهذا انعكس سلبا على بناتهم واشوف في كل مكان بنات اعمارهم قربت من ال40 وما تزوجوا للحين ولما ابحث عن ماضيهم اكتشف إنهم كانوا يردون الخاطب الجيد ظنَّا منها أنها تستحق الأفضل دائماً نبي حل لهذا الموضوع عشان نفسنا ومجتمعنا مو عشان احد ثاني إذا صار عدد البنات غير المتزوجات اكثر من المتزوجات فكيف تتوقعون راح نعرف نبني مجتمعاتنا

🚺 السلام عليكم عندي مشكله وتعبت من تفكيرها عمري ٢١ ومتزوجه وولا عندي اخوان كلنا بنات وابوي عمره تقريبا اواخر الاربعين ودايم افكر بعد عشر سنوات ولا عشرين سنه لما يكبر بالعمر مين بيساعده؟مين بيركب السياره وياخذه للاماكن الي يبغاه لما يتعب مين بيعالجه؟ كوننا بنات متزوجات وامي كبيره بالسن؟ يعلم الله دايم أتعب من هالموضوع ودايم افكر بطلاق واحرم الزواج طول عمري واجلس عند ابوي ؟ لاني جدا جدا متعلقه فيه جدا لدرجة بعت كل ذهبي كله عشانه عطوني حل

🚺 سلام عليكم الي انفصلو ملكه بسبب ظلم من الرجل كيف ربي عوضكم من كثر قهري ابغا ربي يعوضني لدرجة انسى الي صار لي دايم ادعي الله ان يعوضني لدرجة ان لايبقى اثر للحزن بقلبي و رغم ذلك مازلت ادعي له ان الله يوفقه و يوفقني بس الله ياخذ حقي

🚺 السلام عليكم انا منفصله عمري ٣٩ وعندي ولد و بنت الحمدلله تقدم لي شخص كبير بالعمر ٦٢ بيننا اكثر من ٢٠ سنه ماكنت مقتنعه فيه لفارق العمر بيننا بس مع ضغط الاهل ورغبة بالاستقرار انا واولادي ببيت لحالنا وافقت الرجال مطلق واولاده كبار و عايش لوحده انسان رجل بمعنى الكلمه راعي وقفات و كريم ولكن من عيوبه مدخن و بشراهه و حالته الماديه ضعيفه يشتغل اشغال حره لاراتب تقاعد و لا بيت ملك مع انه على قد امكانياته مو بخيل بس وضعه احياناً انحرج اطلب منه لان لو طلبت بضغط عليه وانا مو اخلاقي كده المهم لسه مافتح لي بيت وانا ببيت اهلي لنا كم شهر بحكم وضعه المادي و اكتشفت انه ضعيف جنسياً بحكم انه زوجي شرعاً وتغاضيت واخر شهر تعب و سوى قسطره بالقلب و من وقتها حتى شغل مو قادر يشتغل زي اول له اعمال حره زي ماقلت وانا والله من بعد الملكه وانا كل فتره افكر اتراجع واطلب الطلاق بس يصير منه موقف واقول لا مايستاهل اصبر عليه دامه رجال كفو بس اخر فتره مع مرضه و وضعه المادي المتدهور بفكر جدياً انه خلاص اطلب الطلاق لاني من جد بظلم نفسي اذا تزوجته يعني من اول انا متغاضيه عن وضعه المادي و الجسدي واقول دامه رجال كفؤ الفلوس والجنس مو كل شي بس وضعه بيزيد سوء اخاف ما اتحمل لو تزوجته فما ابغ اظلمه واظلم نفسي قررت قراري وانا خايفه اجرحه او ازعله لانه من جد يحزني وما يستاهل مني بس في نفس الوقت هو كان اناني معاي بما تقدم ويعرف وضعه الصحي شوروا علي محتاره

🚺 زوجة اخوي تجي بيتنا كثير تقريبا من مرتين الى ثلاث مرات اسبوعيا واذا جت تجلس تطول واحنا نتعب من الجلسه الطويله معها واحيانا اكون في غرفتي وما اجلس معها .. وامي تزعل مني اذا ما نزلت تحت وجلست معها وانا عندي شغل وارتباطات اسويها وش اسوي 😭

🚹 قريباً سأتملك ،، في فترة الملكة . كم عدد الزيارات اللي المفروض ازورها في بيتها او اطلع معه كفي او مطعم ؟