عسى طيبنا يلقاه من يستحق الطيب.
وعسى صيتنا بين المطاليق في القمه. #لشاعره.
🌺#صباح_الخير🌺
بعض البشر كثر العطا ما يكفيه.
ينسى جميلك والوفاء في ثواني.
لو تنحرم من قوت يومك وتعطيه.
يقول لو هو بحاجته ما عطاني. #لشاعرها.
لقيت فالكتمان راحة البال.
لأن الشكاوي يارفيقي مذله.
أكابر وأكابر وهمومي ثقال.
وأسج وحدي واتوكل على الله.
#لشاعرها.
🌺#صباح_الخير🌺.
تبي تعرف الردي شف من يخاويه.
ترى الردي ما يعشق إلا الرخامه.
وإلا الكفو اللي عريقة مباديه.
إن ما لقى الطيب يمشي لحاله. #لشاعرها.
🌺#صباح_الخير🌺
من خذله الكبر عن وصلي وقفى.
والله إن يقفي ويبطي ما رجيته. #لشاعره.
الحاجه اللي دونها زحول وقروم.
لو هي ثقيله كنها وسط مخباك.
والحاجه اللي دونها ضعوف ورخوم.
يا ثقلها لو أنها عود مسواك.
#لشاعرها.
لا صار خصمك حر ومن ماكر احرار.
غصب عليك ويجبرك بأحترامه.
ولا صار هافي اصل ومن نبت بوار.
تركه غنيمه والتجاهل كرامه.
#لشاعرها.
اللهم إنا نسألك اللطف بأهل غزه وأفرج لهم مما هم فيه من ظلم وقهر وحسبنا الله ونعم الوكيل في كل ظالم متكبر. اللهم آمين🤲🤲🤲
أنا كفيف إن جيت عند العرب ضيف.
وأطرم بعد ما أقول كرمكم الله. #لشاعره.
يقولون البدو. ......!!
لا أشتهى القلب ساق القدم.
بمعنى وفروا أعذاركم.
🌺#صباح_الخير🌺
الظالمين الله اكبر عليهم.
اخطر فئة من ربهم ما يخافون.
صليت في المسجد بأدعي عليهم
لقيتهم في الصف الاول يصلون. #لشاعرها.
مديت لك يمنى تحب المواجيب.
وخليتك اللي في زماني مبدى.
واعطيتني درس حفظته ترى غيب.
درس لا مر الذاكره ما تعدى.
اثر الردي مهما تسوي له الطيب.
يرجع لساسه بالردى ويتردى.
#لشاعرها.
ترديت فيني جعلني ما تردى فيك.
الانسان مهما يجتهد نفسه اماره.
فلا تحسب اني ودي تطيح واخليك.
ولا تحسب ان الايام ماهي بدواره. #لشاعرها.
🌺#صباح_الخير🌺
لا تمدح العود لين يحط فوق الجمر.
ولا تمدح الناس حتى تظهر فعولها. #لشاعره.
إن بغيت تعيش مرتاح الضمير.
الحسد والحقد لا يطري عليك.
وإن بغيت العز والمجد الكبير.
طاعة الله ثم طاعة والديك.
#لشاعرها.
🌺#صباح_الخير🌺
لا شفت من حولك تمادوا وسبوك.
ابعد وعاملهم سواة اليتامى.
العوز ما هو عوز الأموال يا خوك.
العوز لا شح الزمن بالنشامى.
#لشاعرها.
يا جعل من ينسى معاريف الأجواد.
ينسى الشهاده عند لحظة وفاته.
ومن يرخص الوقفات والملح والزاد.
يخسى ويخسى من يسوي سواته. #لشاعرها.
🌺#صباح_الخير🌺