سلطان العقل

مع العزله الي سافرت بي عن الجلاس يعيش الامل لو الامل يلفظ انفاسه حبيس الشعور تغّربه نفحة النسناس مادامه عجز حتى يسولف على ناسه لا شاف الطريق الي يبي ممتلي ب اليأس يناجي الشعور الي تغلب على يأسه ضياعه مابين الحبر والفكر والكراس هي الي لها سلطه على سرقة نعاسه يردّد «لاباس» وهو يعيش العمر في باس يشوف انكساره ذل والعزه لباسه تقاليد حبه في الصدر مالها مقياس محاسن ، بقت مغير للدمع حبّاسه من اسرف فـ حبه ما تحرّص من الافلاس طبيعي يجي له يوم فاسه على راسه ليا قال حلمي ضاع مني على اي اساس ؟ قل الحلم من غيرك قدر ينهي اساسه يشوف الفرح من دونه الباب والحراس ولجل مايضّره ماتصادم بحراسه من يعيش طيّب راس بـ يموت طيّب راس لو الوضع والاخلاق حرجه ومنحاسه شعور الشموخ الصادق اللي يجي بـ حساس يداريه لو الخير ماهب نسناسه كثر ما تخيب الهقوه الطيّبة فالناس لو يخيب حسّه يمكن يحارب إحساسه

وين انت يالي ما ادور غير زولك خليل عطيتك اغلى حلالي ويش باقي تبي ؟ وشلون شفت الهجر عقب المواصل جميل وعيونك اجمل بواجد من عيون الظبي حسيت هذا المساء ليل الفراق الطويل لكن قلبي يسوي نفسه انه غبي ترابط الحزن ف غيابك معي كل ليل مثل ارتباط الجزالة في قصيد اكلبي

ان غابت الشمس ماغاب الشعور العفيف يالي ترد البراء مافاد رد البراء تطري علي الطواري بين واقع وزيف لكن لله در الطاري الي طراء عشت العمر لجل حلم القاك يا اول وليف ومع الاسف حلمي بليل المفارق سراء اشوف في كل ليله من ملامحك طيف واقوم واعانقه واشرح له الي جراء سميت حزنك رغم مافيه قسوه لطيف وشلون حزن ولطافه تجتمع ياتراء ان جيت راعي محل ولا ليا جيت ضيف القلب لك بيت وعيوني لحاف وذراء فصل المفارق مايشبه غير فصل الخريف تطيح فيه الدموع من الحزن والزراء وداع حبك ماكنّه الا وداع الكفيف لاودع الي يقدي خطوته في الثراء