بشاير المقبل التميمي

انتقلت الي رحمة الله صاحبة هذا الحساب ( #بشاير_المقبل_التميمي ) عصر الجمعة 20-9-2024 اللهم ارحمها واغفرلها وعوض شبابها بالجنة لا تنسوا بشاير في دعواتكم

قال ﷺ: "إذا مات ابنُ آدم انقطع عملُه إلا من ثلاثٍ: صدقة جارية، أو علم يُنتفع به، أو ولد صالح يدعو له" المتابعة وإعادة النشر @zadMomn ستكون لي ولك صدقة جارية إلى أن نلتقي في جنات النعيم ❤️

وآعوذ بالله العظيم من القهر و إطباقه ومن قِلّة الحيله على وجهٍ تِسِرّ فعوله والنظره اللي تلحظ أرزاق الحياة شْفاقه والدمعه الحرّا على شي عجزت أطوله والعَنوه المهتمّه .. الملهوفه .. التوّاقه لأشياء ما تهتمّ لي ، وابوابها مقفوله! يا الله جنّبنا الشقى وعيونه الذوّاقه اللي تنقّى في مناعير الزمن وزحوله #بشاير_المقبل

اللهُ يعلم ُ أني لم أتخلّى عن شيء في حياتي إلا بعدما جرحني الحفاظ عليه ،

هالوقت كفّينه : شفوح و شحيحه! مستنزف ٍ روحي على اعتاب بابه كل يوم حيلي ينذبح له ذبيحه ولا آخذ الا بالعنا والنّهابه جعل اللي مضيّق علي الفسيحه ينام بين مَجوّعات الذيابه دلّيت ابي من راحة البال ريحه وحاجه بنفسي ما تجي بالطّلابه #بشاير_المقبل

يا محياً في عيون القلب يسوى له قبيله مابقى في "يا صباح الخير " حرفٍ ما تشرّد! إرجهن ! يقفي المقيض وتقبل المزن الثقيله وان تبسّمت ؟ المطر يبدا على الصيف يتمرّد! كيف لو راقن عيونك ! تقلب الجردا خميله وكل خدٍ وسّمته الشمس في نجد يتورّد ولو ضحك سنك ! تِسود الفرحه شهور ٍ طويله وترجع طيور السعد بوجيهنا الشَفقى تغرّد . #بشاير_المقبل

يا الرياح العارضيّه في يسار الصدر هِبي ثابت ٍحبّه مذاريه الثقه و النرجسيه كل ماقال “السلام .. “ اقول: “ انا في وجه ربي ! “ واتوحّى بالحنايا المجدبه طقّ برديّه! والله إني ما أحب إلا كفو قلبي وحـبّي وانزل الميدان لامني هويت بوارديه ! #بشاير_المقبل

في علم الفراسه اللي يختلس النظرات ( تلتفت عيونه ووجهه ثابت ) غالبا عنده نوايا غير جيده وتدل على عدم التهذيب ! الانسان اللي واثق واموره مضبوطه يلتفت الى الشي بوجهه كامل ويشوف اللي يبي يشوفه بكل ثقه مثال على النظرتين :

“ سامح .. لكن لا تنسى الاسماء “

اللي يقول كتب تطوير الذات ما تنفع إما انه يتبنى رأي شخص آخر او انه من اللي يقرأ طرف الكتاب ويرميه او اختياره للكتب عشوائي و سيء! انا انسانه استفيد باستمرار من كتب تطوير الذات ولو كانت استفادتي غير مباشره اعترف ان لها دور كبير في اتزان شخصيتي ولله الحمد :)

ثم إن لابتسامتكَ طاقةٌ تشعل أضواء َمدينة ٍكامله

( قلبي ) ليامن عزّ مخلوق .. مُسرف ! يِغلي .. ولا يِغلي على هون واسكات لو كفّ حاجاتك من العمر تغرف يلقى بنقص العمر منها ملذات ولا شاف عينك من بلاويك تذرف بَرّك على صدري جبال السروات يشب لك ناره من الضلع الاطرف ويهب ّفي قايظ لياليك نَسمات فإن قلت كلمه تجرح شعورك .. إعرف اني انجرحت بكلمتي عشر مرات ! #بشاير_المقبل

يجوع الانسان لحوار ٍ جيد

أن يطلب أحدهم من الله " الغناة عنك " فقد أجرمت َفي إشعاره بالخيبه

اتقِ شر الحنون اذا قسى

اخواني وخواتي الباريستا اقسسسم بالله اني من أكثر اللي يقدّرون فنّكم الرهيب لكن ما احب احد يتنفس في كوبي 😶

اقتل احلامي ولا اعيش العمر متعشّم يذبح الانسان حلمه لا غدا تعشيمه

عندي يقين إن بعض كُتّاب افلام الرعب "سايكو" مستحيل تجي فكرة فلم smile من شخص سوي 🙂

السريب اللي لك بقلبي على جمرك سكبته انطفى .. لكن الين الحين ما طابت حروقه جيت كنك : (إهتمام ٍ) جا عشان إني طلبته ! ما به من الطعم شي ٍ أشعر بنفسي تذوقه #بشاير_المقبل

ما جيت لك جايع وابي وجهٍ كليف ! بشاشتك لامن لفيتك ضيف .. جود اللي يضيِّفني ليا جيته رغيف .. ويطلق حجاجه كنّ ذابح لي قعود #بشاير_المقبل