محمد بن وبصان

اللهم أكرمه بطيب المقام واجعله ممن ينعم بجوارك ضاحك مستبشر بجنتك ياربّ ..

يا بدر عيت تهيّا حاجةٍ عندي مهمه ضايقه منها ثيابي وانقطع منها زراري كثرة التفكير فيها يفقر الرجال دمه لاكن الافراط بالتفكير ماهو باختياري ما تكلمت بحضور اللي يجيبون المطمه لو أتَخلا عن الصمت آتخلا عن وقاري حالتي حالة كتومٍ خيّط الكتمان فمّه يتنهّت ما معه قدره على نثر العباري ما طراله من قديم الا وهو مشتالن امه الحريق يجرّ ثوبه والمطر ماله مواري والله ان اللي بصدره نار مثل اللي بكمه يوم جوه اللي على بيبانهم رقم الطواري غطو امه بالعباه اللي قبل كانت تضمه ما قدر يحتال فيها لا طبيب ولا استشاري انفجع بالعلم خاله وانفجع بالعلم عمه العصر صلو عليها والدفن بعد العصاري ماقدر معهم ولدها لا يقف خلف الائمه قبلها بايام ابوه مفجرٍ فيه انتحاري ما ورث غير الثياب اللي بدمه مستحمه ماكلينه يحسبون اقاربه مالله بداري شال عمه ورث ابوه وقال والله ما تشمه بس خاله موعده لا سدد القرض العقاري ماله الا ينتظر خاله يسوق الرجل يمه مثل ماني في سبيل الامنيه طال انتظاري محمد بن وبصان

صدورنا يا نايف اعوذبالله تحوّلت لمفاعلٍ كيميائي يبيلنا من هالمعاناه منجاه ولا تسابقنا للامن الجنائي لو الضعيف يمرنا ما حقرناه نظام الاستحقار جداً بدائي انا لو اسمع للضعيّف مناجاه ماصد عنه صدة الانطوائي ابشره ماني بمثله وشرواه اليا تعزوا بي بالاسم الثنائي اسمي براس القائمه حين يقراه يضيف للاسم ونعم لانهائي لو كان ماوده بيقنع بما جاه واليا اقتنع ابقتنع فابتلائي واذا المحبه وارده عقب الاكراه انا العدائيين معهم عدائي واذا يعيب الرجل كثرة قضاياه مالي قضيّه فالسجل القضائي قضيتي ماهي بحاجة محاماه ولا تبي تنفيذ شرطٍ جزائي الله بلاني في كفوفٍ محناه ما رجّعت قلبي من الابتدائي بلحظةٍ يا بري حالي ووجداه ما تنحصر في مشهدٍ سينمائي النور كنه لا طلع من محيّاه صنعة يدين مهندسٍ كهربائي على كثر ما تاكل البال ذكراه صرت احسبها فالنظام الغذائي واليوم لا زلت اتذكر حلاياه قدام ينطق كل حرفٍ هجائي ان كانه اكرمني بهجره وفرقاه ماكلّ حاتم يكرم الضيف طائي محمد بن وبصان

اما جزا القاع(١) ولا مثل ابو ذيب(٢) ولا عسير العطاوي(٣) عز عيني ١- جزا بن صقر القاع المرشدي ٢- ناصر ابو خشيم المرشدي ٣- عسير بن ساير بن نافه الغنامي

شيلة زواج / حسام محسن بن وبصان كلمات / سداح العتيبي اداء / مبارك الودعاني hightune.studio/d/-Xk0j6e