رون

بالنسبالي بدأ المسلسل بشخصية ناقصة ومعفنة وهتنتهي بشخصية ناقصة ومعفنة برضو ونظرتي للكاتب وليه كانت صح، ومفيش حاجه هتتغير حتي لو عرف ان آراس أخوه عشان اللي حاطط توقعات وأماني كل الشخصيات نضجت وتطورت وهو لسه بنقصه وعقده وأذاه اللي الناس بتحب تطبله وتبررله عشان حركاته الكرينج وتربيته والعبط ده وبعدين يمارسوا الاستشراف الأخلاقي علي شخصيات غلبانة زي أراس/ ليلي حتي دينيز وغيرهم وغيرهم، اللي لو داسوا علي رجل قطة مثلا يبقي هم الأشرار في القصة بس هنبلع الظلط لتيو عشان برتقالي وبيتنطط لدينيز في كل داهية الناس هنا بقي عندها تقديس وانجذاب غريب تجاه الشخصيات المؤذية اللي بشكل ما بتحطها في زون الشخصيات الرمادية وهي أبعد ما يكونوا عن الكونسيبت ده أصلا! يربطوا الأذي والإجرام والخيانة بالقوة والكاريزما والرومانسية أحيانا ومفيش مشكلة انك تفشخ حد عشان انت مفشوخ داخليا وعندك عقد ونقص وهنسميك كاريزما وحبوب ودبدوب وكمان هنحصنك ضد النقد وهنخلي الناس تطبطب عليك غصب. تحت مسمي انك شخصية رمادية مين قالكوا يابني ان ده معني الشخصية الرمادية؟! مين فهمكوا ان الشخصية الرمادية لازم تبقي مؤذية وعندها ميول عنف وإجرام؟ مفيش حد احنا اعتبرناها رمادية كدا طب الشخصية الرمادية دي عندها تناقضات مثلا؟ عنده تأنيب ضمير وفشخ ذات؟ عنده مراجعة حقيقية لنفسه؟ بيتحمل عواقب أفعاله ؟ عنده تعقيدات نفسية؟ عنده اي حسنات او خطوط حمرا؟ بيعمل الوحش والحلو؟ عنده بجنيه تطور؟ برأيي الناس تعيد حساباتها في المفاهيم وتبطل تخلط ما بين التفضيل الشخصي والقيم الأخلاقية