أروى الوقيان🇰🇼

نصحية من أربعينية وثقت بوايد ناس، في لحظة ما لانهم يعرفون نقاط ضعفك بيستخدمونها ضدك، كثرت البوح حق ناس و طلعوا خاشين ملفك حق استغلاله غلطة بتندم عليها، و الحين صرت من الناس اللي صداقاتها و علاقاتها محدودة جدا بس خلاص من له خلق ردح و جدل تعود تستمتع مع نفسك و شوية ناس مو العكس.

طمنونا مواليد برج العقرب شخباركم؟

لأن بكل بساطة ممكن الطرف الثاني يفهمها تحرش، ما ألوم أي رجل ما يعرض خدماته ، و ليش أحط نفسي بموقف أيب أشياء ثقيلة و ما أقدر أشيلها؟ و تقدرين بكل أدب تطلبين منه يساعدك و ما راح يقصر، بس ما اطلع ببودكاست أتحلطم على واحد مسكين بحاله ما ترهم.

عشان توقف بعد ما تنكسر لازم توصل إلى قاع الحزن لتقف من جديد.. و تستقبل الحياة بكل سلام بعد ما تنتهي فترة الانتحاب.

واضح هذه الرطوبة متكية شوية

حتى الجو يقولكم لا لعودة الاكس.

الشتا قاعد يتغلى علينا و لا شنو يا جميل؟

بما اني سمعت ان مسلسل النفس المطمئنة رعب ما راح أشوفه، يكفي الرعب اللي بحياتي.

ابجوا يا بنات

جيل السبعينات و الثمانينات و فوقهم تذكرون اهلنا إذا بيقولون عن احد openminded يقولون free Kuwait شاللي خلاها تطري على بالي القطه هالحزة ما أدري.

صباح الخير، شكلها الرطوبة اليوم الف الدرايش كلها دموع، يا ساتر.

😂😂😂😂😂😂 اقوى قطه مرت علي اليوم

مثل ما تنظف كبتك نظف الناس من حياتك، عن روعة ثقافة الاستغناء 😎

شنو الأغنية مهما تطوف سنين ما تمل و تسمعها دايما؟

واحد من أجمل الأفلام التي شاهدتها مؤخرا، قصة إنسانية بإمتياز و الأجمل إنها قصة حقيقية أنصح بمشاهدته موجود حاليا في Netflix ❤️

أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير.

إكتشفت مؤخرا إني ما أحب المربين بس أستحي أقول و أكله غصب، أخيرا واجهت نفسي و قررت ما أبي اغصب نفسي أكله، و بإذن الله هالقاعدة بطبقها بكل شي بحياتي.

كل ما ضاقت فيني الوسيعة تذكرت " هذا الوقت سيمضي".

يا خي حياة المشاهير صعبة

اشيسوى عليك تفجر بالخصومة، و يموت خصيمك مقهور؟ الله يهدي الجميع و يرحم موتانا.