nora

قصيدة وقع الخبر: مدري كيف وقع الخبر عليك بيصير لو دريت بحالي والله ما نام لك جفن لو شفتني بعد ما كنت أرقص وأطير صرت ألزم وسادتي وساكنها سكن صاحبك ما هوب مثل ما عرفته قدير صاحبك اليوم عايشٍ ملفوف بكفن كني أنا والموت نتسابق للمصير كل ما سبقته لنجد تعدّاني لعدن البارح وحنا شباب و الدنيا غدير واليوم رمضا شيبتي تكويني حزن جعل حظك أبرك مني في المقادير وجعل الله يآخذ مني ويمدّك زمن سؤالك عني زعزعني ما أكذب كثير ما قلتلك ولا كذبت عن ضعف المتن وما كدّرت خاطرك ولا أرضى لك التكدير ان ما طيبت خاطرك أنا من يطيبه من؟؟ خفت تشوفني كذا ويبان علي التغيير وألقى هقوتك ودمعات عينك تبلّ الردن وخفت من اللي سترته ينكشف للغير ويشهد الله ما أعدّك إلا رفيق ووطن ولو هو بيدي شلتك على متني ونطير وأوهب لك الدنيا كذا وأسافر بك مدُن بس الحيلة تبي حيلة ولحيلي نظير ودام إنك عرفته الحين اخلّه عندك يندفن