" حزني عمر "
سامحيني .. والله اني ماذخرت اللي فـصدري
كل كلمة غادرت جوفي تعدّاها الملامه
وكل نظرة في عيون الشمت ماتطمع فـكسري
لاني اصدق من يصون القاف ويزيد احترامه
ليه اقول اللي يقديني على الميقاف شعري
دام صدقي نورٍ يقدي على الليل وظلامه
اعشق الموت فسبيل الَله ، دام الموت يطري
كل ما شفت الردي يخلط حلاله مع حرامه
ما اترّجل عن شدادي لين اشوف الدم يجري
" وان نويت اللي يحد الشِلف كفّنته عظامه "
ان هجيت اجهّز المذموم للجثمان بدري
وان مدحت اوصّل الممدوح للمجد وسنامه
وان لمحت اللي في سوق العز بالطلبات تشري
ارتفع واترك لهم سوقٍ ما يعجبني نظامه
لين جيتك عاشقٍ كل مانوى النسيان يزري
ما فقد غير الوصال وما كسب غير الكرامه
التعب يمكن يمر اللي سواته دون يدري
كل ما قالوا علامه .. يظهر لحزنه علامه
العمر يكبر .. وانا حزني عمر : لا صار كبري
والسنين اللي تمر اصعب من مرور العدامه
ودي اني ماني "بمطلع" به الركبان تسري
وودي ان الخاتمة بالقاف "مطلع" للسلامه
كل ما اذكر قسوة التوديع يوم الصمت عذري
والحديث اللي جمعني بك على بساط الندامه
ونظرتي لك يوم رحتي تاركه همّي فصدري
نظرة اللي يدري ان الدمعه ابلغ من كلامه
مالك عجيب retweeted
يا ملاذ الادميّة ، و بنت الفرقدين
و امّ عزمٍ ما توانى ، و نورٍ ما غرَب
وش يقول اللي تربّى يحبّك ، فرض عين
لو مشاريبك من الموت ، سمّاك و شرَب
ان تبنيتيه جندي يضحّي بالسنين
و ان تبنيتيه شاعر ، يغنّي لك طرب🇸🇦
يالسعوديّة مغنّ الحقيقة ، و اليقين
سارعي ، مادام للعزّ في قفرك مرَب
ما عليك من المعادين و من الحاسدين
و انتي ارجائك طموحات و حدودك سرب
ديرةٍ مالت على الحزم بالراي المكين
الله اللي حطّ فيها من الضيق ، مهرَب
قطعة من السبع جنّات للناس اجمعين
فيك ، لا بالٍ تضايق ، و لا قلب اغترب
تحت ظلّ موضّح الحقّ ، وضّاح الجبين
سيّدٍ ، من كلّ هامات الامجاد اقترب
ماندوّر في ظلاله على الدنيا ، عوين
مرتضين الامر عنده ، لا حبّ ، و لا حرَب
طاعته دمٍّ يورّث و كسب رضاه دين
غصب عن سوّامة النفس و اشباه العرب
مالك عجيب retweeted
"يربك الليل" .. عينٍ ، من ظلامه .. تخاف
لين يجزع "صباح الخير" و يبث ، نور
وبين هالحالتين ، وخلف عوجٍ نحاف
اشعر ان الدما اللي في عروقي تفور
يـ / عباد الله ، اللي ، بين سعي وطواف
اذكروني بدعوه ، جعل باسي ، طهور
ذقت طعم الحياه ، وشفت جور الجفاف
وعشت "عابر سبيلٍ" ، مالقىٰ لـه عبور ):
ان صفت ليلةٍ وحده ، ماعندي خلاف
وان تعكر صفاها ، هي كذا من شهور (:
لا عجب ، فـ / الليالي ، " تـنـكـر الاختلاف "
لين ما تعكس الاقدار ، مجرىٰ الامور
"سندباد المشاعر" مالقىٰ له ، ضفاف
في بحور الخليل ، وفي رحاب الصدور
من قسىٰ الوقت ، نفسه ترفض الإئتلاف
مع تسارع زمانه ، من دبور لـ / دبوووور
ما نئا لين من كثر اللذي شاف ، عاف
عنده ان الغياب احيان "حالة حضور"
قلت :عطني وصيه ، قال : ما طاف ، طاف
"البنادم" ابن نادم ، وعبدٍ شكور
واصبروا واصمدوا يـ / "اهل القلوب النظاف"
يظهر الحق ، وعيون الخبيثين ، عور
#عبدالله_بن_دهيران
مالك عجيب retweeted
ضريبة صدوف الليالي وخيمه
دفعتها مـن فرحتي و امنياتي
ولني رجل شرقي ، ما احب الهزيمه!!
يمكن تكلفني لا زاااااادت - حيااااتي
تعبت من ضن ( القلوب السقيمه )
ومليت !! من نظرتهم - لـسيئاتي
المجتمع صاير يحب الـنـمـيـمـه!؟
وهذي لا من طبعي ولا من صـفـاتـي ..
أنا بشر ، ( مـا رضعتني حليمه ) !!
لـكـنـي احــااااول الـمـلـم شـتـاتـي
واداوي جــروح الـغـراااااام الألـيـمـه !
قـدام .. تـخـنـق - عـبرتـي ذكـرياتي ):
شـاعـر ولـي نـفـسٍ عيوف ، و كريمه
وبنات فـكـري مـعـتـبرهن ، بـنـاتـي
تْـشـيـلـهـن ريـح الصبا فـوق غـيـمـه !!
تمطر علىٰ ارضي لـيـن يـورق نـبـاتـي (:
واذا تـأمـلـت الـلـيـال ، الـقـديـمـه
نـهـلـت مـن دجـلاي .. ولا فُـراتـي (:
هـذي بـقـايـا ، للقلوب الرحيمه
وهذي نتايج سَـيّـتـي و حْـسـنـاتـي ):
#عبدالله_بن_دهيران
مالك عجيب retweeted
تبختري ياربة الحسن المثير
في الليله اللي جادت بماجودها
وامشي مثل مايمشي الطفل الصغير
اليا غلط غلطة وخاف يعودها
خلي حبيبك مع تغناجك يحير
ونفسه ماتمسك من حلاك حدودها
وده عن اهل الارض ياخذك ويطير
وينزل على الغيمة ويرد عدودها
وان مال عودك بين شر وبين خير
لا تبخل الحسنا عليه بعودها
حتى لو انه كان رجلٌ قمطرير
مشاعره ماهوب سهل يقودها
تلينه وترققة خمرة عبير
في ليلةٍ ماتو جميع شهودها
كانت بدايتها مثل شوف الضرير
ماهوب موعدها ولا موعودها
ومدري لحسن الحظ او سوء المصير
ضااع بنهايتها بدل مفقودها
يوم انتزع عن جيدها لبس الحرير
وحرر له الشيطان كل قيودها
نساه لا يستدرك الثلث الاخير
واغواه منها طيشها وركودها
#عبدالله_بن_دهيران
مالك عجيب retweeted
كنا في نقاش شديد اللهجة انا و @yuosifrashed
وهذي نتيجته :-
:-
يا ابن حجنه صواريخٍ على راسك صباح وليل
صواريخٍ من يدين الملالي فرط صوتيه
وانا ادري ان اسم جدك يردع العيّال لآخر جيل
لكْن ياوارث اسمه وش تسوي عند هذيه
يوسف راشد
انا ماني بضابط فالدفاع ولا معي دربيل
كويتي ماعلي خلاف وعزومي "صباحية"
معي عين ومعي عقل ومعي قلب ومعي تحليل
مادام النار تاكلهم عساها دايمن حيه
عبدالله بن دهيران
توقف وين ؟ والفتنة كبيرة بين حط وشيل
وذي حمله صليبيّه ، وذي حمله مجوسية
ياهل مسح الخفاف الناس تفعل والحمول تميل
وعثمان الخميس يحضّر دروس الخميسيّه
يوسف راشد
انا مع دولتي واقف وفي يمناي عزرائيل
احارب من يحارب دولتي وانجح له الكيه
تقوله انت في ضفة عفيف مولعٍ قنديل
وصوتك لو تجره ما وصل حي العزيزيه
عبدالله بن دهيران
ياعبدالمطّلب قم واطلب الله فـ ابرهه والفيل
ترى مايمنع ان الله يعيد .. السيرة الحيّه
على قول الجبرتي .. للفنا يا اكاّلة العنصيل
وخلونا على ذولا رفض .. ذولا سرورية
يوسف راشد
لو انك في غياب الجب يا يوسف ، خذاك السيل
ماشالك من غياب الجب ، سيارة ورجليه
على التاريخ نحيا مانموت ومحكم التنزيل
وعدنا فيه يا يوسف ليا من ثارت الهيه (:
عبدالله بن دهيران
مالك عجيب retweeted
🔚 | صافـرة النهايـة! 💛
النصر 4 - 0 الحزم
⚽⚽️ كريستيانو رونالدو
⚽️ كينغسيلي كومان
⚽️ أنجيلو جابرييل
#النصر_الحزم | #يوم_التأسيس
محمد بن ناصر السلطه ، نجم مهرجان الملك عبدالعزيز ، يتبرع بمبلغ الجائزة دعم لدية المورقي ولاهو غريب على ابو ناصر العلم الطيب
@MOHAMMED_alslth
—-
يامحمد المعروف ماينتعرف
ياللي معك كل المواقف نواميس
ماهو غريب ان الوقوف المشرّف
على جميع الاصعدة و المقاييس
مالك عجيب
مالك عجيب retweeted
لو مامضى من عمري اوهام مابحت
بغفى على طيفك ولا اقطع سباتي
يا شاغل ايامي معك وين مارحت
كل عام وانت احلى شعور بحياتي












