ما بيرجع يعتذر أبدًا مب لأنك ماتستحقّ، بس لأنه ما يقدر يواجه نفسه بالحقيقه ، حقيقة إنه جرحك وإنك أصلًا ماتستاهل الليّ صار ، فأسهل عليه يقلب الطاولة ويخليك إنت الغلطان عشان يرتاح ضميره ..
—المُواجهه تحتاج نُضج مو الكل يقدر .
أفهم تمامًا معنى قول ابن فطيس:
«ليته تعذر كان ماهوب منلام»
وأعرف كثرة الأسئلة اللي يخلّفها الغياب وكيف إن عذر واحد كفيل ينهيها كلها وأولها معقول ما كنت شخص جدير بالمحبه؟
ما أعتقد أني قد وصلت بحياتي كلها لهذي المرحلة من الأسى والكمد والحزن
أول مرة أحس قلبي بهذا الثقل
وتتغشاني هذيك الوحشة اللي مهما حاولت أوصفها ما أستطيع ولا عندي المقدرة
قلبي تقطّع من الضيق
أعاتب من؟ والدنيا بخطاها ما عليها عتاب
مثل ما جابني درب الزعل، لهناك ودّاني
هناك لوين؟ مدري بس أعرف إن الطريق غياب
غيابٍ كل ما طال الطريق تخف نيراني
فمان الله، واللي بيننا يبقى ليوم حساب
أخاف أسامحك يوم الحساب وأنجرح ثاني
أستاهل وبشدّة شخص يصر لرضاي ويحرص على استثنائي، ولا يضع الظروف منفذًا لأفعاله.. مثل مساعد الرشيدي لما قال: «جيتك لو أنتِ من سابع المستحيلات.. الي يحبك يصنع المعجزاتي» والشجاعة بالمحبّة هي نوعي المُفضل.