مشعل ..

قيّدت شعري عن وجع بعض البيوت ودفنتها فالصدر والضحكه .. غطا

ليت الاماني بس نظرات وعناق حيل الله اقوى يا جميع .. امنياتي واللي خلق سبع السموات مشتاق لعيونها اللي في هدبها .. حياتي

عروسة الغيم ليلك للوعد .. زفك ريح الهماليل عطّر وجهك الباهي #الرياض_الان

ما نلوم الاربعيني في شعوره قلبه الحساس ما يقدر يكابر كل موقف مَر يتأمل .. مروره مستحيل يْكون عنده شي عابر

بين الغدير وبين حي الصحافه في زحمةٍ توقيتها يربش ارباش لو المسافه هه ما من مسافه وقتي على الوقفات روّح على ماش مع كل هاجوسٍ تجيني .. اضافه للذكريات اللي زمنها معي عاش ابني واخطط واهدم اللي اخافه واشري وابيع بدون قيمه ولا كاش واحيان اجي للشعْر وابلش بقافه مع فكرةٍ تحتاج ساعه .. للانعاش مخي نشف وادرك شعوري جفافه والمخ لا منّه نشف يدوش ادواش وضع الرياض بزحمته صرت اعافه واحيان من زود التعب ودي انحاش

الصدر وضعه بآخر الليل قابل للانفجار بكل قوة .. معانيه والشوق كنّه من فتيل القنابل اصغر شراره من شعوري تصّحيه

بدت مناشيها على غرب الرياض تبدي مفاتنها على .. مفتونها دهم المزون اللي موّسمها البياض دهمٍ .. مداوير الحيا يتلونها

ما كانت الصدفه علينا .. غريبه كانت نوايانا على جفن واهداب صدق الكلام اللي كسر كل ريبه ما خيّب احساس التمني ولا خاب جيتي مثل مزن المطر مستجيبه وجيتك مثل عينٍ تبي شوفة اقراب شفتيني المحبوب وانتي حبيبه وشفتك حبيبه ما بعَد حبها احباب همال وصلك يشعل الوصل هيبه منه اللقا في خاطري بالفرح طاب لو كل شيٍ فـ القلوب .. نحكي به يمكن من صْدور الحكي تكفخ اسراب

فوضتها ما بين ميقات وحطيم كفارتي تبطي وَهي .. متباهيَه ما عاد في قلبي ولا عرقٍ سليم صلفان واللي صالفَتْني .. ناهيَه

تكرَرَت واجد .. وآنا مسامحهم جرعة عتب يا صغرها من جرعه ما جيت مع زود الكلام اجرحهم والصدق واضح فالمحبة شرعه متْصنعين النوم ما يفضحهم الا السكور اللي يزود .. بسرعه

للحجه اللي تفلج المغرور دور اما تراجع عنك .. ولاّ تِشرقه

للزمان المر بين الناس .. دوره لو ضحك سنك ترا للوقت لاوي عقب حطين وعقب ريحة بخوره صارت السهره على نكهة مشاوي #حطين

على الحدود الغاليه حث المسير مّشِط اراضيها ومّشِط .. جوها وان كان شفت اللي يعبدون الحمير الضربه اللي تستوي لك .. سوها لا تاخذك رحمة كبير ولا صغير خل المجوسي ينصهر .. من قوها مجنون يا قايل قضت! هذا المصير على العدا لا والله الا .. توها عن الوطن ما نعطي العايل نذير نعطيه نارٍ ما تهّود .. ضوها #السعوديه #مليشيات_الحوثي

اعرف مدى حجم التحدي فالامور وافهم حدود النور واعرف مشرقه كن واعياً مسؤول في ضوء الظهور ولا تكن " مسمار " كلٍ .. يطرقه احدٍ ردوده فـ الخبا دايم تثور واحدٍ ردوده للمعادي .. مَحرقه #السعوديه_العظمى_خط_احمر

تذّكّر شكلها يالحوثي الدجال تذكّرها ولا تنسى .. ملامحها سواد اللون والمدفع مع الشيال وقنابل موتك اللي في جوانحها على كرسيّها رجال ابن رجال مذلتكم على عينه .. مرجحها #الحوثي #الاباتشي #السعوديه_العظمى_خط_احمر