سعود بن سفر

ابوي  راس  المال  في كل  الاحوال الصيت طيب و المواقيف تنبي من كثر ما حبه ومن كبر الافعال مسجله في هاتفي درع جنبي  سعود بن سفر

السواد اللي تحت عيني علامه للعلوم اللي ما تطلع للبرايا راضيً بالامر من باب الكرامه والله اعلم بالمصير وبالنوايا كن عيني من كثر دمعي غمامه وكن صدري تجتلد فيه السرايا وكن حظي فوق سود اللون شامه لا يشاف و لا يبشر بالعطايا سعود بن سفر

يا سعد عين السعيد الداله الغافي ما عاش و النفس مهمومه و منجرحه يدين الاوجاع تعطي و العطا وافي و يدين الافراح عيّت تعطي الفرحه سعود بن سفر

انا  معظم  خالق  الكون  تعظيم مانيب في رجوا من يعيش ويموت الله ملاذي حزة الضيق و الظيم في ساعةً فيها من الهم مكبوت  شكواك للعالم ما رد المقاسيم و بيع الكرامه مايرده لك الصوت  الصبر  عاده  للعيال  الشغاميم  حتى و لو كل الفرص قامت تفوت سعود بن سفر

يالله بحسن السريره لا حقد و لا نفاق لا  تخليني  ورى  لذة الفتنه  غبي  حول عشر سنين و الصدر عايش باحتراق اكتم الهم القوي قدر دقني و شنبي  لين شفت الشيب من كربة الايام واق و تعزز لجل عزي لو ابحبي حبي  محتزم بالصبر و الخير لو طوّل يساق و الكرامه ما تعود ليا طعت اتعبي سعود بن سفر

كل  هقوه  يمنا  نحتويها  با اجتهاد و لا ذخرنا لجلها لا قليل و لا كثير  ما بذلنا الطيب نطرد ورى مدح العباد ان فعلنا من طناخه و شي ٍ في الضمير سعود بن سفر

اغلب مشاكلنا ترى زود تقصير نذنب و نسرف و الهموم اتوالى يا مدورً مع شدة الضيق تيسير  تلقاه في قربك مع الله تعالى سعود بن سفر

الحوثي اللي بان ضعفه و ميله  داسوه عكفان الشنب وانتهى الصوت و انكان شفته قام يلعب ب ذيله   يا عنك يانّه مونسٍ سكرت الموت سعود بن سفر

يا نعنبو طمعت الحوثي على لحاهم ما  فاق  غير انّه  يذكى  ب سكينه    محمد ان طاشوا الاخصام رباهم  يحطهم كل ابوهم تحت رجلينه  سعود بن سفر

اخير من قولي ترى قل قولي مدام ماكل المناهل مناهل  تراي فاهم كل ما صار حولي   لكني اشري راحتي بالتجاهل سعود بن سفر