_

السيرة الذاتية

كل ما أسمع قصيد وكل ما أسمع موسيقه كنّي أقطع معاليقي وأكسّر عظامي من ضغوط الحياه ومن صداع الشقيقه مابقى الا القصيد اللي يشدّ إهتمامي أتقهوى دلاله وأتقهوى بريقه وأكتبه في مواقف كل حرٍ قطامي

حدِّيتني للبِعد ما كنت ناويه خيَّرتني ما بين عزِّي وذلِّي أنتْ الغريب الِّلي كنت أغليه وأخذتها حجَّة عناد وتغلِّي قلبٍ مليته بالعتب وين أوديه أبغاك مرّه تحط نفسك محلّي

يامن يراعيني بعينه و اراعيه فـ عيون قلبي كل ما لاح زوله يفز قلبي لا تبــدت مواريه واغض عنه الطرف والناس حول

بغت تموت الارض من فرقاك / وانا .. بغيت اموت بـ غيابك ، اسألك باللي من عدم سواك / جبت المطر ولاّ المطر جابك ؟!

مرّني طاريك وأحرجني شرودي بالوجيه اللي تسائل وش تفكّر ؟ عاقد أحلامي على دعوة سجودي في رجاء ربٍ لـ عبده ماتنكر كيف أبرضى وأبتعد يا أجمل قيودي وأنت قربك ريح هيل، وطعم سكر ياوجودي، كان مايفرق وجودي في عيونك ياصفى البال المعكّر !

خايف تجي بعد الغياب اللي خذاك بعيد وترّد اتهَجي كل الليال اللي بدوني عشتها وتقول انا " مالي غرض " إلا اني اشوفك بهالدنيا سعيد وبوقتها ماراح اشوف انك دواء ولا الحزن بعدك .. مرض

ياقلبي لو إن الناس ماعاد تدري عنك يعزّيني انّك لو قسّوا فيك.. ما تقسى تعيش التفاصيل الصغيرة وتاكل منك تحاول على نسيانها بس ما تنسى

لا تحاتيني وانا مسامح زماني كله الله يبيحك .. واربك مثلي مبايحني قلبي اشوى له فراقك والبعاد افضل له لا تحسب انك ليا طال الجفا جارحني انت ما تنلام في حاجة.. انا اللي والله مخطي ٍ في حق نفسي الله يسامحني

اي والله إن الزمن غيّر عناويني ماعدت أنا الأوِّلي ياوقتي التالي أول ليا رحت أدوّر من يخاويني واليوم ما أدوّر إلِّا السجة لحالي

ستنطق الليل جرح .. و طيّر نعاسه وأنا أحسبه مات .. و أثر إن موتته بدري الجرح له عام يلفظ بـ أخر أنفاسه برّته الأقدار ولا عودك المبري ؟ الليل .. دايم يسرّيني بـ هوجاسه وما فيه طاري قديم إلا عليْ يطري و أمرّ ما بين .. حضّاره و جلّاسه و أعيش في عمري اللي ضاع من عمري .

وشلون قلت ان الليالي .. تشابه ؟ وان امس مثل اليوم واليوم مثل امس هذا انت ، قلبك من نوى في غيابه لا بالدجى قمرا .. ولا بالسما شمس

على أني أحتجته بعد غاب وأشتقت وعلى كثر ما ( همت فيه و بكـيته ) ! قلبي يقـول : أنه بـ يرجع مع الوقت وأني بـ أكون بـ رجعته قـد : نسيته

حاول انك دايم المـظلوم م أنت الظالم واترك اللي يجعل الدنياء هي اكبر همه الحظيظ اللي مقفن عن هروج العالم و كل ليل اينام مافي قلبه الا دمّـه

والله لو اعيش عمري مية حول قلبي لغيرك مستحيل يتحوّل

قله ترا ما عاد لي فيه مصلوح ولو يعتذر ماعاد عذره بفارق جفاه هد بداخلي سور وصروح واحرق شجر قلبي من الصد بارق اتلا الفرص مرت ولا بان له ضوح لا حاول يوصي ولا اوحيت طارق سلّم عليه وعلمه قبل لا اروح قله يقول ان مركب الحب غارق قله عسى ربي يحلّه ومسموح وقله تراه بكل الاديان طالق

كن القصايد حالفه ماتخونه - متعب التركي

شبعان من كل شي الا معك.. ضامي انا معي حيل لكن ما معي حيله تعالي، وفكي الآمي من الآمي اللي تشيلينها لا شليتي الشيله واليّا تمايل جديلك قلت لـ احلامي ما تستقيم الحياه الا بعد ميله امام هذا الجمال اقضي على اخصامي واطلق شنب والله ان اشرب فناجيله

من كثر ما تضغط الدنيا علي و اقول عادي صرت اواجه وقتي الغلّاب و اصافح يمينه

تعديت مرحلة المعاتب وسوق اللوم انا الحين مثل اللي ، المشاريه لاحقته يقولون ويش احلى من الحب قلت النوم هو علاج من يشكي منْ اشياء مضايقته .