ஆட்சித் தலைமையில் 25 ஆண்டுகளை நிறைவு செய்துள்ள பிரதமர் திரு. @narendramodi அவர்களுக்கு இனிய பிறந்த நாள் நல்வாழ்த்துகள்...! இன்று மாண்புமிகு பிரதமர் திரு. நரேந்திர மோடி அவர்களின் 76வது பிறந்த நாள். இந்திய அரசியல் வானில் உதித்த அபூர்வ நட்சத்திரம் பிரதமர் நரேந்திர மோடி. 1972ல் அதாவது தனது 21வது வயதில் ஆர்.எஸ்.எஸ். முழுநேர ஊழியராக பொதுவாழ்வில் அடியெடுத்து வைத்த மோடி, 1974ல் குஜராத்தில் ஊழலுக்கு எதிராக நடந்த நவநிர்மான் இயக்க போராட்டங்கள், 1975 நெருக்கடி நிலைக்கு எதிரான போராட்டங்களில் தீவிரமாக ஈடுபட்டார். 1987ல் குஜராத் மாநில பாஜக அமைப்புப் பொதுச்செயலாளராக அரசியல் களத்திற்கு வந்த மோடி,14 ஆண்டுகள், குஜராத் உள்ளிட்ட பல மாநிலங்களில் பாஜகவுக்கு வலுவான அடித்தளத்தை ஏற்படுத்தினார். மிகவும் பிற்படுத்தப்பட்ட சமூகத்தில் பிறந்து, வறுமையான சூழலில் வளர்ந்து, நாட்டுக்காக தன் வாழ்வையே அர்ப்பணித்தவர். நரேந்திர மோடியின் இந்த பிறந்த நாள் மிகவும் விசேஷமானது. வரலாற்று முக்கியத்துவம் வாய்ந்தது. 2001 அக்டோபர் 7ம் தேதி குஜராத் முதலமைச்சராக மோடி பொறுப்பேற்றார். 12 ஆண்டுகளுக்கு மேல் முதலமைச்சர் பொறுப்பில் இருந்த அவர், 2014 மே 26ம் தேதி பிரதமரானார். வரும் அக்டோபர் 7ம் தேதி, முதலமைச்சர், பிரதமர் பதவிகளில், அதாவது ஆட்சித் தலைமையில் தொடர்ந்து 25 ஆண்டுகளை நிறைவு செய்து 26வது ஆண்டில் அடியெடுத்து வைக்கிறார். இந்திய அரசியலில் யாரும் நிகழ்த்தாத சாதனை இது. மக்களால் தேர்ந்தெடுக்கப்பட்டு தொடர்ந்து நீண்ட காலம் பிரதமர் பதவியில் இருந்தவர், தொடர்ந்து அதிக காலம் பிரதமராக இருந்தவர்களில் பண்டிட் நேருவுக்கு அடுத்து இரண்டாம் இடம், பண்டிட், நேரு, இந்திரா காந்திக்கு அடுத்த தொடர்ந்து மூன்றாவது முறையாக மத்தியில் ஆட்சி அமைத்தவர் என, பல சாதனைகளை படைத்தவர் மோடி. கடந்த 12 ஆண்டுகால மோடி ஆட்சியில், அமெரிக்கா, சீனா, ரஷ்யா போன்ற வளர்ந்த நாடுகளின் தலைவர்களை பின்னுக்குத் தள்ளி உலகத் தலைவர்களில் முதலிடத்தைப் பிடித்திருக்கிறார் மோடி. இதுவரை எந்த நாடும் நடத்தாத அளவுக்கு பிரிக்ஸ் மாநாட்டை பிரம்மாண்டமாக நடத்தி உலகை வியப்பில் ஆழ்த்தியிருக்கிறார். 2014ல் உலக பொருளாதாரத்தில் 11வது இடத்தில் இருந்த இந்தியா இப்போது 4வது இடத்திற்கு வந்துள்ளது. மோடியின் ஆட்சிக் காலத்தில் தான், வீடுகள்தோறும் கழிவறை, வீடுகள்தோறும் குழாய் மூலம் குடிநீர், வீடுகள்தோறும் மின் இணைப்பு, வீடுகள்தோறும் சமையல் எரிவாயு இணைப்பு, பிரதமர் வீடு கட்டும் திட்டத்தின்கீழ் அனைவருக்கும் சொந்த வீடு கட்ட வாய்ப்பு, அனைவருக்கும் வங்கி கணக்கு, குறைந்த விலையில் உயிர் காக்கும் மருந்துகளை வாங்க, 'மக்கள் மருந்தகம்' என அடிப்படை வசதிகள் சாத்தியமாகி இருக்கின்றன. 2014ல் இந்தியாவில் 387 மருத்துவக் கல்லூரிகளும், 51,348 எம்.பி.பி.எஸ். இடங்களும் இருந்தன. ஆனால், இப்போது, 844 மருத்துவக் கல்லூரிகளும், 1,39,000 எம்.பி.பி.எஸ். இடங்களும் உள்ளன. சுதந்திர இந்தியாவின் முதல் 67 ஆண்டுகளில் இந்தியாவில் இருந்த விமான நிலையங்களின் எண்ணிக்கை 74. கடந்த 12 ஆண்டுகால மோடி ஆட்சியில் மட்டும் புதிதாக 90 விமான நிலையங்கள் அமைக்கப்பட்டுள்ளன. கடந்த 12 ஆண்டுகளில் சென்னை, மும்பை, பெங்களூரு உள்ளிட்ட பெரு நகரங்களில் புதிதாக 750 கி.மீ. மெட்ரோ ரயில் பாதை அமைக்கப்பட்டுள்ளது. 2014ல் 250 கி.மீ. மட்டுமே மெட்ரோ ரயில் பாதை இருந்தது. தமிழ்நாட்டில் பாஜகவுக்கு தேர்தல் வெற்றி கிடைக்காவிட்டாலும், தமிழ், தமிழர், தமிழ்நாட்டின் அடையாளங்களை உலக அரங்களில் பெருமைப்படுத்தியுள்ளார். உலகின் தொன்மையான மொழி என, ஐ.நா. மன்றத்தில் முழங்கிய பிரதமர் மோடி மட்டுமே. சில நாட்களுக்கு முன்பு டெல்லியில் நடைபெற்ற பிரிக்ஸ் மாநாட்டிற்கு வந்த ரஷ்ய அதிபர் விளாடிமிர் புதினுக்கு, ரஷ்ய மொழியில் மொழிபெயர்க்கப்பட்ட திருக்குறள் நூலை மோடி பரிசளித்தார். பிரிக்ஸ் மாநாட்டில் உலகத் தலைவர்களை, நம் தமிழ்நாட்டின் ராமேஸ்வரம் ராமநாசுவாமி கோவில் பிரகார மண்டபத்தின் படத்தின் முன்பு பிரதமர் மோடி வரவேற்றார். இப்படி மோடி அரசின் சாதனைகளை சொல்லிக் கொண்டே போகலாம். சாதனை மேல் சாதனை படைத்து கொண்டிருக்கும் சரித்திர நாயகன் பிரதமர் நரேந்திர மோடிக்கு பிறந்தநாள் வாழ்த்துக்களை தெரிவித்துக் கொள்வதில் மகிழ்ச்சி அடைகிறேன். அவரது சாதனைகளை, ஒவ்வொரு வீட்டுக்கும், ஒவ்வொரு தனி நபருக்கும் கொண்டுச் சேர்க்க உறுதியேற்போம். #HappyBdayPMModi | #SevaSankalpAbhiyan | #AshirwadKaDiya