Б.Сүхболд

Өнөөдөр Хууль зүйн байнгын хорооны хуралдаанаар 2027 оны төсвийн төслийг хэлэлцэх үеэр яам, агентлагийн 65 албан хаагч хүрэлцэн ирж, олон цагаар сууж байна. Ихэнх нь хэлэлцүүлэгт бараг оролцохгүй, асуулт бараг оногдохгүй байж байгаад л алба руугаа буцаж буй харагдах. Яам, агентлагийн сайд, дэд сайд, ТНБД болон газрын дарга нар биечлэн оролцох нь зөв. Парламентын засаглалтай оронд төсвөө батлуулахын тулд тэд байх нь чухал. Харин бусад мэргэжилтэн, ажилтнуудыг бол цахимаар оролцуулах техникийн боломж нэгэнт бий болсон. Яг танхимд сууж байгаа мэт л хуралдаанд оролцоод явах боломж байгаа. Технологи ийнхүү хөгжчихөөд байхад төрийн ажлын арга барил хуучнаараа байж болохгүй. Төрийн албан хаагчид ажлаасаа оролцсоноор цаана нь тэднээс үйлчилгээ авах иргэдийн цаг л хэмнэгдэж, хүнд суртал тухайн үедээ буурах боломж нээгдэнэ.

Албан тушаал амьдралд өөрөөрөө байхын садаа болох тохиолдол байдаг. Тийм нөхцөл дагалдах аваас түүнээс алсуур явах нь хэнд ч өргүй, бүтээлч санаачилгатай бөгөөд эрх чөлөөтэй ажиллахын үндэс байдаг. Ямар ч тохиолдолд хүнээрээ үлдэж, өөрөө өөрийнхөө өмнө үнэнч үлдэх нь л үнэ цэнтэй.

Энэ өглөө Монгол, Австралийн нийгэмлэгийнхэнтэйгээ Австралийн Холбооны Улсын Парламентын Төлөөлөгчдийн танхимын дарга Милтон Дик, түүнийг дагалдан яваа албаны зочид болон Монгол Улсад суугаа Австралийн ЭСЯ-ынхантай уулзах сайхан боломж тохиов. Спикер манай холбооны үйл ажиллагааг үнэлэн дэмжиж буйгаа илэрхийлээд, тодорхой үйлдлээр бидний хүчин чармайлтад урам нэмэх санааг түгээнэ гэж хэллээ.

Австралийн Үндэсний их сургуулийн Хуулийн сургууль/факультет маань одоо “Хууль, засаглал ба бодлого”-ын сургууль болсон юм байна. Оновчтой өөрчлөлт мэт санагдав. Засаглал хуулин дээр тогтдог, бодлого засаглал болон хуулиар дамжин хэрэгждэг. Тиймээс хууль зүйн ухааныг ойлгоход эдгээрийг мэддэг байх нь чухал л даа. Энд ургасан моднууд нь хүртэл танил юм шиг санагдав : ))