سلطان الكتبي

مباراة الوصل أمس اختصرت حال الفريق هالموسم فريق يعطيك كل أشكال الأداء في مباراة وحده من الممتاز للجيد للضعيف لدرجة إنكتحتار في تقييمه في فترات من المباراة تشوف الفريق وتقول هذا الفريق قادر يكتسح أي منافس بنتيجة كبيرة وامس كان المفروض نطلع بفوز فارق 6 أهداف لو استغلينا الفرص بالشكل الصحيح..... لكن في المقابل تشوف سهولة استقبال الأهداف والأخطاء الدفاعية وتستغرب كيف فريق عنده هالإمكانيات يعاني من أبسط المواقف شخصيا ما أحمل المدرب المسؤولية كاملة لأن اللي نشوفه في الملعب يتجاوز مسألة التدريب والخطط.... هناك أخطاء فردية متكررة من اللاعبين وقرارات خاطئة في التمرير والتمركز وإنهاء الهجمات والأهم من هذا كله إن بعض اللاعبين واضح انهم يلعبون لأنفسهم أكثر من ما يلعبون للفريق كرة القدم لعبة جماعية ومهما كانت إمكانيات اللاعب مستحيل ينجح الفريق إذا كل لاعب يفكر في نفسه.... الوصل يحتاج لاعبين يفكرون كيف يخدمون المجموعة قبل ما يفكرون في إنجازاتهم الشخصية.... وبالمناسبة شكرا طارمي على المستوى اللي قدمه أمس..... لاعب أثبت قيمته وخبرته وجودته في كل التفاصيل في التحرك بدون كرة أو صناعة الفرص أو التسجيل أو قراءة الملعب.... لاعب يعرف متى يمرر ومتى يتحرك ومتى ينهي الهجمة....يحتاج لتوفيق اكثر وبيكون بشكل مختلف اتمنى يتعلمون منه الانتقالات الشتوية لازم تكون فرصة لتصحيح بعض الاختيارات ومن وجهة نظري الاستغناء عن سلدانا وتابيا والتعاقد مع لاعبين مقيمين اثنين يملكون الجودة والقدرة على صناعة الفارق أصبح ضرورة.... الوصل ما تنقصه الإمكانيات ولا الأسماء لكن تنقصه الاستمرارية والانضباط واللعب بروح المجموعة الجماهير من حقها تشوف فريق يلعب كرة قدم جماعية ويستثمر إمكانياته بالشكل اللي يليق باسم وتاريخ نادي الوصل مب فريق يلعب ٢٠ دقيقة