الله والطير والحيوان والنبات يؤمن بالإنسانية
والإنسان كفر بيها
لا جنة في السماء تنتظرنا، ولا جحيم يساع كل الأشرار دول
احنا في دوامة كان مفترض تكون جميلة
شوهنا الأمل بالحرب والحب بالغش والصدق بالتحوير
فاضل ايه عشان نفوق ونعيش
العمر قصير يا أغبيا
ايه من كل دا يستحق نضيعه فيه
في لحظة الحكم بين صح وغلط، نضع الروابط الاجتماعية على جنب وكل صاحب حق ياخد حقه
الحب مش مبرر للتغافل عن الذنب
والإنتماء لجماعة لا يعني ننصرها على غيرها لو غيرها له حق
كونوا ناس كويسين للناس كلها مش للي بتحبوهم بس
لا تُسقطوا المودة للخطّاء لكن اسمحوله يتطهر منه
دي الصداقة مش العكس
ديجا بريئة وصغيرة
ساعات مبتنتبهش كويس بس
مبتفرقش بين الصح واحساسها
لابد تتعلم الفرق
مش كل شيء بتحسه ينفع تطبقه، أو تواكبه، أو تسلّم بيه
بتفكر بقلبها بس
ودا شيء -رغم حنانه- خطير جداً
ممكن يكعبلها في أسى من غير ما تدرك، ممكن ميبقاش صح وهي مش فاهمة
أحن بنت في الدنيا واللي زيها نوادر
6
280
تجليات سنباطية وابراهيمية حزينة، تفريدة كلثومية قتلت فيا الأُنس وبعثته في صورة حزن خفيف
عليت الصوت على الآخر وعلمياً طربتني أما عملياً صفّيتني
غنيلي يا ست الحسن وآسي بدل ما تواسي
غنيلي وإذا النور نذيرٌ طالعٌ
وإذا الفجر مُطل كالحريق
وإذا الدنيا كما نعرفها
وإذا الأحباب كل في طريق
1
6
348
عزيزتي منال
ماهوش آخر مرسال بس دا آخر طاقتي
آخر مرة مكانتش ألطف شيء، إنت حاسة ولا مش حاسة
وعارفة أنا أقصد ايه
سهلة النهايات، أصبحت بخاف البداية وظنونها، وطغيان المصير والغد
بخاف مكونش بحب الدنيا فعلاً.. بخاف عليكي ليه، ايه هيجرالك أكتر
ميتين دا كوكب صعب
تعبنا من دورانه يا حبيبتي
24
530
فاضلك ايه
باقيلك ياما لكن مين ينزع عنك الغربة وزحمة الأفكار
مين يديلك وقته وحبه للآخر، مين يعينك على الفترة دي
ولما توصل للنهاية وتكبر وتمل إنك تحيا
مين من اللي هنا دلوقتي هيبقوا معاك هناك
بتخاف من كل مؤقت، ومن عقرب الساعة، ومن صدمتك في الغير وحبك في اصحابك
الخوف ابدي يا أمي
ابدي
لو حب ما غاب بضمير عمره ما يسلم بالغياب ويأكده
بشوف كل اللي غاب عني في كل مكان، مبنساش حد أو شيء
إلا اللي هونت عليه
أما اللي حبيته بضمير واللي كنت بين ايديه آمنة، مهما هيلف الزمن أو تطول بينا الطرق أو تسامرنا الفواصل وتتوه عناويننا
ببنيلهم في دماغي بيوت واحفظهم مع ذكراهم للأبددد
عين على الدنيا، عين على الهرب
ايد في الماية وايد في النار
وبين خيارين مستحيلين، بين النقائض يستحيل قراري، وتستحل الأقدار حيرتي مع إن الحيرة المفروض تتلغي من قايمة المشاعر، الحيرة حرام إنسانياً
وأنا مذهبي تردد
الله يلعن أبو الحياد
لا عشت يمين ولا حتى شمال
هعيش واموت ما بين حياتين
مكانش لازم تستتري ورا جسمك، كان ضروري تقوليلي بكلم مين
بتخافي تكوني ذاتك مش بتخافي من الناس
يا غبية مفيش أشرف من إن الإنسان يكون حقيقي الوضع متزيف لوحده بتزودي من وهمنا ليه
كسبانة ايه أو خسرانة ايه
مش عارفة اعاتب فيكي مين
نفسك اللي اتدارت ومعرفهاش ولا المستنسخة اللي كنت بظنها إنت
واضح جاتلي الحالة
وتاني تاني وعاشر واحداشر هاديين وزاهدين ولا نرغب في حد ولا عايزين حد يرغب فينا
حتى الأقرباء يارب
بحبهم لكن مش قادرة أفضل أكتر من ربع ساعة بكلم حد، فجأة ببقى عايزة سكوت تام ومحدش يلاحظني
معرفش لو دي حاجة نفسية
بس تايم كل انسان من بطاريتي الإجتماعية هو ربع ساعة بس
حزينة أوي
وذلك تعلمه أمي .. أو ربما لا
ربما تعلمه خديجة .. ربما برضو لأ
مين يعلمه مين يعلمه، أشك حد يعلمه ما هو مش باين عليا ومقولتش لحد
مش عارفة
غالباً أنا وبس، بس أنا معرفش حزينة ليه، بس حاسة إني غريبة هنا أو عايشة في حياة إيجار
مفيش حاجة انهاردة كانت هادية ويومي صفر مشاعر طيبة
حرفياً حلمت بكاركتر أحمد السقا في حلقة عايزة اتجوز
أنا صحيت ولبست ونزلت الشارع وبشتغل وكل دا وأنا بضحك حتى الآن ضحك مجنون مش عارفة اتحكم فيه نهائي أو اسكت، كل شوية افتكر جزء من الحلم واتقتل ضحك الناس فاكراني مجنونة
دلوقتي سمعت جزء من الحلقة وبعيط من الضحك وتأثير الحلم
أنا اتهبلت.
10
477
دلوقتي ساعة أشباه الأشياء واشباحها
المدينة تشبه للمدينة، الناس شبه الناس، والشجر يشبه للشجر
بس مشتحيل تكون دي حقايق
النقص يشمل كل شيء بإبهام مريب، مش معلوم ايه اللي ناقص
يمكن ناقصها شعور بالونس، لأني ماشية لوحدي
إن شاركني في رؤيتهم حد دلوقتي أكيد هتصدق عيني وتحس بكل اللي بتشوفه.



