Tito

في حاجات لو سبتها على طبيعتها هتلاقيها أبسط بكتير من اللي كنت متخيل عكس ما بيحصل لما تفضل تفكر فيها كتير

في وقت كده مش هيبقى مطلوب منك غير إنك متصلحش انطباعك عند حد غير نفسك

الواحد نفسه يرجع لأيام ما كان يصحى الساعة 7 الصبح على صوت المطر ويكتشف إنه مش رايح المدرسة النهارده، فيشغل الكارتون اللي بيحبه ويعمله شاي بلبن ومعاه كيكة ويقضي الصبح كله مستمتع بالكارتون وصوت المطر والجو اللي ريحته شتا، واحشني إحساس الأيام دي والله

نام وسيب بكرة لبكرة

مش كل وجع بيبات معاك للصبح يستاهل تصدقه

مجاش في بالك؟

كل ما زاد إحساسك زاد استهلاكك لنفسك

انت فاكر إنك بتوفر على نفسك استنزاف المشاعر بتجنبها مع إن التجنب نفسه استنزاف

مش تقولوا يا جماعة إن Halloween بدأ عشان الواحد ميدخلش تويتر قبل ما ينام

على الأغلب في مشاكل مكتوبة عليك هتروح كده ولا كده هتعيشها هتعيشها

غالبًا مفيش مصيبة من غير فضول

لا عارف تنسى ولا قادر تتقبل

ساعات الرغبة مبتختفيش لمجرد إنها اتحققت يمكن بتختفي عشان الشغف نفسه سابك ومشي

مينفعش تسمح لعقلك يتصدم في ناس هو حافظهم وعارفهم

اعتقد إن الصدف أكتر حاجة ممكن تفضل محفورة في ذاكرتك مهما عدا الوقت

على الأغلب مفيش حد بيشوف الصورة كاملة وهو جواها

مش كل اللي بيحب نفسه بيعرف يتعامل معاها

مش كفاية زعل يا أرق عايزين ننام والله